Свет
(Oд минута во минута) Одбиен рускиот ултиматум, украинските сили продолжија да се борат
Од минута во минута ја следиме состојбата во Украина.
Клучни настани:
- Руското Министерство за одбрана тврди дека руските сили во Мариупол опколиле до 400 странски платеници кои се борат на украинската страна
- Зеленски: Судбината на Мариупол може да се реши или со борби или со дипломатија
- Русија се закани дека ќе ги елиминира украинските војници кои се уште се борат и даваат отпор во Мариупол
- Украинскиот пратеник од Одеса, Олексеј Гончаренко за Би-Би-Си изјави дека украинските војници во Мариупол нема да и’ се предадат на Русија
- Украина и Русија денеска не успеаја да се договорат за коридори за евакуација
- Јуриј Бова, градоначалник на Тростианец изјави дека властите пронашле остатоци од хемиско оружје во селото Билка, окупирано од Русија
- Руската војска соборила украински воен транспортен авион кој носел воена опрема од западните земји
- Руското Министерство за одбрана постави ултиматум до украинските сили кои се’ уште се борат во опколениот град Мариупол да го положат оружјето
Најновите вести:
20:50 Медведев: Европа ја чекаат празни полици, бран криминал, хиперинфлација и банкрот
Дмитриј Медведев, поранешен руски премиер и потпретседател на Советот за безбедност на Русија, вели дека „европскиот финансиски систем не е стабилен“ и дека „Европејците ја губат довербата“.
Како што јави руската агенција, ТАСС, Медведев ги коментирал недамнешните изјави на претседателката на Европската комисија Урсула фон дер Лајен, која рече дека банкротот на Русија е „прашање на време“.
19:20 Зеленски до Макрон: Дојди во Украина и самиот увери се дали е ова геноцид
Украинскиот претседател Володимир Зеленски рече дека го поканил Емануел Макрон да дојде во Украина и лично да се увери дека руските сили вршат геноцид, термин што неговиот француски колега досега одбиваше да го користи.
19:10 Украина: Ситуацијата во Мариупол може да биде „црвена линија“ за преговорите со Русија
Страшната ситуација во Мариупол може да биде „црвена линија“ и да застане на патот на мировните преговори, изјави украинскиот министер за надворешни работи Дмитро Кулеба.
Говорејќи за CBS News, Кулеба рече дека во скоро време немало директна дипломатска комуникација меѓу Русија и Украина на ниво на министри за надворешни работи, додавајќи дека очекува „ескалација на тешките борби во источна Украина“ во наредните недели.
18:15 Руската армија: Влегуваме во челичарницата во Мариупол каде се Азов и маринците
Руската агенција РИА пишува дека украинските војници во Мариупол одбиле да го положат оружјето.
„Ситуацијата на фронтот е тензична, но ние постојано напредуваме. Веќе влегуваме во челичарницата Азовстал. Втората челичарница Илич е практично наша. Примирје нема да има. Ја игнорираа нашата иницијатива, добивме одговор“, рече командантот на проруската сепаратистичка единица.
Се верува дека последните бранители на опколениот и разурнат Мариупол, Азовскиот полк и украинските маринци се во огромната фабрика за челик Азовстал.
18:00 Естонија им забрани на руските бродови пристап до пристаништата
Естонија денеска им забрани на бродовите што пловат под руско знаме да влезат на нејзините пристаништа на Балтичкото Море.
Одлуката е донесена во согласност со петтиот пакет санкции на ЕУ против Москва, поради инвазијата врз Украина.
17:05 Зеленски: Украина нема намера да го предаде Донбас, ќе се бориме
Украинскиот претседател Володимир Зеленски изјави дека Украина се бори во регионот на Донбас и дека нема намера да се предаде.
Во интервјуто емитувано од Си-Ен-Ен, Зеленски ја отфрли идејата да и’ се дозволи на Москва да го преземе Донбас и дел од источна Украина за да го запре конфликтот.
„Украина и нејзиниот народ се јасни. Ние немаме право на туѓи територии, но нема да се откажеме од нашите“, рече Зеленски.
16:00 Украина: Убивме 20.300 руски војници, соборивме 165 авиони, потонавме 8 бродови
Украина објави дека од почетокот на инвазијата биле убиени 20.300 руски војници, а 2.002 руски оклопни возила биле уништени. Уништени се 146 руски хеликоптери и 773 тенкови, тврди Украина.
