Свет
20-годишниот атентатор на Трамп работел во кујна во дом за стари лица, пушката ја купил татко му
![](https://makfax.com.mk/wp-content/uploads/2024/07/tomas-metju-kruks-i-tramp.jpg)
Американските медиуми објавуваат нови детали за 20-годишниот Томас Метју Крукс, кој стои зад обидот за атентат врз Доналд Трамп. На предизборен митинг во Пенсилванија тој го погоди Трамп во десното уво, уби едно лице од толпата и рани уште две пред да биде убиен од Тајната служба.
Крукс матурирал во 2022 година и работел во кујната на старечки дом в Бетел Парк, место кое е на околу 70 километри од местото на кое се одржа митингот на Трамп.
Новинар на „Би-би-си“ од Пенсилванија разговараше со менаџерот на смена во старечкиот дом во Бетел Парк. Му кажале дека Крукс работел во кујната таму. Старечкиот дом се наоѓа на кратко растојание од улицата каде што живеел Крукс.
Крукс бил регистриран републиканец, според списокот на регистарот на гласачи во Пенсилванија. Претстојните претседателски избори се првите на кои би можел да гласа.
Податоците на Федералната изборна комисија покажуваат дека донатор по име Томас Крукс со истата адреса им дал 15 долари на политички активисти поврзани со демократите, наречен Проект за прогресивен одѕив, во јануари 2021 година.
Доцна синоќа, „Си-ен-ен“ го контактирале таткото на Крукс, Метрју Крукс Им кажал дека се обидува да обидува да сфати што се случува и дека ќе разговара со властите пред да зборува јавно за неговиот син.
„Асошиејтед прес“ денес откри дека пушката која се користела за атентатот на Трамп, АР-15, ја купил таткото на Крукс, пред најмалку шест месеци.
Американските медиуми објавуваат дека ова оружје може да се купи онлајн во САД за околу 1000 долари. Пушката АР-15 е користена во неколку масовни престрелки во САД и според објавите, ја има еден од дваесет Американци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Европскиот град кој е прогласен за најскап во светот
![](https://makfax.com.mk/wp-content/uploads/2024/08/1724240611-beograd-zeneva-kombo02-750x422.jpg)
Швајцарските и американските градови, покажуваат истражувањата, доминираат на листата на најскапи места за живеење, откри нов индекс на трошоци за живот. А на врвот е Женева.
Интернет базата Numbeo го објавува Индексот на трошоците за живот на секои шест месеци, а оној за средината на 2024 година штотуку е објавен. Оценувајќи ги факторите како што се цената на намирниците, вечерата и локалната куповна моќ во низа градови, индексот ги зема сите податоци за да дојде до вкупен резултат на трошоците на животот, пишува Time Out.
Можеби не е премногу изненадување што Женева во моментов е најскапиот град во светот.
Швајцарскиот град има вкупен резултат на трошоците за живот од 101,7, што го прави најскапиот град во светот. Веднаш следи Цирих, кој го зазеде второто место со оценка од 100,4, а двата града се особено високо позиционирани кога станува збор за купување намирници и трошоци во рестораните.
Њујорк е на трето место, Сан Франциско е четврти, а Бостон е петти. Всушност, американските градови доминираат на листата, но вреди да се напомене дека овој индекс не ја зема предвид ни киријата. Кога ќе се земе предвид станбената кирија, рангирањето дава уште поголема слика во која доминираат САД, забележува N1.
Големото јаболко е всушност град кој се користи како контрола во индексот. Кога ќе се земе предвид киријата, Женева е на третото место, со вкупно 81,5 поени. Тоа значи дека, генерално, животот таму е за 18,5 отсто поевтин од животот во Њујорк, но дека одредени фактори се поскапи. Намирниците добија неверојатни 111,4, што значи дека една продавница за храна во швајцарски град би чинела многу повеќе од Њујорк, но киријата била само 59,6 што ја прави многу поевтина во тој поглед.
Свет
ИДФ: Воздушни напади врз Хезболах во Либан, убиени 50 членови на Хамас во Газа
![](https://makfax.com.mk/wp-content/uploads/2024/08/3-18.jpg)
Израелската војска (ИДФ) соопшти дека во текот на ноќта извршила „обемни“ воздушни напади врз локациите на Хезболах во јужен Либан.
Цел на ИДФ беа складишта за оружје, згради што ги користи Хезболах и ракетен фрлач во десет различни области на јужен Либан, пишува „Тајмс оф Израел“.
Според порталот, израелските напади доаѓаат како одговор на вчерашниот напад на Хезболах врз северниот град Кацрин, во кој беше ранет еден Израелец.
Регион
„Никому ништо лошо досега нема направено, беше верник“, се огласи братот на чуварот кој уби три лица во училиштето во Сански Мост
![](https://makfax.com.mk/wp-content/uploads/2024/08/2-25.jpg)
Братот на чуварот кој вчера изврши тројно убиство во училиштето во Сански Мост изјави дека не знае што точно се случило и дека е во голем шок.
Домарот Мехемед Вукалиќ вчераутро со пиштол дошол во училиштето и ги убил директорот на гимназијата Нијаз Халиловиќ, секретарката Нисвета Кљуниќ и професорката по англиски јазик Гордана Миџан.
Ова е невидена трагедија за Сански Мост.
„Да, точно е дека се работи за мојот брат. Не знам ништо за тоа. Појадував на балконот и го слушнав истото што го слушнавте. Згрозен сум. Во последно време не се дружиме, не знам што се случи со него. Не знам што се случило на училиште, прашајте ги нив или некој што работел со него. Инаку, тој беше еден од подобрите, беше верник, никому ништо лошо не направил до сега. Не знам што да кажам. Јас сум во голем шок, не знам што се случи“, изјави за 24сата братот на чуварот кој го изврши тројното убиство.
По делото што го извршил, Вукалиќ си пукал и во градниот кош, по што итно бил пренесен во Универзитетскиот клинички центар на Република Српска во Бања Лука, каде што бил примен во свесна состојба.