Свет
Шолц најави нови испораки на оружје за Израел
Германскиот канцелар Олаф Шолц најави нови испораки на германско оружје за Израел, пркосејќи му на францускиот претседател, кој повика да не се испорачува оружје доколку се користи во војната во Газа.
„Ние во владата донесовме одлуки кои ќе обезбедат понови испораки“, рече Шолц пред Претставничкиот дом за време на комеморативната дебата за нападот на Хамас врз Израел на 7 октомври 2023 година.
„Не одлучивме да не доставуваме оружје“, додаде Шолц како одговор на обвинувањата од конзервативната опозиција, која укажа на повеќемесечниот прекин на испораките и „пукнатините во германската солидарност“ со Израел.
„Испорачавме оружје и ќе испорачаме оружје“, рече тој повторно, без да го прецизира видот, количината или намената на оружјето.
Францускиот претседател Емануел Макрон неодамна повика на прекин на испораката на оружје за Израел што се користи во Газа, што предизвика гнев кај израелскиот премиер и одредена претпазливост во Берлин, традиционален пријател на Израел.
„Изјавите на Макрон предизвикаа големо изненадување и непријатност во Германија“, рече германската политиколог и експерт за меѓународни односи Даниела Шварцер од фондацијата Бертелсман оваа недела за време на состанокот со странски новинари во Берлин.
„Гледаме нова изјава на Макрон која создаде голема тензија која, од германска гледна точка, ќе биде многу тешко да се надмине“, додаде таа.
„Со недели и месеци федералната влада одбива извозни дозволи за испорака на муниција, па дури и резервни делови за тенкови во Израел“, изјави лидерот на германската конзервативна опозиција Фридрих Мерц во Бундестагот, критикувајќи ја владата.
Израел е ангажиран на неколку фронтови, во војната против Хамас во Газа и против Хезболах во Либан, каде што од понеделник спроведува копнени операции. Државата Израел, исто така, се заканува дека ќе одговори на големиот ракетен напад од Иран што се случи минатиот вторник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.