Минатиот месец Русија тврдеше дека 1.351 руски војник загинале во Украина, додека НАТО на 24 март процени дека биле убиени до 15.000 руски војници.
Тие исто така велат дека уништиле 165 руски авиони, 148 дронови, 8 бродови и 66 противвоздушни системи.
Information on Russian invasion
Losses of the Russian armed forces in Ukraine, April 17 pic.twitter.com/fJsr11Dj2T
— MFA of Ukraine ?? (@MFA_Ukraine) April 17, 2022
15:16 Папата ја критикуваше Русија на Велигден: Украина е вовлечена во сурова и бесмислена војна
Папата Франциско во велигденското обраќање ги повика лидерите да го слушнат плачот на народот за мир во Украина и отворено ја критикуваше Русија дека ја вовлекува земјата во „суров и бесмислен“ конфликт.
Во пораката „Urbi et orbi“ – до градот (Рим) и светот – упатена до толпата од 50.000 луѓе на плоштадот Свети Петар по долгата утринска миса, 85-годишниот Папа посвети најголем дел од своето време на Украина, споредувајќи го шокот од војната во Европа со шокот на апостолите кога, според Евангелието, го виделе воскреснатиот Исус.
14:40 Русија загрижена поради активноста на силите на НАТО на Арктикот
Русија вели дека е загрижена за зголемената активност на силите на НАТО на Арктикот и во нив гледа ризици од „ненамерни инциденти“ кои би можеле да се случат во регионот, изјави рускиот амбасадор Николај Корчунов, пренесува Тасс.
„Неодамнешниот пораст на активностите на НАТО на Арктикот е причина за загриженост. Неодамна на северот на Норвешка се одржа уште една голема воена вежба на Алијансата. Според нас, тоа не придонесува за безбедноста на регионот“, рече Корчунов.
13:38 Русија: Ќе ги елиминираме војниците кои даваат отпор во Мариупол доколку не се предадат
Руското Министерството за одбрана се закани дека ќе ги елиминира украинските војници кои се’ уште се борат и даваат отпор на опколениот Мариупол и потврди дека Украина го игнорирала ултиматумот со кој се бара нивно предавање.
Во соопштението се наведува дека украинските војници опкружени со џиновската фабрика за челик во градот биле повикани „доброволно да го положат оружјето и да се предадат за да ги спасат своите животи“.
„Сепак, националистичкиот режим во Киев ги забрани преговорите за предавање“, соопшти Министерството.
13:30 Украински пратеник: Разговарав со војниците од Мариупол, ќе се борат до крај
Украинскиот пратеник од Одеса, Олексеј Гончаренко за Би-Би-Си изјави дека украинските војници во Мариупол нема да и’ се предадат на Русија.
„Разговарав со нив вчера и знам дека ќе се борат до крај“, рече тој.
Украинскиот претседател Володимир Зеленски претходно изјави дека ќе ги прекине преговорите за запирање на инвазијата во случај Русија да ги „елиминира“ украинските борци во Мариупол.
13:00 Зеленски: Ситуацијата во Мариупол е нехумана
Украинскиот претседател изјави дека ситуацијата во Мариупол е нехумана и ги повика сојузниците да испратат оружје за да го спасат градот од руските сили.
Тој инсистираше на тоа дека лидерите на другите земји мора веднаш да испратат оружје или да интервенираат за да ја принудат Русија на понатамошни преговори.
12:30 И Бугарија им забрани на руските бродови пристап до нејзините пристаништа
Бугарија им забрани на бродовите под руско знаме да влезат во нејзините пристаништа на Црното Море како дел од проширените санкции на ЕУ, објави Поморската управа на земјата на својата веб-страница.
11:35 Руските банки и енергетскиот сектор на удар од нови санкции
Како дел од шестиот пакет санкции против Русија, Европската унија разгледува мерки кои се однесуваат на банкарскиот сектор, поточно на Сбербанк. Се разгледуваат и ограничувања во областа на енергетиката, изјави денеска претседателката на Европската комисија Урсула фон дер Лајен.
11:23 Русија: Во Мариупол опколивме 400 платеници, повеќето од Европа и Канада
Руското Министерство за одбрана тврди дека руските сили во Мариупол опколиле до 400 странски платеници кои се борат на украинската страна, пренесува руската агенција РИА Новости.
