Свет
Шведска се впушта во огромен експеримент со опуштениот пристап против коронавирусот
Шведска се издвојува од остатокот во светот во справувањето со коронавирусот. Во оваа земја училиштата се отворени и нема ограничување на движењето со што скандинавската нација се впушта во она што еден здравствен експерт го нарече „огромен експеримент“, објави „Фајненшнл тајмс“.
Откако Велика Британија во понеделникот воведе низа забрани, Шведска е најголемата европска земја со најмалку ограничувања за тоа каде луѓето можат да одат и што можат да прават. Училиштата за деца до 16 години остануваат отворени, многу луѓе продолжуваат да одат на работа, а јавниот превоз и понатаму функционира со огромен метеж.
Шведските власти забранија јавни собири на повеќе од 500 лица, ги затворија универзитетите и колеџите за високо образование и ги советуваа работниците да останат дома доколку е можно. Рестораните и баровите се отворени.
Локалните медиуми се полни со приказни за илјадници луѓе кои се собираат во шведските ски-центри, кои до саботата го одржуваа својот ноќен живот отворен. Вирусот претходно лесно се прошири во планинските одморалишта во Австрија и Италија.
Јохан Карлсон, шеф на Шведската агенција за јавно здравје, минатата недела го бранеше пристапот на Шведска, велејќи дека земјата „не може да преземе драконски мерки кои имаат ограничено влијание врз епидемијата, а кои ќе ги нокаутираат функциите на општеството“.
Но, тој призна дека бројката од 90.000 луѓе што умираат годишно во Шведска „би се зголемила значително“ доколку здравствениот систем стане преоптоварен.
Во Шведска досега се пријавени 2.300 случаи на Ковид-19, 40 смртни случаи и 16 излекувани. Тоа се споредува со повеќе од 6.000 смртни случаи во Италија, најтешко погодената земја во Европа.
„Иднината сè уште изгледа дека може да се контролира“, рече Андерс Тегнел, државен епидемиолог во Шведска.
Властите велат дека не ја спроведуваат стратегијата „имунитет на стадото“, според која голем дел од населението треба да се инфицира со вирусот со цел општеството да изгради имунитет.
Наместо тоа, Шведска се обидува да го забави ширењето на инфекциите и да осигури дека нејзиниот здравствен систем нема да биде преоптоварен.
Медиумите пренесуваат дека ситуацијата на улиците на Стокхолм се променила „драматично“ во последните неколку недели и покрај отсуството на законски ограничувања, при што многу помалку луѓе излегуваат надвор.
Јоаким Роклов, епидемиолог од универзитетот Умеа, рекол дека шведските власти преземаат огромни ризици со јавното здравство кога толку многу работи се непознати за коронавирусот.
„Не гледам зошто Шведска би се разликувала од другите земји. Тоа е огромен експеримент“, изјави тој за „Фајненшл тајмс“.
„Постои голем ризик Шведска да мора да премине во карантин кога здравствениот систем ќе западне во криза“, додаде тој.
Опуштениот пристап на Шведска е во контраст со нејзините нордиски соседи. Данска, Норвешка и Финска ги затворија училиштата, ги затворија своите граници и наметнаа други ограничувања.
Премиерот на Шведска, Штефан Лофвен, во видеообраќање ги повика сите да преземат улога во спречувањето на ширење на вирусот, на пример, да не ги посетуваат постарите роднини, да работат од дома и социјално да се дистанцираат.
Тој во неделата го искористи телевизиското обраќање до нацијата за да предупреди дека може да дојде до порестриктивни мерки, бидејќи призна дека следните неколку месеци ќе биде тешко. Лофвен ги повика луѓето да преземат одговорност и да ги следат препораките на владата.
Во понеделникот поранешниот државен епидемиолог од Шведска и сегашен советник во Светската здравствена организација (СЗО), Јохан Гисеке, ги охрабри Швеѓаните да излезат и да уживаат во пролетното сонце.
„Земете пријател и прошетајте на еден метар оддалеченост еден од друг. Не прегрнувајте го соседот. Земете термос и седете на клупа во парк. Лошо е и за здравјето да се седи дома“, рече Гисеке.
Погрешен или правилен пристап, се чини дека Шведска е во подобра состојба од соседите, според бројот на пријавени случаи.
Во вторникот, Шведска објави 2.272 потврдени случаи на нов коронавирус, додека Норвешка и Данска – во кои има околу половина од населението на Шведска – пријавиле 2.566 и 1.577 случаи, соодветно.
Сепак, во сите скандинавски земји се верува дека има голем број непознати случаи, бидејќи тестирањето се прави само на пациенти со сериозни симптоми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нетанјаху: „Нема повеќе воздржаност, Израел мора да има силна армија“
Израелскиот премиер Бенјамин Нетанјаху денес изјави дека на Израел му е потребна голема армија, со резервни формации во нејзиното јадро.
„Резервните сили се фундаментална компонента, клучен елемент. Ни треба голема, силна, а воедно и паметна армија“, рече Нетанјаху на конференција со високи резервни офицери, на која присуствуваа и министерот за одбрана Израел Кац и началникот на Генералштабот на израелските одбранбени сили, генерал-потполковник Ејал Замир, објави „Тајмс оф Израел“.
