Свет
„Херојски се бореа, апсурдно е сега да се повлечат“ – Бајден го уверувал Зеленски дека Конгресот ќе ја изгласа помошта од 60 милијарди долари

Американскиот претседател Џо Бајден му кажа на својот украински колега Володимир Зеленски дека е уверен дека американската воена помош од 60 милијарди долари ќе биде одобрена за Украина.
Таа мерка допрва треба да помине на конечното гласање во американскиот Конгрес, но Бајден во телефонски разговор му рекол на Зеленски дека е уверен oти ќе биде одобрена, јавува Би-Би-Си.
Зеленски претходно упати итен повик за испорака на дополнително оружје за Украина, „со цел да се избегне катастрофална ситуација во Европа“.
По разговорот со Зеленски, Бајден рече дека „украинскиот народ се борел храбро и херојски и дека е апсурдно САД да се повлечат сега кога им треба муниција.
– Мислам дека тоа е неетички, мислам дека е против се што сме како држава, додаде тој.
По разговорот, тој на Телеграм напиша дека му е мило што може да смета на поддршката на Бајден.
– Поддршката за Украина е поддршка за демократијата и слободата. Мораме заедно да ги заштитиме овие вредности, напиша тој.
Претходно оваа недела, по неколкумесечни политички расправии, американскиот Сенат одобри пакет странска помош од 95 милијарди долари, вклучително и 60 милијарди долари за Украина. Меѓутоа, во Претставничкиот дом, членовите на Републиканската партија лојални на поранешниот претседател Доналд Трамп се уште не ја поддржале таа одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Иран и Израел наскоро ќе постигнат мировен договор, објави американскиот претседател Доналд Трамп

Иран и Израел наскоро ќе постигнат мировен договор, објави американскиот претседател Доналд Трамп на својата социјална мрежа Truth Social.
– Иран и Израел треба да постигнат договор – и ќе постигнат. Исто како што успеав Индија и Пакистан да постигнат договор, напиша Трамп.
Тој додава дека во моментов се одржуваат многу разговори и состаноци.
– Наскоро ќе имаме МИР меѓу Израел и Иран! Работам напорно и никогаш не ги добивам заслугите, но тоа е во ред, луѓето разбираат. Да го направиме блискиот Исток повторно голем“, нагласува Трамп.
Свет
Ердоган повика на итно запирање на конфликтот меѓу Израел и Иран

Турскиот претседател Реџеп Таип Ердоган денеска телефонски разговарал со американскиот претседател Доналд Трамп, и повикал на „итна акција“ за да се спречи конфликтот меѓу Израел и Иран да го запали целиот регион.
– Претседателот Ердоган ја поздрави денешната изјава на претседателот Трамп за решавање на конфликтот меѓу Израел и Иран и ја нагласи потребата од итно дејствување за да се спречи катастрофа што би можела да го запали целиот регион, се вели во соопштението од кабинетот на турскиот претседател.
За време на телефонскиот разговор меѓу двајцата лидери, втор во последните 24 часа, „претседателот Ердоган потврди дека спиралата на насилство предизвикана од израелските напади врз Иран предизвика непоправлива економска и цивилна штета на двете страни и дека оваа опасна ескалација треба да се запре“, се додава во соопштението.
Ердоган, исто така, му соопштил на Трамп дека може да ја преземе улогата на медијатор за решавање на конфликтот, откако претходно и рускиот претседател Владимир Путин изрази потготвеност за посредување меѓу Израел и Иран.
Свет
Иран попладнево започна нов бран ракетни напади врз цели во Израел

Иран попладнево започна нов бран ракетни напади врз цели во Израел, објави иранската новинска агенција Фарс. Во Тел Авив и други локации во централен Израел се објавени тревоги, а сирените се огласија и на северот од земјата.
Израелското Министерство за национална безбедност ги повика граѓаните да останат блиску до засолништата и бункерите.
Секое движење на јавни места треба да се сведе на минимум и да се избегнуваат јавни собири. Овие наредби ќе останат во сила додека не се објави ново известување, соопштија израелските власти.
Ова е прв пат од почетокот на конфликтот Иран да изврши дневен напад врз Израел. Досега сите напади беа изведувани во текот на ноќта