Повеќе од 14.000 филипински и американски војници денеска ја започнаа годишната воена вежба опишана како „целосен борбен тест“ меѓу двата одбранбени сојузници кои се соочуваат со регионални безбедносни грижи, вклучително и тензиите во Јужното Кинеско Море.

Годишните вежби „Баликатан“ (рамо до рамо) ќе траат три недели до 9 мај, прикажувајќи низа американско оружје кое вклучува противбродски ракетен систем NMESIS и ракетни фрлачи HIMARS.

Филипините ќе тестираат свои модерни ракети во вежби со жив оган со американските колеги, се вели во кусото соопштение споделено со медиумите.

Генерал-полковник Џејмс Глин, командант на вежбите од американска страна, ги опиша овогодинешните вежби како „борбени тестови од целосен обем“ каде што способностите на двете сили ќе се мерат во повеќе сценарија.

Вежбите вклучуваат одбрана од ракетни закани, спречување инвазија на море и потопување на деактивиран брод на филипинската морнарица при тестирање за поморски напад.

„Целта на целосните борбени тестови е да се земат предвид сите регионални безбедносни предизвици со кои се соочуваме денес, почнувајќи од Јужното Кинеско Море“, рече Глин на брифингот за медиумите.

Папата Франциско вчера, на Велигден, за последен пат се појави пред верниците на плоштадот Свети Петар во Ватикан и на собирот накратко им посака: „Драги браќа и сестри, среќен Велигден“. Излезе во инвалидска количка и од балконот на базиликата Свети Петар им мавташе на илјадниците насобрани верници кои го поздравија со голем аплауз.

"Good morning and happy Easter." The moment Pope Francis appears at the balcony overlooking St. Peter's Square before handing over his Urbi et Orbi to the master of ceremonies to read. pic.twitter.com/3ALrD9AY5A

— Colm Flynn (@colmflynnire) April 20, 2025

Папата почина утринава на 89-годишна возраст, соопшти Ватикан.

Реакции за смртта на папата Франциско доаѓаат од сите страни, а високи функционери од бројни земји се согласуваат дека „народниот папа“ секогаш бил на страната на најранливите и дека со својот начин на живот, служба и сочувство ги инспирирал и верниците и неверниците во обид да создаде поправеден свет.

Претседателката на Европската комисија Урсула фон дер Лајен рече дека папата Франциско ќе остане запаметен по неговите напори да изгради „поправеден, мирен и сочувствителен свет“.

Today, the world mourns the passing of Pope Francis.

He inspired millions, far beyond the Catholic Church, with his humility and love so pure for the less fortunate.

My thoughts are with all who feel this profound loss.

May they find solace in the idea that Pope Francis’… pic.twitter.com/FiI6SASNl8

— Ursula von der Leyen (@vonderleyen) April 21, 2025

„Денес светот тагува за смртта на папата Франциско“, напиша фон дер Лајен на Икс, набргу откако Ватикан ја објави неговата смрт.

„Тој инспирираше милиони, многу подалеку од Католичката црква, со својата понизност и чиста љубов кон помалку среќните“, продолжи таа.

„Моите мисли се со сите кои ја чувствуваат оваа длабока загуба. Нека најдат утеха во идејата дека наследството на Папата ќе продолжи да не води кон поправеден, мирен и сочувствителен свет“.

Реакции на Мецола, Макрон, Мерц
Роберта Мецола, претседателка на Европскиот парламент, рече дека „заразната насмевка на Франциско ги освои срцата на милиони луѓе ширум светот“.

Europe mourns the passing of His Holiness Pope Francis.

His contagious smile captured millions of people’s hearts across the globe.

‘The People’s Pope’ will be remembered for his love for life, hope for peace, compassion for equality & social justice.

May he rest in peace pic.twitter.com/LsqYREynVP

— Roberta Metsola (@EP_President) April 21, 2025

„Народниот папа“ ќе остане запаметен по неговата љубов кон животот, надежта за мир, сочувството за еднаквоста и социјалната правда. Нека почива во мир“, напиша Мецола на Икс.

Францускиот претседател Емануел Макрон изјави дека за време на неговиот понтификат папата Франциско отсекогаш бил на страната на најранливите и најкревките и дека тоа го правел со голема понизност.

„Во ова време на војна и бруталност, тој имаше чувство за другиот, за најкревкото“, им рече Макрон на новинарите.

Идниот германски канцелар Фридрих Мерц рече дека папата Франциско ќе остане запаметен по неговата „неуморна посветеност на најслабите во општеството“.

„Смртта на папата Франциско ме исполнува со голема тага“, напиша Мерц на Икс.

„Првиот Латиноамериканец кој седна на Светата столица ги допре луѓето ширум светот. Моите мисли во овој момент се со верниците ширум светот кои го загубија својот Свет Отец. Нека почива во мир“.

Пораки од Јужна Европа и Блискиот Исток
Смртта на папата Франциско „длабоко нè растажува, бидејќи не напушти голем човек“, изјави италијанската премиерка Џорџа Мелони.

„Имав привилегија да уживам во неговото пријателство, неговите совети и неговите учења, кои никогаш не изневерија дури и во време на искушенија и страдања“, рече таа во изјавата објавена од нејзината канцеларија.

Lamento el fallecimiento del Papa Francisco. Su compromiso con la paz, la justicia social y los más vulnerables deja un legado profundo.

Descanse en paz.

— Pedro Sánchez (@sanchezcastejon) April 21, 2025

Шпанскиот премиер Педро Санчез ја изрази својата тага поради смртта на папата Франциско во понеделникот, пофалувајќи ја неговата посветеност на „мирот, социјалната правда и најранливите“, во порака на Икс, веднаш по објавувањето на неговата смрт.

Тој остава „длабоко наследство. Нека почива во мир“, додаде тој за аргентинскиот папа, кој почина во понеделникот наутро на 88-годишна возраст.

Израелскиот претседател Исак Херцог рече дека папата Франциско е „човек со длабока вера и бескрајно сочувство“.

„Тој со право придаде големо значење на зајакнувањето на врските со еврејскиот свет и промовирањето на меѓуверскиот дијалог како пат кон подобро разбирање и меѓусебно почитување“, рече Исак Херцог во пораката објавена од претседателскиот портпарол.