Свет
Шојгу: Победата на Русија во Украина е неизбежна како и Нова година
Рускиот министер за одбрана Сергеј Шојгу во новогодишната видео порака рече дека победата на Русија над Украина е неизбежна.
Шојгу, силно критикуван од руските воени поддржувачи за неуспехот на бојното поле за време на 10-месечната кампања, рече дека ситуацијата на фронтот и понатаму е „тешка“ и ги осуди Украина и Западот за обидот да ја задржат Русија.
Шојгу ги пофали, како што наведе, „бесмртните акции, несебичната храброст и херојството“ што ги покажаа руските војници во борбата против, како што рече, „неонацизмот и тероризмот“.
Киев и Западот го отфрлија тврдењето на Русија дека се бори против „нацистите“ во Украина како неоснован изговор за обидот на претседателот Владимир Путин да заземе територија и да го собори Владимир Зеленски во неиспровоцирана агресивна војна.
Москва очекуваше брза победа во, како што ја нарекува, „специјална воена операција“, но жестокиот отпор на Украина и западното оружје вредно милијарди долари му помогнаа на Киев да го сврти бранот на војната и да започне серија зачудувачки контраофанзиви.
Украина сега врати повеќе од половина од територијата што Русија ја зазеде во првите недели од инвазијата, пишува Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

