Свет
Џефри Сакс: Откриeни две американски провокации кои ја иницираа војната во Украина

Администрацијата на американскиот претседател Џозеф Бајден организираше две провокации кои ја иницираа војната во Украина, вели американскиот економист Џефри Сакс во напис за „Комон дримс“.
Како прв фактор што ја предизвика војната, Сакс ја посочи намерата на САД да го прошири НАТО во Украина и во Грузија за да ја опколи Русија во регионот на Црното Море.
„Друга причина е воспоставувањето русофобичен режим во Киев во февруари 2014 година. Пукањето во Украина почна со соборувањето на украинскиот претседател Виктор Јанукович пред девет години, а не во февруари 2022 година, како што не уверуваат американската влада, лидерите на НАТО и на Г-7“, истакна Сакс.
Според него, Белата куќа намерно ја прикрива улогата на САД во започнувањето на украинскиот конфликт за да не заврши конфликтот. Сакс додава дека само признавањето дека војната е предизвикана може да помогне да сфатиме како да ја запреме.
Како што наведува Сакс, администрацијата на Бајден има три причини да ја прикрие улогата на САД во провокацијата на Русија. Прво, признавањето дека конфликтот бил вештачки испровоциран би го потврдил фактот дека тој можел да се избегне, а САД не би морале да потрошат сто милијарди долари за поддршка на Украина.
Како втора причина, Сакс ја наведува неподготвеноста на Бајден да ја открие својата лична улога во соборувањето на Јанукович. Трето, ваквото признавање ќе ги принуди САД да седнат на преговарачка маса, што ќе ја уништи желбата за проширување на НАТО.
Сакс потсети дека без оглед на американските изјави за конфликтот што „не бил испровоциран“, Русија пред почетокот на воените дејствија повеќепати се обидела да го реши проблемот со дипломатски средства и била соочена со фактот дека Вашингтон нема желба да ги земе предвид интересите на Москва.
Сепак, како што истакнува Сакс, дипломатијата и денес останува единственото средство за решавање на украинскиот конфликт
„Клучот за мирот во Украина лежи во преговорите засновани на нејзината неутралност и непроширување на НАТО“, заклучи Сакс, додавајќи дека Русија повеќепати изразила подготвеност за преговори.
Сакс наведе и шест принципи кои треба да се следат при креирањето на планот за решавање на конфликтот – НАТО да се повлече од Украина, Советот за безбедност на ОН да даде гаранции за мировниот договор, неутралноста на Киев, ограничување на испораката на оружје за украинската армија, прецизен план за вклучување на Украина во ЕУ со неутрален статус според принципот на Австрија, како и повлекување на сите санкции од Брисел против Русија и воспоставување трговска размена.
„Во моментов не сме ни близуску до таков договор, но не е недостижен. Ваквиот план ќе им оди во прилог и на Брисел, Москва и на Киев. Јасно е дека таков мировен план не може да се постигне за кратко време, но сепак е можно со долгорочни преговори“, рече Сакс.
Тој претходно го отфрли мировниот план предложен од украинскиот претседател Володимир Зеленски, велејќи дека не може да се спроведе бидејќи нема да придонесе за решавање на украинско-рускиот конфликт.
„Мировниот план на Зеленски е всушност план за пораз на Русија. Тој план се користи од чисто пропагандистички причини. „краина во моментов е најголемиот губитник, па режимот во Киев треба да биде тој што сака да постигне мир преку преговори“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Нетанјаху лета до Њујорк по подолга рута поради страв од апсење

Патеката на летот на авионот на израелскиот премиер Бенјамин Нетанјаху до Њујорк, каде што треба да присуствува на Генералното собрание на ОН, го избегнува воздушниот простор на повеќето земји освен Италија и Грција, и покрај значително подолгото патување.
„Тајмс оф Израел“ објавува дека маршрутата, видлива на веб-страницата „Флајт тракер“, може да биде обид да се избегнат проблеми поврзани со налогот на Меѓународниот кривичен суд за негово апсење за наводни израелски воени злосторства во војната против Хамас во Газа.
Многу земји изјавија дека, по налогот на Меѓународниот кривичен суд за наводни воени злосторства, што Израел го негира, би го уапсиле Нетанјаху доколку тој е присутен на нивна територија.
Франција, која вообичаено се наоѓа по рутата на овој лет, минатата година изјави дека нема да го уапси израелскиот премиер, и покрај критиките од Европската Унија, објави израелскиот портал.
Според извештајот, летот, со израелскиот државен авион, веројатно ќе го избегне и воздушниот простор на Шпанија, која вети дека ќе помогне во истрагата на Меѓународниот кривичен суд.
Кога израелскиот премиер отпатува во САД во февруари, тоа патување беше исто така продолжено, делумно поради загриженоста во врска со налогот за апсење за Нетанјаху.
Нетанјаху наводно го откажал патувањето во Азербејџан во мај за да избегне летање над Турција, чиј претседател е Реџеп Таип Ердоган, жесток критичар на Израел кој го поздрави налогот за апсење, објави израелскиот портал.
фото: принтскрин
Свет
(Видео) Иран тврди дека поседува информации за израелскaта нуклеарна програма

