Поранешниот германски канцелар Герхард Шредер (СПД) е примен во болница поради хроничен замор, изјави денеска адвокатот на Шредер.

Кога Шредер одби да учествува во работата на истражниот комитет на собранието на Шверин, главниот град на германската покраина Мекленбург-Западна Померанија, во средината на јануари, за изградбата на контроверзниот гасовод Северен тек 2 во Балтичкото Море, се појавија шпекулации за неговото здравје, објави весникот „Билд“.

„Поранешниот канцелар страда од проблеми со концентрацијата и меморијата, како и од нарушувања на спиењето. Тој не е во состојба да се справи со продолжениот физички и психички стрес, особено со јавната работа како член на истражниот комитет на собранието Шверин, ниту сега, ниту во догледна иднина”, рече адвокатот на Шредер кој зборуваше во име на семејството и побара од јавноста да ја почитува приватноста на пациентот.

Севернокорејските сили распоредени во рускиот регион Курск „не учествуваат во борби“ од средината на јануари, изјавија денеска за АФП јужнокорејските разузнавачи, потврдувајќи ги претходните украински извештаи.

„Се чини дека од средината на јануари, севернокорејските сили распоредени во регионот Курск во Русија не учествуваат во борбите“, соопшти јужнокорејската Национална разузнавачка служба. „Една причина може да биде големиот број жртви, но точните детали се уште се истражуваат“, додаде изворот во изјавата.

North Korean infantry attacks Ukrainian positions in Kursk. This is yet another confirmation that it is not just “Ukrainian probelm.” When dictators joined to destroy a sovereign democratic country, it becomes the problem for the entire world. Because the next question is who is… pic.twitter.com/yUZ4zufo2e

— Roman Sheremeta 🇺🇦🇺🇸 (@rshereme) December 14, 2024

Украинската војска во петокот соопшти дека верува оти севернокорејските трупи кои се борат заедно со руските војници на фронтот во регионот биле „повлечени“ откако претрпеа големи загуби.

Според Киев, 12.000 севернокорејски војници, меѓу кои „околу 500 офицери и тројца генерали“ се распоредени во овој регион, каде што украинската армија од август окупираше неколку стотици квадратни километри. Ниту Русија, ниту Северна Кореја не потврдија дека овие војници се приклучиле на руската армија.

Поранешниот генерален секретар на НАТО, Јенс Столтенберг, треба да стане нов министер за финансии на Норвешка, како дел од реконструкцијата на владата што премиерот Јонас Гар Сторе ќе ја објави денеска, јави јавната телевизија НРК.

Столтенберг беше лидер на Лабуристичката партија и премиер на Норвешка неколку години, пред да ја извршува функцијата генерален секретар на НАТО од 2014 до 2024 година.

Сторе ја презеде функцијата лидер на Лабуристичката партија по Столтенберг.