Свет
Студија: Дуплите и добро прицврстени маски посилно штитат од зараза

Носењето на две заштитни маски една над друга или носењето хируршка маска која е добро прицврстена обезбедува подобра заштита од честички на коронавирус, покажуваат резултатите од студијата спроведена од американските здравствени власти.
Маската значително го намалува издишувањето на капките на заразено лице и ја намалува изложеноста на неинфицираните лица на овие честички, потсетуваат од Американскиот центар за третман и контрола на болести (ЦДЦ).
Сепак, платното и хируршките маски не се толку добри како маските КН95 (или ФФП2) и затоа обезбедуваат помала заштита, односно се зголемува опасноста од испуштање на такви капки од страничните рабови на маската.
Хируршката маска која не е добро зацврстена и платнената маска блокираат 42, односно 44,3 проценти од аеросолите за кашлица, но комбинацијата на двете маски се покажа како поефикасна и обезбедува заштита до 92,5 проценти.
„Тоа значи дека маските штитат и заштитуваат подобро кога се правилно поставени“, рече Рашел Валенски, директорка на ЦДЦ, презентирајќи ги резултатите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Полска ја затвора вратата; „Не им верувајте на Путин и Лукашенко, тие ве лажат“

Полскиот премиер Доналд Туск денеска најави „информативна кампања“ во седумте земји од кои доаѓаат повеќето мигранти за да ги спречат да влезат во Полска преку Белорусија.
Поради оваа миграција, која, по Варшава, беше оркестрирана од Минск и Москва, на крајот на март, Полска го ограничи правото на азил на странците по пристигнувањето на границата со Белорусија.
Туск исто така рече дека „илјадници војници, граничари и полицајци, камери и дронови го следат секој метар од границата 24 часа на ден“.
Туск не прецизираше во кои земји ќе се одвива „информативната кампања“ што ја најави.
Најголем дел од мигрантите кои сакаат да влезат во Полска се од Блискиот Исток и Африка.
„Нашата порака ќе биде едноставна: полската граница е затворена! Не им верувајте на шверцерите, не верувајте му на белорускиот претседател Лукашенко, не му верувајте на Путин! Ве лажат кога велат дека ова е патот до Европа. Тоа не е точно! рече Туск.
Според полските граничари, повеќе од 30.000 луѓе се обиделе илегално да ја преминат границата со Белорусија во 2024 година.
Полска постави метална гранична ограда висока пет метри со софистицирани уреди за надзор и распореди илјадници војници по неа.
Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Свет
Хотелите во Британија сo заканa дека ќе избркаат стотици баратели на азил

Хотели во Велика Британија се закануваат со бркање на стотици баратели на азил откако не ја добиле договорената исплата од сместувачката компанија „Stay Belvedere Hotels“ (SBHL), објавија британските медиуми.
Хотелите, претежно во лондонската област, најавија дека минатиот месец требало да добијат исплати од СБХЛ за сместување на баратели на азил, објави британски „Телеграф“.
Британското Министерство за внатрешни работи минатиот месец го отповика договорот на SBHL поради наводни неправилности.
Се проценува дека моментално има околу 38.000 баратели на азил сместени во хотели во Велика Британија.
Британското Министерство за внатрешни работи одвојува 5,5 милиони фунти дневно за нивно сместување, пренесува Танјуг.