Свет
Човек со „молотов коктел“ се обидел да провали во резиденцијата на Макрон

Три лица се уапсени во Париз во четвртокот откога едно од нив се обидело да се прекачи преку портите на резиденцијата на претседателот Емануел Макрон носејќи шише запалива течност за кое се вели дела било „молотов коктел“, пренесува „Фигаро“.
Инцидентот во Елисејската палата се случил попладнето. Група од двајца мажи и една жена биле уапсени кога едниот од нив се обидел да влезе во претседателската резиденција, а двајцата други го снимале неговиот обид.
Натрапникот, кој имал 30-ина години, наводно имал шише запалива течност и парче ткаенина, кое го запалиле пред да почне да се качува на портите на палатата.
Не е јасно дали „молотовиот коктел“ бил фрлен за време на потфатот, но полицијата го обвини триото за обид за насилство со употреба на оружје, изјави извор за „Фигаро“. Осомничениот наводно тврдел дека е уметник и негирал дека имал насилни намери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.