Свет

Oбјавено големо истражување за антитела по вакцините „фајзер“, „астразенека“, „спутник“ и „синофарм“

Објавено пред

2 недели

- 16 ноември, 2021

Од

Вакцината на „Фајзер – Бионтек“ го произведе најсилниот имунолошки одговор на телото против Ковид-19 од четири вакцини тестирани во студија објавена во списанието „Cell Host and Microbe“.

Според ова истражување, луѓето вакцинирани со „Синофарм“ може да бидат најподложни на Ковид.

Истражувачите го споредија имунолошкиот одговор на телото кај луѓе вакцинирани со „фајзер“, „астразенека“, „спутник“ и „синофарм“, а студијата беше спроведена во јули на 196 целосно вакцинирани лица во Монголија, каде што се користеа сите четири типа вакцини, што е ретко.

Нивоата на неутрализирачки антитела варираат во голема мера во секоја од четирите групи вакцини.

Релативно ниски концентрации на антитела се развиле со вакцинација со „синофарм“ и „спутник“, умерени нивоа на антитела развиле оние кои биле вакцинирани со „астразенека“, а најмногу оние со „фајзер“.

Русите го оспорија истражувањето

Причините за разликите во имунолошкиот одговор на организмот по вакцинацијата со споменатите четири вакцини сега се предмет на интензивно истражување на експертите.

Веројатно ќе вклучи фактори како што се количината на активна состојка во секоја доза од вакцината, како и интервалот помеѓу првата и втората доза, напишаа авторите на студијата во која учествуваа научници од Универзитетот Стенфорд, Фондацијата Оно и Националниот центар за заразни болести во Улан Батор. Резултатите од студијата беа објавени во четвртокот.

И варијациите во начинот на кој се давале вакцините играле улога во добиените резултати.

Рускиот фонд за директни инвестиции (РДИФ), кој беше вклучен во развојот на руската вакцина и е задолжен за нејзината меѓународна дистрибуција вели дека споредбите на перформансите на вакцината се погрешни бидејќи поминало повеќе време помеѓу администрирањето доза на „спутник В“ и мерење на антителата отколку со другите вакцини.

РДИФ исто така истакнува дека луѓето кои биле вакцинирани со „спутник“ биле во просек 10 години постари од оние кои примиле други вакцини.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Судот ги одби сите барања на одбраната во „ТНТ“

Претходно

(Видео) Пукање во училиште во Колорадо: Шест тинејџери пренесени во болница, напаѓачите во бегство

Свет

Шефот на кабинет на Трамп ја достави документацијата за немирите во Конгресот

Објавено пред

3 часа

- 30 ноември, 2021

Од

Макфакс

Истражниот комитет на Американскиот Конгрес, задолжен за утврдување на вистината за немирите во Капитол минатиот јануари, потврди дека записите биле доставени до нив.

Документите им ги даде Марк Медоус, шефот на кабинетот на поранешниот американски претседател Доналд Трамп, кој се согласи наскоро да се појави и да даде изјава.

„ Господинот Медоус соработуваше со комисијата преку неговиот адвокат. Тој ни ги достави бараните записници и наскоро ќе ја даде првата изјава“, изјави демократот Бени Томпсон, претседател на истражниот комитет на Претставничкиот дом, пренесува „Ројтерс“.

Тој посочи дека ова тело очекува сите сведоци да ги достават сите барани информации кои одборот има законско право да ги побара и добие.

Томпсон додаде дека одборот ќе продолжи да оценува до кој степен поранешниот шеф на кабинетот на поранешниот американски претседател Доналд Трамп ги почитува следните повици на ова тело, дури и откако ќе ја достави бараната документација и ќе ја даде првата изјава на Марк Медоус.

Поранешниот американски претседател ги повика своите соработници да не соработуваат со истражниот комитет предводен од демократите, бидејќи, како што оцени, таа истрага е политички мотивирана.

Тој тврди дека неговата комуникација е заштитена со привилегија на претседателски имунитет, иако многу правни експерти велат дека овој принцип не важи за поранешните претседатели.

Поддржувачите на Трамп упаднаа во Капитол Хил и во зградата на американскиот Конгрес на 6 јануари во обид да го спречат Конгресот официјално да ја потврди победата на Бајден на претседателските избори во 2020 година.

Прикажи повеќе...

Свет

СЗО: Карантин и тестирање подобро отколку забрана за патување

Објавено пред

3 часа

- 30 ноември, 2021

Од

Макфакс

Државите треба да применуваат пристап заснован на докази и ризик при преземање какви било мерки за забрана за патување поврзани со новиот сој на коронавирус, омикрон, соопшти денеска Светската здравствена организација (СЗО).

СЗО верува дека овој пристап треба да вклучи можно тестирање или карантин за меѓународните патници и дека општите забрани не можат да спречат ширење на нова варијанта на вирусот.

„ Мерките може да вклучуваат тестирање на патниците пред и по патувањето или карантин за меѓународни патници по детална проценка на ризикот“, соопшти СЗО во својата најнова препорака за патување.

Од организацијата сметаат дека општите забрани за патување нема да го спречат вирусот на границите на земјите, туку дека негативно ќе влијаат на квалитетот на животот, бидејќи околу 56 земји на 28 ноември воведоа строги мерки за патување, кои имаат за цел потенцијално да го спречат ширењето на омикрон.

Прикажи повеќе...

Свет

Макрон на 3 декември во посета на Емирати, најавени повеќе договори

Објавено пред

4 часа

- 30 ноември, 2021

Од

Макфакс

Се очекува Обединетите Арапски Емирати и Франција да потпишат поважни договори кога францускиот претседател Емануел Макрон ќе го посети Дубаи на 3 декември.

Ова го изјави високиот функционер на Емиратите Анвар Гаргаш.

„ Не сакам да го расипам божиќниот подарок за претседателот Макрон“, рече Гаргаш на прашањето на новинарите дали Абу Даби ќе купи француски борбени авиони „Рафал“, пренесува „Ројтерс“.

Тој исто така нагласи дека посетата на Макрон треба да ги потврди одличните односи меѓу двете земји и дека се очекува новите договори што ќе бидат потпишани по тој повод, дополнително да се прошират во различни области.

Прикажи повеќе...