„Севкупно, според информациите што ги добивме од украинските војници кои се предале, до 400 странски платеници сега се опколени на територијата на фабриката Азовстал“, изјави на брифингот генерал-мајор Игор Конашенков, портпарол на Министерството за одбрана.
10:50 Денеска нема да има евакуација, Украина и Русија не успеаја да се договорат за коридорорите
Украина и Русија денеска не успеаја да се договорат за коридори за евакуација за да им помогнат на цивилите кои бегаат од областите погодени од војна, изјави украинската вицепремиерка Ирина Верешчук.
„Не успеавме да се договориме за прекин на огнот на патиштата за евакуација. Затоа, за жал, денеска не отвораме хуманитарни коридори“, изјави вицепремиерката.
9:39 Русите велат: „Нема повеќе украински сили во Мариупол, оние кои се во фабриката да се предадат“
Руското Министерство за одбрана соопшти дека повеќе нема украински сили во целото урбано подрачје на Мариупол.
Како што се наведува, само неколку борци останале во фабриката за челик Азовстал – каде што се воделе борбите.
09:15 Во напад во Харков загинаа три лица, а 34 се повредени
Во експлозија во Харков загинаа три лица, а 34 се повредени, изјави градоначалникот Ихор Терехов.
Градот беше погоден од ракетен напад во саботата, а кујната поставена од Светската централна кујна беше уништена.
Светската централна кујна ја води познатиот готвач Хозе Андреас за да обезбеди храна во воената зона за оние на кои им е потребна. Андреас на Твитер напиша дека членовите на персоналот на невладината организација се потресени, но безбедни.
Food heroes them all! Relief that so far that just were 4 wounded…..praying for them! @WCKitchen #ChefsForUkraine we are #FoodFighters but the Russian attacks must stop against civilian buildings and markets and churches and schools etc …… https://t.co/jGO0gLSZvP
— José Andrés (@chefjoseandres) April 16, 2022
09:00 Во Украина почна да пристигнува американската воена помош
Некои пратки со американската воена помош почнаа да пристигнуваат во Украина, изјави претставник на Белата куќа, цитиран од Си-Ен-Ен.
Претходно оваа недела, претседателот Џо Бајден одобри дополнителни 800 милиони долари воена помош за Украина.
08:50 Украина: Пронајдовме остатоци од хемиско оружје
Јуриј Бова, градоначалник на Тростианец во регионот Суми, за украинското радио изјави дека властите пронашле остатоци од хемиско оружје во селото Билка, окупирано од Русија.
Тој рече дека пронашле докази за сарин и други отровни материи, додека британскиот Гардијан пишува дека не може да ги потврди тврдењата на Бове.
Во главниот град Киев се слушнале експлозии, јавува Ројтерс.
Вчера едно лице загина, а неколку беа повредени во воздушни напади врз градот.
Судбината на Мариупол може да се реши или со борби или со дипломатија, рече тој.
08:00 Русија: Соборивме украински авион кој носел оружје од западните земји
Портпаролот на руското Министерство за одбрана, генерал-мајор Игор Конашенков, соопшти дека руската војска соборила украински воен транспортен авион кој носел воена опрема од западните земји.
Во соопштението се наведува дека „украински воен транспортен авион е соборен во воздух“ во регионот на Одеса.
07:00 Руски ултиматум до бранителите на Мариупол: Положете го оружјето и ќе останете живи
Руското Министерство за одбрана постави ултиматум до украинските сили кои се’ уште се борат во опколениот град Мариупол да го положат оружјето, објави руската новинска агенција Тас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп: Роберт Де Ниро е болен и дементен човек, има екстремно низок коефициент на интелигенција
Американскиот претседател Доналд Трамп ги критикуваше демократските конгресменки Илхан Омар и Рашида Тлаиб и актерот Роберт Де Ниро.
„Кога ги гледате Илхан Омар и Рашида Тлаиб со низок IQ како неконтролирано врескаат синоќа на многу елегантно обраќање за состојбата на нацијата, толку важен и прекрасен настан, тие имаа испакнати, крвави очи како луди луѓе, ЛУДИ, ментално растроени и болни луѓе кои, искрено, изгледаат како да треба да бидат институционализирани.
Кога некој може да се однесува така, а знаеме дека се скапани и корумпирани политичари, толку лоши за нашата земја, треба да ги вратиме таму од каде што дошле. Колку побрзо толку подобро. Тие можат само да им наштетат на Соединетите Американски Држави, не можат ништо да направат за да им помогнат“, напиша Трамп на социјалната мрежа Truth Social.
