Свет
Хегсет споделил воени планови во разговор со неговата сопруга, Белата куќа: Тој врши феноменална работа
Американскиот секретар за одбрана Пит Хегсет сподели чувствителни информации за нападот врз Хутите поддржани од Иран во Јемен во март во групниот разговор на „Сигнал“ во кој биле вклучени неговата сопруга, неговиот брат и личниот адвокат, изјави за Ројтерс извор запознаен со ова прашање.
Откривањето на уште еден разговор дополнително ги зголемува сомнежите за употребата на некласифицирани комуникациски канали од страна на Хегсет за споделување строго доверливи безбедносни информации – во време кога тој се соочува со внатрешна криза во Пентагон, откако минатата недела беа сменети високи функционери поради протекување информации.
Во друг разговор, според истиот извор, Хегсет дал детали за нападот кои се слични на оние објавени минатиот месец во магазинот „The Atlantic“. Списанието ги добило информациите откако неговиот главен уредник Џефри Голдберг по грешка бил додаден на приватен разговор, што доведе до непријатна ситуација во која биле вклучени највисоките безбедносни функционери на претседателот Доналд Трамп.
Лице запознаено со ова прашање, кое сакаше да остане анонимно, рече дека вториот разговор вклучувал околу 12 луѓе и бил отворен за време на процесот на потврдување на номинацијата на Хегсет, првенствено за да се разговара за административни прашања, а не за оперативни воени планови. Меѓутоа, во таа група наводно биле споделени податоци за времето на воздушните напади.
Сопругата на Хегсет, Џенифер, поранешен продуцент на Фокс њуз, исто така присуствувала на чувствителни состаноци со странски воени претставници, според фотографиите објавени од Пентагон. Во март, на пример, таа седна веднаш зад него за време на состанокот со британскиот министер за одбрана во Пентагон. Братот на Хегсет е официјален претставник на Одделот за домашна безбедност во Пентагон. Администрацијата на Доналд Трамп е позната по агресивното следење на протекување информации, нешто што Хегсет силно го поддржува откако стана министер за одбрана.
Откако беше објавено дека споделил доверливи информации во разговор со неговата сопруга и брат, Хегсет остро ги критикуваше „оние кои објавуваат доверливи информации“ и ги нападна медиумите.
„Тие шират лаги одново и одново, и никој не бара одговорност за тоа. Тоа го прават медиумите – тие се потпираат на анонимни извори и незадоволни поранешни вработени за да ги уништат луѓето и нивниот углед“, рече Хегсет. „Тоа нема да помине кај мене. Го менуваме Министерството за одбрана, го враќаме Пентагон на оние кои се борат. Анонимната клевета од поранешните вработени повеќе не вреди ништо“, додаде тој.
На прашањето дали разговарал со претседателот Доналд Трамп, Хегсет навести дека ја има неговата поддршка.
Портпаролката на Белата куќа, Каролина Левит, потврди дека претседателот Доналд Трамп „целосно му верува“ на секретарот за одбрана Пит Хегсет, и покрај скандалот „Сигнал“ групата во кој беа вклучени членови на неговото семејство. „Зборував со претседателот утрово и тој цврсто стои зад секретарот Хегсет“, им рече Левит на новинарите.
Појавувајќи се на Фокс њуз, Левит рече дека Хегсет „врши феноменална работа“ на чело на Пентагон и додаде дека се соочува со отпор во самата институција.
Таа, исто така, нагласи дека нема размена на доверливи информации во групите Сигнал и обвини поединци од Пентагон за објавување доверливи информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата
Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“
Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест
Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата
Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни...
(Видео) Студентите на протестот во Белград ќе развеат знаме „какво што не се очекува“
Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва...
Плоштадот Славија во Белград се преполни, реки луѓе доаѓаат од сите страни на видовденски протест
Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки...
(Видео) Забраната од Орбан не ја спречи Парадата на гордоста во Будимпешта, огромен број луѓе се собраа во главниот град на Унгарија
И покрај забраната на Владата на Виктор Орбан, огромен број луѓе денес почнаа да се собираат во главниот град на...
Скенирањето сметки на апликацијата „МојДДВ“ е со прекини, УЈП извести за технички проблеми
Управата за јавни приходи извести дека мобилната апликација „МојДДВ“ во моментов работи со прекини. Тимот на УЈП интензивно работи на...
„Од 15 до 9 до 15 до 10 очекувајте почеток на насилство“, рече српскиот претседател Вучиќ во пресрет на протестот на студентите
Претседателот на Србија Александар Вучиќ очекува насилство на вечерашниот протест на студентите во Белград, објавуваат српските медиуми. По свеченоста на...
Пијан Турчин приведен во Охрид, со нож влегол во угостителски објект
Охрдиската полиција приведе пијан Турчин. Викал и непристојно се однесувал на улица, а потоа влегол во угостителски објект каде што...
Муцунски: Одлуките донесени во Хаг без водството на Трамп и САД, немаше да бидат можни
Министерот за надворешни работи и надворешна трговија, Тимчо Муцунски, на маргините на НАТО Самитот во Хаг, имаше интервју со етаблираниот...
Разбојништво во фризерски салон во Битола: му го зел прометот на фирзерот и му се заканил дека ќе го испрска со солзавец
Основното јавно обвинителство Битола донесе наредба за спроведување истражна постапка против 22-годишен битолчанец осомничен за кривично дело – разбојничка кражба...
Герасимовски повикува на концерт, ВМРО-ДПМНЕ му ги брои нереализираните проекти: Центар не доби парк и административна зграда кај ПУИК
Откако утрово градоначалникот на Општина Центар, Горан Герасимовски ги повика скопјани на концерт со Александар Тарабунов вечерва, ВМРО-ДПМНЕ во соопштение...
„Ве чекам во 20 часот, на плочникот кај Градски ѕид“, Герасимовски повика на концерт
Градоначалникот на Општина Центар, Горан Герасимовски, ги повика сите скопјани, вечерва да бидат дел од културната манифестација „Центарска симфонија“ што...
Голем видовденски протест вечерва во Белград, студентите се огласија за ненадлежни за она што ќе се случува по 21 часот
Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...
Три реформски закони за администрацијата ја поминаа првата фаза
Собранието даде поддршка на предлог законот за вработените во јавниот сектор, предлог на законот за административни службеници и на предлог...
Арсовска: Внукот на градоначалникот на Студеничани градел објект кога имал 5 години, а го легализирал на 6
Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
