Свет
Хезболах почнал да копа тунели кон Израел пред војната во 2006 година
Иако Израел ја почна операција за откривање и уништување на тунелите на Хезболах дури во декември 2018 година и тврдеше дека нивната изградбата почнала пред само неколку години, палестинското движење почнало да ги копа пред почетокот на војната во 2006 година според извештајот на i24 News.
Во извештајот се вели дека тогашниот шеф на Северната команда на Израелските сили за одбрана (ИДФ), Бени Ганц, бил информиран за почетокот на изградбата на тунелите од својот советник, полковник Јоси Ланкотски во 2005 година. Сепак, војската очигледно не го сфатила сериозно предупредувањето во тоа време.
Во декември 2018 година, израелската војска ја најаво операцијата „Северен штит“ чија цел е откривање и уништување на тунелите на Хезболах. Претходно во јануари израелската војска објави дека шест тунели биле уништени, а операцијата се смета за успешна.
Портпаролот на ИДФ, бригадниот генерал Ронен Манелис го објави уништувањето на тунелите на 13 јануари, но исто така призна дека има уште многу да се направи за да се откријат и неутрализираат сите тунели.
И Израел и Обединетите Нации ги сметаат тунелите за прекршување на Резолуцијата 1701 на ОН, усвоена со цел да се стави крај на израелската војна со Хезболах во 2006 година.
Прашањето за тунелите ги зголеми тензиите меѓу Израел и неговиот северен сосед, а изгледите за нов вооружен конфликт се појавуваат во време кога Тел Авив се бори да ги убеди шиитските муслимански држави да заземат страна и да се спротивстават на иранското влијание во регионот.
Од 2006 година Хезболах значително ги зајакна своите воени капацитети и акумулираше арсенал од околу 100.000 до 120.000 проектили и ракети со краток и среден дострел, како и неколку стотици ракети со голем дострел, објави i24 News. ИДФ сè уште не го коментираше извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во руски напад на Павлоград загинаа 12 лица
Во нападот на руски дронови што утрово беше извршен врз градот Павлоград загинаа 12 лица, а ранети се седуммина, соопшти шефот на воената управа на Дњепропетровската област, Александар Ганжа.
– Непријателско беспилотно летало експлодираше покрај службен автобус на едно од претпријатијата во Павлоградскиот округ. Според прелиминарните информации, 12 лица загинаа, а седуммина се повредени, се наведува во објавата на Ганжа.
Во исто време во руско бомбардирање на градот Славјанск во Доњецката област утрово загина 43-годишна жена, а уште една е ранета.
– Загина 43-годишна жена, жителка на Краматорск. Мое искрено сочувство до нејзиното семејство и пријателите. Една мештанка е повредена, информира началникот на воената управа на Славјанск, Вадим Љах.
Тој потврди дека во нападот се оштетени 14 повеќекатници, три автомобили, филијала на Нова пошта и деловен центар.
Свет
Бројот на жртви во пожарот во Швајцарија се искачи на 41, меѓу жртвите и 18-годишно момче
Почина осумнаесетгодишно момче кое беше повредено во пожарот во барот во Кран-Монтана, соопшти денеска швајцарската новинска агенција Keystone-SDA, повикувајќи се на обвинителството.
Младиот швајцарски државјанин починал во болница во Цирих. Со неговата смрт, бројот на жртви од пожарот во барот „Le Constellation“ во швајцарскиот центар Кран-Монтана се искачи на 41 лице.
Пожарот избувна за време на забава за Нова година, на која присуствувале главно млади луѓе, откако прскалки го запалиле таванот. Пламенот брзо се проширил, а многу луѓе останале заробени во подрумот, не можејќи навреме да побегнат преку тесните скали.
Повеќе од 100 луѓе беа повредени, од кои околу 80 претрпеа тешки изгореници.
Јавното обвинителство води истрага за убиство од небрежност, нанесување телесни повреди и предизвикување пожар.
Свет
Две лица загинаа во најновите руски напади со дронови врз Украина
Маж и жена загинаа во украинскиот град Днипро откако Русија изврши нов бран напади со дронови во текот на ноќта, соопштија денеска официјални лица.
Во нападот избувнал пожар, а една куќа е целосно уништена, изјави воената гувернерка Олександр Ханжа во објава на Телеграм.
Украинските воздухопловни сили соопштија дека Русија во текот на ноќта извршила вкупно 90 напади со дронови низ целата земја, од кои околу десетина завршиле со директни погодоци.
Нападите се случуваат во време кога руски и украински претставници денеска треба да се сретнат во Абу Даби на нови разговори за можен крај на војната.
Разговорите следуваат по слична средба одржана минатата недела, прва по подолга пауза, но овојпат без присуство на американски посредници.
Со цел создавање позитивна основа за разговорите, Русија го прифати барањето на американскиот претседател Доналд Трамп привремено да ги запре нападите врз украинската енергетска инфраструктура, откако претходните напади врз електраните оставија илјадници луѓе без струја, греење и вода, при температури под нулата.
Според Кремљ, ограничениот прекин на огнот треба да трае до денеска.
Во меѓувреме, во Украина продолжуваат работите за обновување на снабдувањето со електрична енергија по вчерашниот прекин, предизвикан од дефект на далноводите.
Градоначалникот на Киев, Виталиј Кличко, изјави дека околу 1.000 домаќинства и натаму се без греење, откако тешкото руско бомбардирање ја оштети електроенергетската и топлинската инфраструктура на главниот град.

