Свет
Шефот на европската дипломатија е згрозен од бројот на жртвите од израелскиот напад врз бегалскиот камп
Жозеп Борел, шефот на европската дипломатија, објави остра изјава во која нагласи дека е ужасен од бројот на жртвите од израелскиот воздушен напад во бегалскиот камп „Џабалија“ во северниот дел на Газа додавајќи дека „законите на војната и хуманоста секогаш мора да се применуваат“.
Во објавата на социјалните мрежи тој напиша: „Следејќи ја јасната позиција на Советот на ЕУ дека Израел има право да се брани во согласност со меѓународното хуманитарно право и обезбедувајќи заштита на сите цивили, јас сум ужасен од големиот број жртви по израелското бомбардирање на бегалскиот камп ‘Џабалија’“.
„Генералниот секретар на ОН, Антонио Гутереш, потсети дека меѓународното хуманитарно право не може да се применува селективно вклучувајќи ги принципите на дистинкција, пропорционалност и претпазливост. Правото на самоодбрана секогаш треба да биде балансирано со обврската да се поштедат цивилите во најголема можна мера“, рече Борел.
„Законите на војната и хуманоста мора секогаш да се применуваат, вклучително и кога станува збор за хуманитарната помош. Со оглед на трагедијата што се случува во Газа, Европската Унија од минатата недела повикува на хуманитарни коридори и паузи за хуманитарни потреби, а како што ситуацијата станува сè пострашна, ова е поитно од кога било. Безбедноста и заштитата на цивилите не е само морална, туку и законска обврска“, заклучи шефот на дипломатијата на ЕУ.
Палестинските здравствени власти соопштија дека најмалку 50 Палестинци биле убиени кога израелските воздушни напади го погодиле густо населениот бегалски камп „Џабалија“ во северниот дел на Газа. Израел соопшти дека во нападот бил убиен водачот на минатомесечниот смртоносен напад на Хамас врз Израел.
Лидерите на ЕУ минатата недела повикаа на паузи во израелските бомбардирања и ракетните напади на Хамас за да се овозможи хуманитарната помош да стигне до Газа преку безбедните коридори нагласувајќи ја нивната длабока загриженост поради влошувањето на хуманитарната ситуација во областа.
ООН и други хуманитарни претставници изјавија дека цивилите во опколената палестинска енклава се соочуваат со катастрофа во јавното здравје. Израелскиот премиер Бенјамин Нетанјаху ги отфрли меѓународните повици за „хуманитарна пауза“ во борбите велејќи дека Хамас ќе го искористи секој прекин на огнот во своја полза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Маж од Флорида осуден за убиство на трудна девојка која одбила да абортира
Судoт во Флорида го прогласи 23-годишниот Донован Фејсон за виновен за убиство на неговата 18-годишна девојка Кајлин Фиенго, која одбила да абортира, пренесе „Унилад“.
Злосторството се случило во ноември 2022 година, кога Фејсон ја намамил Кајлин во парк и ја застрелал во глава. Нејзиното тело било пронајдено во автомобил од полициски службеник за време на рутинска патрола, а покрај неа била најдена и слика од ултразвук.
Истрагата открила пораки во кои Фејсон ја притискал да абортира. Во една од нив ѝ напишал: „Абортирај!!!“, а пред убиството му испратил порака на пријател: „Се колнам во гробот на брат ми, ќе се решам од неа.“
Тужителите навеле дека Фејсон бил лут и под притисок бидејќи живеел со друга жена која дознала за аферата.
Поротата го прогласи за виновен на 27 октомври, а му се заканува смртна казна. Семејството на жртвата изјави дека пресудата „не ја враќа Кајлин, но барем ќе спречи да им наштети на други“.
Свет
Хамас предаде тела, Израел порачува: „Борбата за нашите заложници не запира“
Израел ги презеде телата на двајца заложници кои ги држел Хамас во Газа, пренесе ЦНН. Посмртните останки биле предадени преку Црвениот крст и пренесени на идентификација во израелскиот форензички институт.
Од кабинетот на израелскиот премиер соопштија дека „напорите за враќање на сите заложници продолжуваат и нема да престанат додека не се вратат сите“.
Примопредавањето се случува два дена по израелските воздушни напади во Газа, во кои, според палестинското министерство за здравство, загинале повеќе од 100 лица. И покрај ескалацијата, и Израел и Хамас изјавиле дека остануваат посветени на прекинот на огнот посредуван од САД.
Американскиот претседател Доналд Трамп порача дека „ништо нема да го загрози примирјето“ и се закани дека ќе го „елиминира Хамас“.
Последното примопредавање, според медиумите, поминало без компликации, за разлика од претходните случаи кога Хамас ја повлекуваше одлуката за предавање поради израелски напади.
Свет
Медведев го нарече белгискиот министер „имбецил“, Франкен му возврати со песна на Селена Гомез
Белгискиот министер за одбрана Тео Франкен влезе во вербален судир со поранешниот руски претседател и сегашен заменик-претседател на Советот за безбедност на Русија, Дмитриј Медведев.
Се започнало кога Франкен изјавил дека, доколку Русија ја нападне Белгија, „НАТО би ја израмнил Москва со земја“. На тоа, Медведев остро реагирал, нарекувајќи го „имбецил“ и потсетувајќи дека оваа недела Русија го тестирала нуклеарното суперторпедо „Посејдон“, кое го опишал како „вистинско оружје на судниот ден“.
Франкен утрово возвратил преку Инстаграм: „Главниот руски насилник не престанува да се заканува и навредува. НАТО не е во војна со Русија, но принципот на одмазда е неприкосновен веќе 76 години. Не повлекувам ниту збор.“
На крајот, министерот ја споделил песната „Calm Down“ од Селена Гомез со порака до Медведев – да се „смири“.

