Свет
„Се’ се случи за неколку секунди“ – ќе се утврдува дали ајкулата што го усмрти Русинот на Хургада убила и други луѓе

Египетските власти потврдија дека телото на ајкулата е предадено на истражување со цел да се откријат причините за нејзиното однесување и да се утврди дали е истата што нападнала во неколку претходни несреќи.
Младиот Русин Владимир Попов (23) пред неколку месеци се преселил со својот татко во египетското одморалиште Хургада. Во тоа време не знаел каква страшна судбина ќе го снајде. Тој почина во четвртокот во напад на ајкула, а на овој трагичен настан присуствуваше и неговиот татко.
„Отидовме на плажа да се опуштиме. Син ми го нападна ајкула. Се’ се случи за неколку секунди“, изјави Јуриј Попов, таткото на жртвата.
Медиумите прво објавија дека девојката на Владимир успеала да побегне од морето откако ѕверот го нападнал Владимир, но неговиот татко вели дека тоа не е вистина. Според него, таму каде што бил Владимир, немало кој да му помогне.
Vladimir Popov was heard screaming ‘papa’ as he was mauled to death by a shark today in … https://t.co/UYxH9NRivU via @MailOnline
— Birutė Sungailienė (@sungailiene) June 9, 2023
„Како некој можеше да му помогне? Таа мелница за месо нападна за 20 секунди. Го повлече син ми под вода”, рекол несреќниот татко.
Тој додава дека немилиот настан во кој загина неговиот син бил „зла судбина“ бидејќи, како што наведува, плажата на која се наоѓале се сметала за безбедна, а досега напади се случиле само на диви плажи.
Јуриј планира да ги кремира пронајдените останки на неговиот син и да ја однесе неговата пепел во нивната родна Русија.
На видеото снимено од ужаснетите гледачи се слуша плачот на Владимир: „Тато, тато, спаси ме!“.
Еден од набљудувачите од плажата рекол дека за прв пат со свои очи видел како ајкула убила некого.
Ајкулата беше заробена по нападот. На видеото кое подоцна беше објавено може да се види како убиеното животно се влече на брегот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Реакција од фон дер Лајен за средбата Путин – Трамп

Претседателката на Европската комисија, Урсула фон дер Лајен, објави дека денес разговарала со украинскиот претседател Володимир Зеленски.
„Разговаравме за настаните од изминатите неколку дена и следните чекори кон мировен договор, членството на Украина во Европската Унија и обновата на земјата“, рече таа.
„Ставот на Европа е јасен – ние целосно ја поддржуваме Украина и ќе продолжиме да играме активна улога во обезбедувањето праведен и траен мир“, додаде фон дер Лајен.
Таа не учествуваше во вчерашниот телефонски разговор меѓу американскиот претседател Доналд Трамп и Зеленски и лидерите на неколку клучни европски земји, вклучувајќи ги лидерите на Германија, Полска и Италија.
Денес беше потврдено и дека во следните денови ќе се одржи средба меѓу Трамп и рускиот претседател Владимир Путин. Кремљ вели дека подготовките се во тек, а Путин рече дека Обединетите Арапски Емирати би можеле да бидат едно од можните места за самитот.
Свет
Премиерот на Камбоџа го номинира Трамп за Нобелова награда за мир, испрати писмо до Осло

Премиерот на Камбоџа потврди дека го номинирал претседателот на Соединетите Американски Држави, Доналд Трамп, за Нобелова награда за мир, наведувајќи го неговото извонредно државничко творештво во прекинувањето на граничниот конфликт меѓу Камбоџа и Тајланд.
Хун Манет ја објави информацијата на Фејсбук, заедно со фотографија од американскиот претседател и писмо испратено до Норвешкиот Нобелов комитет. Во писмото се велича интервенцијата на Трамп како еден пример за неговите „исклучителни достигнувања во деескалацијата на тензиите во еден од најнестабилните региони во светот“.
„Ројтерс“ објави дека повикот на Трамп до лидерите на Тајланд и Камбоџа на 26 јули ги обнови напорите за прекинување на еден од најинтензивните конфликти меѓу двата соседа во поновата историја.
Тоа доведе до договорено примирје во Малезија на 28 јули. Двете земји се согласија во да обезбедат непријателствата да не се разгорат повторно и да поканат набљудувачи од Југоисточна Азија.
Пакистанските власти објавија во јуни дека ќе го номинираат Трамп за Нобелова награда за мир за неговата работа во решавањето на конфликтот со Индија, а израелскиот премиер Бенјамин Нетанјаху го објави истото минатиот месец.
Фото: ЕПА
Свет
Нетанјаху: Имаме намера да ја преземеме контролата врз Газа

Израелскиот премиер Бенјамин Нетанјаху денес изјави дека Израел има намера да го окупира Појасот Газа со цел да воспостави идна цивилна администрација ослободена од влијанието на Хамас, објави Анадолу.
„Имаме намера (да ја преземеме контролата врз Газа) за да ја обезбедиме нашата безбедност, да го отстраниме Хамас таму, да му дозволиме на населението да биде слободно и да го предадеме на цивилна администрација која не е Хамас и не е некој што се залага за уништување на Израел“, рече Нетанјаху во интервју за ФОКС њуз кога беше прашан дали Израел ќе ја преземе контролата врз Газа.
Тој рече дека целта не е трајно да се владее со енклавата, туку да се отстрани Хамас и да се дозволи различна локална администрација, поддржана од регионалните арапски партнери.
„Не сакаме трајно да ја држиме територијата, туку да воспоставиме безбедносен периметар“, рече тој.
На прашањето дали Израел ќе ја врати целата територија од 42 километри, како што правеше пред повлекувањето во 2005 година, Нетанјаху одговори: „Не сакаме да ја држиме. Сакаме да имаме безбедносен периметар“.
„Не сакаме да бидеме таму како управно тело. Сакаме да го предадеме на арапските сили кои ќе го управуваат правилно, без да ни се закануваат и да им обезбедат на луѓето од Газа добар живот“, додаде тој.
Израел се соочува со растечко внатрешно незадоволство поради деструктивната војна во Газа, каде што повеќе од 61.000 луѓе се убиени од октомври 2023 година.
Минатиот ноември, Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант за воени злосторства и злосторства против човештвото во Газа.
Израел, исто така, се соочува со обвинение за геноцид во Меѓународниот суд на правдата поради неговата војна во енклавата.
Фото: ЕПА