Свет
Четвртина од светското население се соочува со потенцијален недостиг на вода
Една четвртина од светската популација се соочува со екстремно висок недостиг на вода, покажуваат најновите податоци објавени од Светскиот институт за ресурси (WRI).
Меѓу 17-те земји кои спаѓаат во оваа категорија е и Сан Марино.
„Никој не зборува за оваа криза“, рече д-р Ендру Стир, претседател и извршен директор на институтот.
Последиците од оваа криза, истакнува тој, се јасно видливи во вид на недостиг на храна, конфликт и миграција, како и финансиска нестабилност.
Поголемиот дел од јужна Европа спаѓа во оваа категорија, при што некои градови и региони се соочуваат со уште подлабока криза.
Катар, Израел, Индија, Пакистан и Иран се меѓу најпогодените земји, искористувајќи во просек 80% од достапните водни ресурси секоја година. Под овие околности, „дури и малите суши – кои се засилуваат како резултат на климатските промени – можат да предизвикаат сериозни последици“, предупредува институтот во изјавата.
Сан Марино е единствената земја во Европа која се соочува со екстремно висок недостиг на вода.
Кипар, Грција, Шпанија, Португалија, Италија – па дури и дождливата Белгија – беа рангирани меѓу 44-те земји кои исто така се погодени од овој проблем, што значи дека во просек искористуваат повеќе од 40% од достапните водни ресурси секоја година.
„Ваквиот тесен јаз помеѓу понудата и побарувачката ги прави земјите ранливи на флуктуации како суши или зголемено повлекување на вода, поради што гледаме сè повеќе заедници кои се соочуваат со најразлични кризи“, истакнуваат од институтот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поранешната американска потпретседателка се огласи од Калифорнија: „Камала Д. Харис секогаш се бори за народот“
Поранешната американска потпретседателка Камала Харис, по враќањето во Калифорнија, рече дека најважно за неа е да им даде до знаење на луѓето погодени од пожарите во таа американска држава дека не се сами.
По посетата на противпожарната станица во Алтадена, Калифорнија, таа и нејзиниот сопруг Даг Емхоф поделиле бесплатни оброци во Народната кујна, пренесува американски „Politico“.
„Ние сме некои од среќниците, нашиот дом е сè уште таму. Сакавме да излеземе и да ја погледнеме оваа извонредна заедница и само да им дадеме до знаење на луѓето дека ги гледаме и дека се згрижени“, рече Харис, чиј дом е во задолжителната зона за евакуација на пожари во Палисадес.
Харис не зборуваше за политика, туку повеќе ја истакна важноста на волонтерите.
„Моментите на криза навистина ги изнесуваат хероите меѓу нас“, рече таа, пофалувајќи ги пожарникарите и волонтерите кои ги загубија своите домови, но сè уште работат на помош на својата заедница.
Таа не зборуваше ниту за нејзините идни планови, ниту пак одговори на новинарско прашање дали ќе се кандидира за гувернер на Калифорнија.
Веднаш по инаугурацијата, Харис ја ажурираше својата официјална веб-страница објавувајќи нова фотографија и натпис „Канцеларија на Камала Д. Харис“.
Веб-страницата вклучува и линк до нејзината нова е-пошта, која гласи „контактирајте со поранешниот потпретседател“ и „Камала Д. Харис секогаш се бори за народот“.
Свет
Вицепремиерката на Шпанија најави дека ќе престане да ја користи социјалната мрежа Х
Потпретседателката на шпанската влада Јоланда Дијаз денеска изјави дека ќе престане да ја користи социјалната мрежа Х, во сопственост на милијардерот Илон Маск, поради неговото однесување во понеделникот за време на настаните поврзани со инаугурацијата на новоизбраниот американски претседател Доналд Трамп.
„Нема да бидам дел од социјална мрежа заснована на употреба на алгоритми кои поттикнуваат ксенофобични идеи, се спротивставуваат на човековите права и ја охрабруваат екстремната десница во светот“, изјави Јоланда Дијаз.
Таа рече дека ја донела одлуката не само поради гестовите на Маск, туку и поради тоа што тој го кажал, пренесува Ројтерс.
Маск ја крена раката на начин што привлече споредби со нацистичкиот поздрав на настан поврзан со инаугурацијата на Трамп.
Неодамна, германските министерства за надворешни работи и за одбрана објавија дека ќе престанат да ја користат мрежата Х, што веќе го направија неколку универзитети во Велика Британија и Германија.
Свет
(Видео) Експлозија во европско пристаниште – има загинати
Едно лице загина, а друго е повредено во експлозија на пристаништето во Барселона утринава, соопштија службите за итни случаи во шпанската област Каталонија.
Una explosión en el Muelle de Energía del Puerto de Barcelona ha dejado al menos un muerto y un herido#explosion #Barcelona #iranpress pic.twitter.com/pOZvl6xGYz
— SpanishIranpress (@Spainiranpress) January 21, 2025
Се известува дека пожарот предизвикан од експлозијата е изгаснат.
Службите за итни случаи објавија на платформата X дека експлозијата се случила за време на одржување на пристаништето каде што се натоварени хемикалии, природен гас и рафинирани нафтени деривати.
Градското собрание на Барселона соопшти дека прогласило вонредна состојба поради ризикот од хемиско загадување по пожарот предизвикан од експлозија на транспортен резервоар, пренесе Ројтерс.