Свет
Шефот на турската дипломатија: Ниту Киев ниту Москва не се подготвени да разговараат за крај на војната

Турските и американските официјални претставници на состаноците во Вашингтон одржаа детални разговори за војните во Украина и Газа и различни билатерални прашања, изјави вчера турскиот министер за надворешни работи.
Сојузниците на НАТО во четвртокот започнаа состаноци, наречени Стратешки механизам, за да разговараат за напорите за надминување на длабоките политички разлики и подобрување на соработката во други области.
Врските меѓу двата сојузници беа затегнати во последниве години поради растечките несогласувања за низа прашања, иако односите оттогаш добија на интензитет откако Анкара ја одобри кандидатурата на Шведска за пристап во НАТО.
Турскиот министер за надворешни работи Хакан Фидан рече дека официјални лица одржале неколку рунди разговори на теми како Сирија, Украина, Газа, соработката во одбранбената индустрија, енергијата и борбата против тероризмот.
Фидан рече дека ја повторил позицијата на Турција дека е неопходен итен и траен прекин на огнот во Газа и ја истакна потребата двете земји да направат повеќе за да ја ублажат хуманитарната катастрофа и да го отворат патот за израелско-палестинско решение со две држави.
Тој, исто така, разговараше за начините за ставање крај на руската инвазија на Украина со неговиот американски колега Антони Блинкен и советникот за национална безбедност Џејк Саливан, повторувајќи дека Анкара верува дека е време да се зборува за начините за ставање крај на војната, но дека Турција не ја гледа таа подготвеност од страна на на Киев и Москва.
Сојузниците продолжуваат да не се согласуваат за голем број прашања, како што е купувањето на руски одбранбени системи С-400 од страна на Турција и санкциите што произлегуваат од САД, кои ја спречија Турција да набави борбени авиони Ф-35. Турција е исто така длабоко загрижена поради американската поддршка за курдските милитанти во Сирија, кои Анкара ги смета за терористи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Поранешен руски функционер пронајден мртов во конзулат откако избегал од суд

Поранешниот руски функционер Борис Авакјан, кој вчера избегал од суд во Санкт Петербург, бил пронајден мртов во ерменскиот конзулат лоциран на Василевскиот остров во градот, објавија руските медиуми.
Според локалниот медиум Фонтанка, Авакјан некогаш ја водел најголемата фирма за царинско посредништво во Големото пристаниште во Санкт Петербург. Својата кариера во државната служба ја започнал во 2010 година како заменик-шеф на канцеларијата на Росимушество (Руска федерална агенција за управување со имот) во Ленинградската област, а во 2014 година бил назначен за заменик-шеф на Одделот за контрола на земјиштето на Државната служба за регистрација.
Во 2016 година, Авакјан бил меѓу 20-те осомничени во голем кривичен случај за неплатени царински давачки во вкупен износ од повеќе од 4,2 милијарди рубли (над 50 милиони долари). „Комерсант“ објави дека потоа успеал да избега од домашен притвор, прво во Европа, а потоа во Ерменија.
Таму учествувал во Ерменската револуција во 2018 година, а подоцна работел во владата на Република Нагорно-Карабах. Повторно бил уапсен во 2021 година во ресторан во Санкт Петербург. Медиумските извештаи покажуваат дека бил баран и во Ерменија за нелегално преминување на границата и перење пари.
Во август оваа година, руските истражители го прекинаа случајот против Авакјан откако потпиша договор со Министерството за одбрана за учество во војната. Сепак, тој повторно беше уапсен во септември откако беше утврдено дека го прекршил воениот договор.
Вчера, судот во Санкт Петербург разгледа барање за повторно отворање на случајот против него. Додека судиите размислуваа, Авакјан успеа да избега од зградата. Според „Фонтанка“ и други локални медиуми, тој излегол надвор на пауза за цигара и не се вратил, туку побарал засолниште во ерменскиот конзулат.
„Фонтанка“ објави дека Авакјан извршил самоубиство во конзулатот. Телеграм каналот База додава дека тој се заклучил во бањата, каде што си го одзел животот.
Свет
(Видео) Израелски град нападнат со дрон од Јемен, 20 повредени

Дваесет лица се повредени во јужен Израел откако израелската војска потврди напад со дрон од Јемен, објави Би-Би-Си.
Израелските одбранбени сили соопштија дека дронот го погодил крајбрежниот град Еилат на Црвеното Море, иако биле направени напори за пресретнување на дронот. Службата за итни случаи Маген Давид Адом соопшти дека 20 лица се однесени во болницата Јосефтал, од кои двајца се со сериозни повреди.
At least 20 people have been injured after a drone launched by the Houthis in Yemen made impact in the southern Israeli city of Eilat. pic.twitter.com/6ohjGzIsqe
— Hamdah Salhut (@hamdahsalhut) September 24, 2025
Израелските медиуми го опишаа нападот како напад на Хутите, но јеменската група официјално не ја презеде одговорноста. Израелските телевизиски станици емитуваа снимки во живо од областа погодена од дронот, на кои се гледа чад што се издига од местото на настанот.
Доколку Хутите ја преземат одговорноста за нападот, тоа би бил еден од најсериозните напади на групата во однос на жртвите. Во јули 2024 година, едно лице беше убиено, а 10 беа ранети во напад на Хутите врз Тел Авив, кога дрон погоди станбена зграда во близина на комплексот на американската амбасада.
Свет
Иран во ОН: Не сакаме нуклеарно оружје

Иран нема намера да произведува нуклеарно оружје, изјави денеска иранскиот претседател Масуд Пезешкијан пред Генералното собрание на ОН, неколку дена пред евентуалното повторно воведување на меѓународни санкции врз Техеран поради неговата нуклеарна програма.
„Тука, пред ова собрание, повторно велам дека Иран никогаш не се обидел и никогаш нема да се обиде да произведе нуклеарна бомба. Ние не сакаме нуклеарно оружје“, рече Пезешкијан.
Велика Британија, Франција и Германија (т.н. група Е3) започнаа 30-дневен процес на 28 август за повторно воведување на санкциите на ОН врз Иран, кои истекуваат на 27 септември, обвинувајќи го Техеран дека не го почитува нуклеарниот договор од 2015 година со светските сили, чија цел е да го спречи да развива нуклеарно оружје.
Европските сили понудија да го одложат повторното воведување на санкциите до шест месеци за да се овозможи простор за преговори за долгорочен договор доколку Иран им дозволи на инспекторите на ОН пристап до неговите нуклеарни постројки, ги реши загриженостите за неговите залихи збогатен ураниум и преговара со САД.
Пежешкијан ја обвини таканаречената група Е3 дека го иницирала процесот на враќање на меѓународните санкции кон Иран „по налог на Соединетите Американски Држави“.