Свет
Црвена полумесечина: Изгубивме контакт со нашите тимови во Газа

Палестинската Црвена полумесечина соопшти дека целосно изгубила контакт со сите свои тимови во Појасот Газа, откако мобилните телефонски и интернет услугите беа прекинати низ територијата поради силните бомбардирања.
„Длабоко сме загрижени за способноста на нашите тимови да продолжат да ги обезбедуваат своите итни медицински услуги, особено бидејќи ова нарушување влијае на централниот број за итни случаи „101“ и го отежнува амбулантното возило да стигне до ранетите и повредените. Загрижени сме и за безбедноста на нашите тимови кои работат во Појасот Газа бидејќи континуираните и интензивни израелски воздушни напади дење и ноќе покажуваат дека израелските власти ќе продолжат да вршат воени злосторства додека ја изолираат Газа од надворешниот свет“, се вели во соопштението.
„Ја повикуваме меѓународната заедница да изврши притисок врз израелските власти да обезбедат итна заштита на невините цивили, медицинските установи и нашите тимови“, соопшти палестинската Црвена полумесечина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.