„Всушност, тие треба да се качат на брод со Роберт Де Ниро, уште еден болен и дементен човек за кој верувам дека има екстремно низок коефициент на интелигенција и нема апсолутно никаква идеја што прави или зборува, а дел од тоа е сериозно КРИМИНАЛНО!
Кога го гледав како се расплакува синоќа, како дете, сфатив дека можеби е уште поболен од лудата Роузи О’Донел, која моментално е во Ирска обидувајќи се да сфати како да се врати во нашите прекрасни Соединети Држави.
Единствената разлика помеѓу Де Ниро и Роузи е што таа е веројатно малку попаметна од него, што не е мал подвиг. Добрата вест е дека Америка е поголема, подобра, побогата и посилна од кога било досега, а тоа ги излудува“, заклучи Трамп.
Регион
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и дека неговата здравствена состојба е малку подобра. Вучиќ го објави ова од авионот, пренесува РТС.
„Го посетив Ивица утрово. Лекарите велат дека неговата состојба е малку подобра. Верувам во него, а сега на пат кон Казахстан за одлични резултати за нашата Србија“, напиша Вучиќ на својот профил на Инстаграм.
Тој додаде дека закрепнувањето на Дачиќ е во тек, но дека претпазливоста е сè уште неопходна.
„Секако, претпазливоста е сè уште неопходна и ништо не е сигурно, но е подобро, на радост на неговото семејство и на сите луѓе што го сакаат“, рече Вучиќ.
Свет
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со републиканците во Претставничкиот дом. Тие се подготвуваат да сведочат во конгресната истрага за осудениот сексуален престапник Џефри Епстин.
По месеци борба да избегнат сведочење во она што го нарекоа републикански заговор, тие се согласија да сведочат само кога Претставничкиот дом се приближи кон гласање дали да ги повика на одговорност за непочитување на Конгресот, објави Си-ен-ен.
Се очекува на Клинтонови да им се придружат и нивните адвокати, Дејвид Кендал и Шерил Милс, кои работеа на деталите за можните прашања. Сведочењето е закажано за Чапаки, Њујорк, каде што живеат Клинтонови. Хилари Клинтон треба да сведочи денес, а Бил Клинтон е закажано да сведочи утре.
Местото беше договорено помеѓу Кендал и претставникот Џејмс Комер, претседателот на Комитетот за надзор на Претставничкиот дом, за да се избегне понижувањето и преседанот на повикување на поранешен претседател на Капитол Хил на сослушување. „Никој не сугерира дека Клинтонови направиле нешто нелегално“, рече Комер. „Само имаме многу прашања.“
За да се подготват, Клинтонови се повлекоа, понекогаш заедно, понекогаш одделно, за да ги освежат сеќавањата на годините на Епстин, но исто така и да подготват одбрана и линии на напад против потенцијално непријателски настроени испрашувачи. Републиканците се обидоа да ги третираат како целина, но одделните сведоштва ги нагласуваат потенцијално огромните разлики во информациите што можеа да му ги понудат на одборот.
Real face of Bill Clinton in the newly released Epstein files.
Sick. Disgusting. pic.twitter.com/IOrVJ29qnP
— Saniyaa (@Saniya_physic) February 18, 2026
Според анализата на Си-ен-ен, Бил Клинтон патувал со приватниот авион на Епстин најмалку 16 пати, а во досиејата објавени од Министерството за правда на САД, тој бил фотографиран со жени во џакузи. Тој бил фотографиран и со Гислен Максвел, поранешната девојка на Епстин и трговец со луѓе.
Хилари Клинтон изјави дека никогаш не го запознала Епстин. Бил Клинтон никогаш не бил обвинет во врска со Епстин, а неговиот портпарол постојано повторуваше дека тој ги прекинал врските со него пред апсењето на Епстин во 2019 година и дека не бил свесен за какво било кривично дело.
Се очекува испрашувањето на Бил Клинтон да биде долго, можеби подолго од петте часа што ги сведочеше соработникот на Епстин, Лес Векснер, минатата недела. Сведочењето ќе биде снимено, а персоналот на републиканскиот одбор планира да ги објави видеата во рок од неколку дена.
