Свет
Шијарто контра ОН: Миграцијата не е основно човеково право!
Унгарскиот министер за надворешни работи, Петер Шијарто, го обвини телото за човекови права на ОН за ширење лаги во врска со неговата земја, велејќи дека имиграцијата не е основно човеково право. Шијарто ги насочи критките кон „независни експерти” во Советот за човекови права на ОН, посочувајќи дека тие не треба да бидат независни и од вистината, пренесува РТ.
„Неодамна, за жал, некои официјални претставници на ОН почнаа да шират лаги против и за мојата земја”, рече Шијарто на состанокот на телото на ОН во средата.
Таквите претставници би сакале да ни наметнат невозможни работи, односно да дозволиме влез на нелегални мигранти во земјата. Тие велат дека миграцијата е основно човеково право, што е лага“, нагласи Шијарто.
Жестоката изјава на унгарскиот шеф на дипломатија дојде како одговор на критиките против унгарските антимиграциски политики. Минатата недела телото за човекови права на ОН го критикуваа т.н. „Закон за Сорос”, усвоен од Владата уште во јули. Во документот на ОН се вели дека Унгарија со законот ги напаѓа граѓанското општество, мигрантите, бегалците и барателите на азил, додавајќи дека тоа е спротивно на меѓународниот закон за човекови права и претставува закана за вредностите на целата Европска Унија. Во него се додава дека законот е насочен кон критичното граѓанско општество и ги потсилува непријателството, ксенофобијата и дискриминацијата против мигрантите, барателите на азил, бегалците и сите оние кои се обидуваат да им дадат поддршка”.
Законот „Стоп Сорос” им воведе ограничувања на странските невладини организации кои работат со мигранти, обврзувајќи ги да бараат лиценци од владата. Со него, исто така, се криминализираше помагањето на мигрантит, односно „обезбедувањето финансиска или имотна корист” за нив или едноставно информирање за постапките за барање азил. Тие што ќе го прекршат законот ќе се соочат со затворска казна до 12 месеци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с