Свет
Хутите тврдат дека извршиле напад со четири дрона во Саудиска Арабија

Бунтовничката група Хути во Јемен ги засили своите напади против Саудиска Арабија во последните неколку месеци, честопати таргетирајќи разни инфраструктурни објекти или други важни објекти, пренесува „Спутник“.
Офанзивата на Хутите доаѓа и покрај предложениот прекин на огнот спонзориран од ОН.
Јеменските Хути лансираа четири беспилотни летала насочени кон важни цели во главниот град на Саудиска Арабија, Ријад, изјави портпаролот на групата. Арапската коалиција допрва ќе потврди дали инцидентот се случил.
Наводниот напад се случи само неколку дена откако Хутите извршија голем напад против кралството на 26 март за да ја одбележат шестата годишнина од кризата во Јемен.
Акцијата со беспилотни летала и проектили беше насочена против голем број саудиски нафтени постројки и воени цели. Ракета на Хутите удри во нафтен терминал во градот Џизан предизвикувајќи експлозија и последователен пожар.
Минатата недела Саудиска Арабија изнесе предлог за прекинување на конфликтот преку примирје спонзорирано од ОН. Сепак, од објавувањето на иницијативата земјата беше цел на повеќе напади.
Од март 2015 година арапската коалиција предводена од Саудиска Арабија им помага на силите на Хади извршувајќи воздушни, копнени и морски операции против бунтовниците, кои ги контролираат главниот град на Сана и големите области во северен и западен Јемен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Путин вели дека денес ќе разговара со Трамп

Рускиот претседател, Владимир Путин, денес изјави дека подоцна во текот на денот ќе разговара со својот американски колега Доналд Трамп.
Ова ќе биде шестиот јавно познат разговор меѓу двајцата лидери откако Трамп се врати во Белата куќа во јануари, а ќе се одржи во услови на досега неуспешни напори на Соединетите Американски Држави да преговараат за прекин на огнот во Украина.
Двајцата претседатели последен пат разговараа на 14 јуни, а главната тема на нивниот разговор беше Иран.
Европа
Украина припаѓа на Европската Унија, му рече данската премиерка на Зеленски

Претседателот на Украина, Володимир Зеленски, пристигна во Орхус, западна Данска, каде што ќе присуствува на одбележувањето на почетокот на данското претседателство со Советот на Европската Унија.
Според најавата на данската влада, Зеленски ќе разговара со премиерката Мете Фредериксен, претседателката на Комисијата, Урсула фон дер Лајен, и со претседателот на Европскиот совет, Антонио Коста.
Тие ќе разговараат за поголема воена поддршка за Украина, соработка со украинската одбранбена индустрија и нови санкции против Русија.
„Украина припаѓа на Европската Унија, тоа е во интерес и на Данска и на Европа. Затоа данското претседателство ќе направи сè што може за да ѝ помогне на Украина на патот кон членство во ЕУ“, рече Фредериксен.
Данската премиерка истакнува дека ЕУ мора да ја зајакне Украина и да ја ослаби Русија.
„Украина е клучна за безбедноста на Европа. Мора да го зголемиме притисокот врз Русија“, рече Фредериксен.
Свет
Песков: Крајот на специјалната воена операција во Украина ќе биде поблиску доколку пристигнува помалку оружје од Западот

Крајот на војната во Украина ќе зависи од количината западно оружје што ќе го добие Киев, изјави Дмитриј Песков, портпаролот на рускиот претседател, додавајќи дека Русија внимателно ја следи ситуацијата во врска со снабдувањето на Украина со оружје и дека забележува одредени проблеми.
„Колку помалку ракети пристигнуваат во Украина од странство, толку е поблиску крајот на специјалната воена операција“, истакна Песков.
Претходно, како што објави „РИА новости“, порталот „Политико“ пишуваше за привременото запирање на испораките на муниција и оружје од САД за Украина поради исцрпувањето на американските резерви.
Заменик-портпаролката на Белата куќа, Ана Кели, потврди за Ен-би-си дека имало прекин во испораките наведувајќи дека одлуката е донесена за да се заштитат интересите на Америка како приоритет.
Исто така, републиканскиот конгресмен и член на Комитетот за разузнавање на Претставничкиот дом, Брајан Фицпатрик, побара итен брифинг од Белата куќа и од Пентагон во врска со прекинот на воените испораки на Киев.
Коментирајќи ги овие наводи, Песков изјави дека „се чини оти американската индустрија не успева да произведе доволен број ракети, особено затоа што големи количини беа испорачани во Израел и во Украина, а испораките сè уште се во тек“ додавајќи дека Русија внимателно ја следи ситуацијата, пренесува „Танјуг“.