Свет
Јапонија: Треба многу да го зголемиме производството на електрична енергија, ни треба за чипови и вештачка интелигенција

Јапонија предвидува дека потребите за производство на електрична енергија ќе се зголемат од 35 до 50 проценти до 2050 година поради зголемената побарувачка од фабриките за полуспроводници и центрите за податоци на вештачка интелигенција (АИ), процени владата.
Зголемувањето на побарувачката е прво во последните 20 години и бара големи инвестиции, се вели во владиниот документ.
Ако Јапонија не го зголеми производството на обновлива енергија, стабилното снабдување со електрична енергија би можело да биде неизвесно, според владата.
Јапонија во голема мера се потпира на Блискиот Исток за снабдување со фосилни горива. Минатата година усвои закон, чија цел е да ги промовира инвестициите за декарбонизација во јавниот и приватниот сектор во вредност од повеќе од 150 трилиони јени (962 милијарди долари) во текот на 10 години.
Јапонија смета на соларни ќелии од следната генерација, пловечки ветерни електрани на брегот, рестартирање нуклеарни централи и воведување реактори од следната генерација за да се задоволи побарувачката, покажуваат владините документи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон: Европските воени сили треба да учествуваат во мировните операции во Украина

Францускиот претседател Емануел Макрон им рече на новинарите во Вашингтон дека европските воени сили треба да учествуваат во мировните операции во Украина во иднина.
„Ќе ни треба силна украинска армија и ќе мора да ѝ помогнеме на Украина со сили на терен“, рече Макрон. „Ќе ни требаат мировни операции што сојузниците на Украина се подготвени да ги обезбедат“.
Не е прв пат Макрон да ја изнесе идејата, но досега тоа не доведе до никакви конкретни распоредувања.
Макрон додаде дека Трамп би бил „подготвен“ да воведе секундарни санкции и царини врз Москва „доколку Русија не соработува“. Тој исто така потсети дека Трамп веќе вовел царини врз Индија за купување руска енергија.
Францускиот претседател нагласи дека не е убеден дека Русија сака мир, додавајќи дека европските лидери „му ставиле до знаење на Трамп“ дека мировниот договор не може да чека недели или месеци.
фото: принтскрин
Свет
Британскиот премиер: Постигнавме вистински напредок

Британскиот премиер Кир Стармер зборуваше по состанокот во Белата куќа, каде што Доналд Трамп и Володимир Зеленски присуствуваа и европски лидери.
Тој рече дека на состанокот е постигнато „чувство на единство“ и дека се постигнати два клучни заклучоци.
Првиот е дека „коалицијата на волните“ – група од 31 земја што ветија дека ќе помогнат во зајакнувањето на Украина – ќе соработува со Соединетите Американски Држави за безбедносни гаранции. Стармер додаде дека веќе им дал задача на своите тимови да работат на ова прашање, нагласувајќи дека тоа е важна тема за безбедноста на Украина, Европа и Обединетото Кралство.
Вториот е договорот за состанок меѓу Владимир Путин и Зеленски, кој треба да се одржи билатерално, а потоа трилатерално, со учество на Доналд Трамп.
„Кога станува збор за прашања како територија, размена на затвореници или многу сериозното прашање за враќање на деца, јасно е дека Украина мора да биде на масата“, рече Стармер, заклучувајќи: „Денес постигнавме вистински напредок“.
фото: принтскрин
Свет
Шефот на НАТО: Испраќањето војници во Украина не е дискутирано

Генералниот секретар на НАТО, Марк Руте, изјави дека за време на разговорите во Белата куќа, воопшто немало дискусија за испраќање војници на украинска територија.
Во изјава за „Фокс њуз“, тој рече дека деталите за безбедносните гаранции на САД ќе бидат разработени во наредните денови, но сè уште не е јасно каква форма ќе имаат.
„Важно е што САД ќе се вклучат, тоа е голем чекор напред“, рече Руте без понатамошно појаснување.
фото: принтскрин