Свет
Хезболах: Соборивме израелско беспилотно летало

Хезболах, вооружена група со седиште во јужен Либан, објави дека соборила израелско беспилотно летало, што е првпат такво да изнесе такво тврдење за време на неодамнешните борби, јавува Би-би-си.
Тоа се случи во неделата над Кијам, на речиси 5 километри од границата со Израел, велат тие. Беше забележано дека дронот паѓа на израелска територија, соопшти Хезболах.
Според организацијата означена како терористичка група од Велика Британија и САД, од нападот на Хамас на 7 октомври во борбите со Израел се убиени 46 борци, а 43 се повредени.
Хезболах исто така соопшти дека извршил 84 напади на 42 точки по должината на границата во секојдневните судири со израелските војници
Израел соопшти дека досега се убиени најмалку седум негови војници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.
Свет
(Видео) Севиља на удар: силниот ветер срамни фарма, три тела извлечени од урнатините

Најмалку три лица загинаа при уривање на магацин на фарма во близина на Севиља, а властите истражуваат дали колапсот е предизвикан од торнадо, пренесува Ефе.
Heavy rainfall causes floods in Seville, Spain 🇪🇸 (04.04.2025) pic.twitter.com/QOQBN6A3k1
— Disaster News (@Top_Disaster) April 4, 2025
Неименуваниот граѓанин кој алармирал во повикот објаснил дека ветрот го однел покривот и дека биле зафатени ѕидовите, а во последните неколку часа во околината на Севиља се забележани силни ветрови и врнежи.
Меѓу жртвите има двајца браќа на возраст од 61 и 59 години, како и еден 40-годишен маж.