Според него, децении пред нападот на Хамас на 7 октомври 2023 година, израелската армија ги затвораше резервните единици, движејќи се кон „мала, паметна“ армија заснована на високо обучена сила за активно регрутирање.
Како што изјави тој, двете години копнени борби на повеќе фронтови од инвазијата на Хамас во голема мера се потпираа на резервисти, кои служеа во повторени рунди на повици.
„Не само што го променивме Блискиот Исток – туку се променивме и себеси. Нема повеќе воздржаност. Постои постојана иницијатива и проактивност. Резервните формации се појавија повторно, спротивно на сè што мислеше непријателот. Тие грешеа. Погрешно нè проценија. Погрешно ве проценија вас“, рече Нетанјаху.
Израелските одбранбени сили и одбранбениот естаблишмент соопштија дека на армијата ѝ се потребни дополнителни 12.000 борбени војници поради зголемените безбедносни потреби на земјата, смртта и повредите на илјадници војници за време на двегодишната војна од нападот и масакрот на Хамас на 7 октомври 2023 година.
Фото: принтскрин
Свет
Русија планира да го признае мајчинството како вработување со полно работно време
Државната дума на Русија е пред усвојување на историски закон со кој официјално би се признало мајчинството како форма на работа, објавува „BRICS News“. Нацрт-законот, кој моментално е во последна фаза на разгледување, предвидува времето поминато во грижа за деца и на породилно отсуство да се смета во возраста за пензионирање, што им овозможува на мајките да добијат пензиски кредит за нивните напори и посветеност на семејството.
Оваа иницијатива, според официјалните лица, има за цел да ја зајакне социјалната сигурност на семејствата и да ја поттикне стапката на наталитет, што е итен проблем во Русија. Економистите, од друга страна, предвидуваат пошироки социјални последици, нагласувајќи дека со усвојувањето на овој закон, неплатената домашна работа за прв пат би се изедначила со другите форми на вработување на институционално ниво.
Доколку законот се усвои, тоа ќе претставува прогресивен чекор во признавањето на економската важност на семејната грижа, која досега беше надвор од формалниот систем на работа. Оваа одлука би можела да го промени начинот на кој општеството ја перцепира и вреднува улогата на мајката и конечно, да ѝ обезбеди заслужено место во пензискиот систем. Дали другите земји ќе го следат овој пример, останува да се види, но со овој чекор, Русија несомнено започна важна дебата за економската вредност на неплатената домашна работа, пренесува медиумот.
Фото: принтскрин
Свет
Орбан: Финансирањето на Украина не е работа на Унгарија
Унгарскиот премиер Виктор Орбан денес изјави дека, според јавните проценки, на Украина ѝ се потребни 400 милијарди американски долари за да ја продолжи војната со Русија во следните четири години.
Тој рече дека се очекува Европската Унија да ја плати сметката, но истакна дека „не е работа на Унгарија да ја финансира Украина“, иако неговата земја е членка на ЕУ.
Орбан рече дека, освен ЕУ, нема никој друг кој е подготвен да ја плати сметката, пренесува МТИ.
„Затоа Брисел е толку вознемирен. Затоа сакаат да запленат замрзнати руски средства, да го ревидираат системот за финансирање на ЕУ и да земат нови заеми. Ние го отфрламе тоа. Не е работа на Унгарија да ја финансира Украина. Немаме причина за тоа, ниту политички, ниту економски, ниту морално. Не сме сами во Европа, но зборуваме најотворено. Затоа Брисел постојано нè напаѓа“, рече Орбан.
Тој рече, користејќи германски термин, дека ЕУ сака „влада (jawohl)“, односно влада која само ќе каже „разбирам“.
„Тие сакаат „jawohl“ влада со Канцеларија на европски јавен обвинител, економска политика што е во согласност со ЕУ, експерти одобрени од Брисел и премиер кого можат да го контролираат“, рече Орбан.
Тој најави дека владата на таа земја ќе ги поддржува унгарските семејства, компании и пензионери во следните четири години, како дел од кои ќе се воведе ослободување од данок за мајките со две или три деца, а ќе се врати 14-тата пензија.
„Не можеме да дозволиме унгарски пари да се испраќаат во Украина“, заклучи Орбан.
Фото: принтскрин
(Видео) ДИК ги соопшти првичните официјални резултати од вториот круг на локалните избори
Државната изборна комисија попладнево ги соопшти првичните официјални резултати од вториот круг на локалните избори. Гласањето како што информираше претседателот...
Уапсен е возачот кој денеска со „пасат“ усмрти велосипедист на булеварот „Гоце Делчев“ во Скопје и побегна од местото
Денеска (03.11.2025) во Скопје, полициски службеници од СВР Скопје го лишија од слобода Х.К.(37) од Скопје. Тој околу 12:30 часот...
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
Трамп: Не размислувам да испратам ракети „томахавк“ во Украина
Американскиот претседател Доналд Трамп изјави дека всушност не размислува да ѝ даде на Украина крстосувачки ракети „Томахавк“ со долг дострел....
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
(Видео) Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
