Свет
Шојгу отпатува за Емиратите, ќе се сретне со Мохамед бин Зајед: три теми на маса
Секретарот на Советот за безбедност на Русија, Сергеј Шојгу, отпатува за Обединетите Арапски Емирати, каде што се очекува да се сретне со претседателот Мохамед бин Зајед ал-Најан за да разговара за меѓународната безбедност и соработка, соопшти Советот за безбедност на Русија.
„Шојгу отпатува во работна посета на Обединетите Арапски Емирати. За време на дводневната посета планирани се средби со највисокото раководство на ОАЕ во главниот град Абу Даби“, се наведува во соопштението на Советот.
Се очекува Шојгу со претседателот на ОАЕ да разговара за меѓународната безбедност, билатералната соработка во политичката, трговската, економската и во воено-техничката сфера. На дневен ред се и прашањата за интеракцијата меѓу агенциите за спроведување на законот и специјалните служби на Русија и Обединетите Арапски Емирати.
Шојгу претходно изјави дека односите меѓу Москва и Абу Даби се исклучиво засновани на доверба и партнерство и дека се од стратешко значење за двете земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Детали за престрелката во Австрија: Покрај градоначалникот, загина уште едно лице, мештаните се кријат во своите домови
Утрово во Милвиертел, во Горна Австрија, е убиен градоначалникот на Кирхберг об дер Донау, Франц Хофер. Набргу потоа беше пронајдено уште едно тело, а медиумите ја објавија можноста за трета жртва, што полицијата се уште не ја потврдува.
Во истиот кварт е пронајдена и втората жртва.
Според првите информации, се претпоставува дека градоначалникот е убиен во Алтенфелден, општина која граничи со Кирхберг об дер Донау. Се вели дека осомничениот напаѓач, кој моментално е во бегство, е ловец и се верува дека е вооружен со долга пушка.
Во тек е опсежна потрага во која се вклучени специјалните сили, вклучувајќи ја и екипата Кобра. Пошироката област е опколена, а на местото на инцидентот се ангажирани сите служби за итна помош. Мотивот за злосторството се уште не е познат, но според весникот Die Presse, можно е спор околу ловот да е причина за овој трагичен настан.
На терен се присутни бројни полициски сили.
Регион
Училиштата во Сараево веќе еден месец добиваат закани за бомби
Редовната настава во неколку средни училишта во реонот на Сараево денеска повторно мораше да биде прекината откога добија закани за бомби, со што се потврди дека претходната полициска истрага и многуте апсења на малолетници не го решиле овој проблем, кој интензивно трае веќе еден месец.
„Полицијата ги претресува училиштата, а за сѐ е информирано Обвинителството“, изјави Мерсиха Новалиќ, портпаролка на полицијата на Сараевската жупанија.
Ова е веќе четврта недела во која во училиштата во Сараево пристигнуваат закани за поставени бомби, па според утврдените процедури, наставниот процес мора веднаш да се прекине и специјализирани полициски екипи да излезат на терен за да извршат увид. Сите извештаи досега се покажаа како лажни, но наставниот процес е загрозен, а повеќето училишта во такви ситуации прибегнуваат кон онлајн-моделот на настава, кој се практикуваше за време на пандемијата.
Заканите за бомби до училиштата најчесто доаѓаат преку е-пошта од лажни адреси или други онлајн-платформи, а полициските истражители со недели трагаат по испраќачите, кои тешко може да се пронајдат.
Сепак, досега успеале да идентификуваат и приведат 12 такви лица. Само еден од нив бил полнолетен и имал 18 години, а сите други биле малолетни.
Европа
(Видео) Украински дронови уништија два руски топа 25 километри зад линијата на фронтот
Борците на 100. посебна украинска механизирана бригада успеаја да употребат беспилотни летала за да уништат две руски самоодни „хаубици“ длабоко зад линијата на фронтот.
Видео прикажува беспилотни летала како уништуваат два топа 2S7 Pion, кои се сметаат за еден од најсилните во светот.
Како што е соопштено, овие артилериски системи биле распоредени на околу 25 километри зад линијата на фронтот, во близина на украинскиот град Хорливка.
Овој украински град е под руска контрола.
Украинската војска соопшти дека овие топови биле уништени од дронови „Немесис“.