Иранското министерство за разузнавање објави прилог на државната телевизија во кој, како што тврди, се прикажуваат документи и видеа прибавени од израелски разузнавачи, поврзани со нуклеарниот програм на Израел.
Според иранските медиуми, материјалот содржел снимки од внатрешноста на израелски нуклеарни и други чувствителни објекти, меѓу кои и центарот во Димона. Биле презентирани и детали за научници и службеници кои, наводно, работат на израелската нуклеарна програма.
„Идентификувавме 189 израелски нуклеарни научници и високи функционери, заедно со нивните мрежи,“ изјави министерот за разузнавање Есмаил Хатиб, додавајќи дека дел од нив соработувале со Иран за пари.
📹 تصاویر اختصاصی وزارت اطلاعات ایران از درون پایگاه اتمی دیمونا در اسرائیل pic.twitter.com/IaHJabXPCU
— خبرگزاری تسنیم 🇮🇷 (@Tasnimnews_Fa) September 24, 2025
Како пример, Хатиб наведе вработен кој работел на седум нуклеарни локации преку фирмата ROTEM, како и научник кој наводно бил вклучен во проекти за проширување на нуклеарното оружје со САД.
Во прилогот беше спомнат и институтот „Хаим Вајцман“, кој иранската страна го претстави како водечки центар за развој на нуклеарното оружје, а кој бил цел на ирански балистички ракети за време на 12-дневната војна во јуни.
Дополнително, биле прикажани документи што сугерираат можни врски и нуклеарна соработка меѓу Израел и Франција во рамки на проект наречен SARAF.
Интерес предизвика и дел од материјалот со приватни и семејни фотографии на директорот на Меѓународната агенција за атомска енергија (IAEA), Рафаел Гроси. Иранските власти тврдат дека тие биле прибавени од израелски извори и дека докажуваат дека израелската разузнавачка служба шпионирала и меѓународни функционери.
📹 وزیر اطلاعات: ایران در برابر تجاوز صهیونیستی-آمریکایی ایستاد
گنجینه اطلاعات تسلیحاتی اسرائیل را مستند کردیم
محققان و پروژههای ضدبشری شناسایی شدند
سربازان گمنام امام زمان اطلاعات را پردازش کردند
۱۸۹ متخصص هستهای و نظامی اسرائیل شناسایی شدند https://t.co/gl6dKx3Zeb pic.twitter.com/HQwLYtPSkf
— خبرگزاری تسنیم 🇮🇷 (@Tasnimnews_Fa) September 24, 2025
Свет
(Видео) Бремени жени во Америка пијат парацетамол во инает на Трамп и го објавуваат тоа на интернет

Откако Доналд Трамп изјави дека постои врска помеѓу земањето Тиленол (парацетамол) за време на бременоста и нарушувањето од аутистичниот спектар, бремените жени почнаа да објавуваат видеа на социјалните мрежи во кои го земаат лекот против болки.
Многу од нив рекоа дека не сакаат да примаат медицински совет од претседател кој нема медицинска диплома, а многу лекари се согласија со нив, објавува „Њузвик“.
@aileenbystronova Mama’s about to be richhhh 🤪 #momcontent #momcontentcreator #tylenol ♬ Carmen Habanera, classical opera(1283412) – perfectpanda
За време на обраќањето во Белата куќа, Трамп посочи дека ацетаминофенот, активната состојка во Тиленолот, може да биде поврзана со повисоки стапки на аутизам во Соединетите Држави, иако експертите велат дека врската останува недокажана. Медицинските експерти велат дека пораката на претседателот не само што е „штетна“, туку и „не е поткрепена со целокупни научни докази“.
„Доналд Трамп е последната личност на која би ѝ верувал кога станува збор за медицински совет“, рече д-р Луси Мекбрајд, додавајќи дека Тиленолот е еден од ретките лекови што им е дозволено на бремените жени да ги земаат за да ги намалат високите температури, што може да биде опасно и за мајката и за бебето.
@yourrepublicanmom #greenscreenvideo @Grace 🤍 ♬ What's Up? – 4 Non Blondes
Изјавата одекна надвор од Соединетите Држави, а британскиот министер за здравство Вес Стритинг им советуваше на бремените жени во Обединетото Кралство „да не обрнуваат внимание на тоа што Доналд Трамп вели за лековите“.
Голем број видеа циркулираат на социјалните мрежи, особено на Икс и Тик-ток. Во едно, жена се снима себеси како зема Тиленол со натпис: „Еве ме, бремена, земам Тиленол затоа што верувам во науката, а не во некој што нема медицинска диплома.“
Pregnant women popping Tylenol like Tic Tacs just to stick it to Trump — please stop.
Don’t weaponize your pregnancy for a political point.
Consider acetaminophen only when absolutely necessary, for the shortest duration and lowest dose, even the makers of Tylenol say this.
— Nicole Saphier, MD (@NBSaphierMD) September 23, 2025
Сепак, како што се ширеше трендот, некои лекари ги повикаа жените да престанат да го земаат Тиленол само за да „му пркосат на Трамп“.