„Дури ни Груби првично не се пожалил на безбедносен ризик – ДПМНЕ преку АНБ и МВР без проценка го испратија дома“, велат од Левица
„Фарсата на ДПМНЕ и Артан Груби оди дотаму што, првично, дури ни самиот Груби не пријавил дека се чувствува небезбедно....
(Видео) Вучиќ утрово го посети Дачиќ: Неговата состојба е нешто подобра
Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и...
Клинтонови ќе сведочат за врските со Епстин по заканата со санкции
Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со...
(Видео) Бројот на жртви во поплавите во Бразил се искачи на 46: потрагата по исчезнатите е во тек
Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите...
Ким Џонг Ун најави зајакнување на нуклеарниот арсенал
Севернокорејскиот лидер Ким Џонг Ун најави зајакнување на нуклеарниот арсенал на земјата и развој на нови стратешки системи за оружје,...
„Следните 72 часа се клучни“: Се огласи доктор од клиниката каде што се лекува Дачиќ
Српскиот вицепремиер и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија на Клиничкиот...
Ивица Дачиќ итно хоспитализиран, во тешка состојба
Српскиот министер за внатрешни работи и вицепремиер Ивица Дачиќ вчера вечер беше хоспитализиран со билатерална пневмонија, тој е во сериозна...
Уставниот суд: Нема постапка за пензиите, запрена за Кривичниот законик
По 5. седница на Уставниот суд, претседателот Дарко Костадиновски и судијата проф. Осман Кадриу информираа за одлуките по предмети од...
Преживеаните музичари од „Пулс“ сведочеа дека не виделе кој ги наместил и активирал прскалките кобната ноќ: „Пожарот почна на рефренот, тргнав кон врата која беше заклучена“
Со опис на првите искри, паниката и стампедото во кое животот го загубија 63 лица, денеска продолжи судењето за пожарот...
Петрушевски: Тужбата за клевета нема да го испере Заев, стојам зад секој кажан збор
Тужбата за клевета нема да го испере Заев, ниту ќе ја сокрие вистината, вели пратеникот од ВМРО-ДПМНЕ, Бране Петрушевски, по...
Заев поднесе тужби против Бране Петрушевски и Жан Митрев
Поранешниот премиер и лидер на СДСМ, Зоран Заев поднел тужби против Бране Петрушевски и Жан Митрев за како што вели,...
Стојаноски за платите на функционерите: се намалуваат за над 10.000 денари, законското решение е согласно Устав
„Поднесовме предлог на измена на шест закони, со овој пакет на закони се опфаќаат Законот за пратениците, Законот за плата...
Политичарите да се воздржат од коментирање на одлуката за притворот на Груби, апелира Здружението на јавните обвинители
Здружението на јавните обвинители апелира до сите политички партии и функционери да го почитуваат и да не го загрозуваат начелото...
(Видео) „Обвинителството се заплетка со притворот за Груби, се покажа дилот, сè е договорено“, вели Кузеска
„Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче...
Обвинителите бараат итно да се повлече од дневен ред точката за намалување на нивните плати: Се загрозува независноста со економски притисок
Здружението на јавните обвинители утрово испрати итка рекација до Собранието во која бараат да биде повлечена од дневен ред на...
Претседателот на Албанија во тридневна посета на Македонија, посебен режим на сообраќајот во Скопје
В четврток, петок и сабота, во официјална посета на Република Северна Македонија ќе престојува Бајрам Бегај, претседател на Република Албанија....
Вчера за првпат откако функциниора „Безбеден град“ не е регистрирано ниту едно минување на црвено светло
Првпат откако функциниора системот „Безбеден град“, на 24.02.2026 не е регистриран ниту еден прекршок за минување на затворен семафор –...
Утре без струја неколку скопски населби
Поради реализација на инвестициски зафат, а со цел подобрување на квалитетот во снабдувањето со електрична енергија, во четврток 26.02.2026 година,...
Отворени се 22 нови рути кои ја поврзуваат Македонија со цела Европа, објави Николоски
Вицепремиерот Николоски на својот фејсбук профил објави мапа со воспоставени 22 нови авио дестинации кон Европа од двата домашни аеродроми....
Додека Артан Груби гледа телевизија дома, во ДУИ преовладува паничен напад од прв до последен, велат од „Вреди“
Артан Груби е црната кутија на ДУИ. Не е обичен поранешен функционер во куќен притвор, туку човекот што ги знае...
