Свет
Хрватска со повик до своите граѓани: Веднаш да го напуштите Либан

Хрватското Министерство за надворешни и европски работи ги повика хрватските граѓани да го напуштат Либан, со што се приклучија на голем број земји кои претходно ги повикаа своите граѓани веднаш да ја напуштат блискоисточната земја поради очекуваната ескалација на конфликтот со Израел.
„Поради влошената безбедносна состојба, Министерство за надворешни и европски работи ги повикува хрватските граѓани да го напуштат Либан со комерцијални летови“, напиша Министерството на платформата Икс.
🚨 Zbog pogoršanja sigurnosne situacije, MVEP poziva hrvatske državljane da napuste Libanon komercijalnim letovima.
Nadležno veleposlanstvo:
Veleposlanstvo RH u Egiptu
3, Abou El Feda St., Zamalek, Cairo
📞 +202 – 273 83 155
📱 0-24: +20 128 140 0344— MVEP/MFEA 🇭🇷 (@MVEP_hr) August 4, 2024
САД, Обединетото Кралство, Австралија, Франција, Канада, Јужна Кореја, Саудиска Арабија, Јапонија, Турција и Јордан се меѓу земјите кои веќе ги повикаа своите граѓани да ја напуштат блискоисточната земја.
Во своите повици, САД и Британија им порачаа на своите граѓани да ја напуштат земјата со било кој можен лет.
Меѓународната заедница очекува ескалација на досега само спорадичните прекугранични конфликти меѓу Израел и Либан, откако во Техеран беше убиен политичкиот лидер на Хамас Исмаил Ханија, а во Бејрут беше убиен командантот на Хезболах Фуад Шукр.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Идниот германски канцелар за падот на берзите: Драматично е, а може да биде и полошо

Фридрих Мерц, шефот на германската ЦДУ, кој се очекува да ја преземе функцијата германски канцелар, предупреди дека ситуацијата на светските пазари на акции и обврзници може дополнително да се влоши.
„Пазарите се во драматична состојба што се заканува со понатамошна дестабилизација“, рече Мерц во изјава за Ројтерс.
Тој нагласи дека сега „е поважно од кога било, Германија што побрзо да ја врати меѓународната конкурентност“, а ова прашање треба да биде во центарот на коалициските преговори на неговата конзервативна опција со социјалдемократите.
Мерц се залага за пониски даноци, намалување на бирократијата и пониски цени на енергијата.
Утрово, продолжи насилниот пад на светските берзи. Кон средината на минатата недела американскиот претседател Доналд Трамп ги потресе објавувајќи повисоки царини на увозот од очекуваното.
Додека Кина возврати со контрамерки, инвеститорите стравуваат од ескалација на царинската војна, нарушувања во меѓународната трговија, зголемување на инфлацијата и забавување на растот на најголемите економии, па дури и рецесија.
Поради тоа, цените на акциите утринава остро паднаа на азиските берзи, но и на европските.
Европа
Тинејџер избоден до смрт во Лондон, уапсени двајца 16-годишници

Двајца тинејџери се уапсени откако 17-годишник беше избоден до смрт во саботата во западен Лондон.
Полицијата била повикана околу 13.10 часот по пријава за напад со нож на улицата Ерконвалд во Шепердс Буш. На местото на настанот биле пронајдени две млади момчиња со убодни рани.
Еден од нив, 17-годишниот Кеирон Чарлс, починал на лице место, потврди лондонската полиција.
Уште едно 16-годишно момче е пренесено во болница со повреди кои не се опасни по живот. По лекувањето, тој бил отпуштен и уапсен поради сомнение за убиство. Тој моментално е во притвор.
Третиот осомничен, исто така 16-годишен, го напуштил местото на настанот, но бил уапсен вчера рано наутро и исто така е во притвор, соопшти лондонската полиција. Истрагата за убиството е во тек.
Свет
Расте бројот на загинати во земјотресот во Мјанмар, сега се над 3.500

Бројот на загинати во земјотресот со јачина од 7,7 степени според Рихтеровата скала што го погоди Мјанмар пред десет дена се искачи на најмалку 3.515, а 210 лица сè уште се водат за исчезнати, покажуваат податоците што во понеделникот ги објави војската на Мјанмар.
Повеќето од жртвите се во и околу Мандалеј, вториот по големина град во Мјанмар. Таму загинаа повеќе од 2.100 луѓе.
Продолжувањето на работата на спасувачките служби го отежнуваат обилните дождови и ветровите, кои ги оштетија шаторите и теренските болници на меѓународните тимови. Метеоролозите предупредуваат на можност од поплави и одрони поради претстојната сезона на дождови.
Властите прогласија крај на операциите за пребарување и спасување и го пренасочија својот фокус на извлекување и расчистување на остатоците. Извештаите укажуваат дека мртовечниците се преполни и масовно кремирање се врши на отворено, јавува ДПА.
Во многу погодени области смрдеата на трупови е во воздухот, што го отежнува престојот на хуманитарните работници и на жителите. Поради многуте последователни земјотреси, некои од жителите се плашат да се вратат во своите домови, па спијат на отворено.
Покрај новите земјотреси, состојбата ја загрозува и честото губење на интернетот, што ги прекинува комуникацијата и воздушната координација.
Во делови од Мјанмар ситуацијата е катастрофална. Весникот „Иравади“ пишува дека повеќе од 80 отсто од инфраструктурата на Сагаинг Сити е уништена.
Хуманитарната ситуација останува тешка, пред сè, за ранливите групи во оваа земја погодени од внатрешни конфликти.