Регион
Акар: Грција ги крши меѓународните договори со вооружувањето на 18 острови
Грчкото кршење на меѓународните договори со вооружувањето на 18 острови во Егејското Море служи само за ескалација и за саботажа на дијалогот, изјави турскиот министер за одбрана, Хулуси Акар, пренесува „Анадолија“.
„Грција треба да го остави настрана провокативното однесување што дополнително ги зголемува тензиите во регионот“, изјави Акар.
Истакнувајќи ја важноста на дипломатијата во решавањето на споровите, Акар посочи дека Турција секогаш е за дијалог и за мирни решенија.
„Според нас, тензиите и провокациите не му помагаат никому, особено не на Грција. Ние сме за дијалог. Сакаме нашите проблеми што ги имаме тука да добијат политички решенија по мирен пат“, рече Акар додавајќи дека Турција ќе продолжи да ги брани своите права во регионот.
Критикувајќи ја посетата на грчкиот претседател на Мегисти за прославите на независноста, турскиот министер за одбрана рече:
„Како да нема друг остров за прослава, тие доаѓаат на овие. Овие потези, се разбира, нè вознемируваат“.
Грција се обиде да положи право над стотици милји поморска територија од Мегисти, остров од 26 квадратни километри, на 2 км од турскиот брег, но сепак 600 км од Грција. Во услови на напнатост грчките трупи се мобилизираат на Мегисти – остров демилитаризиран преку долгогодишни договори.
Акар нагласи дека Грција со вооружување на островите дополнително ги зголемува тензиите.
„Кршејќи ги меѓународните договори, Грција вооружи 18 острови. Со тоа доведува до ескалација на тензиите, го уништува меѓусебниот дијалог. Грчкиот народ не би требало да се согласува со иницијативите на Макрон и не треба да биде жртва на обидот на Макрон за самоспасување. Јасно е дека политиките на господин Емануел Макрон пропаднаа. Тој се обидува да игра некои улоги за да го прикрие тоа“, додаде тој.
Потсетувајќи на техничките разговори во НАТО, Акар рече дека Турција е за изнаоѓање политичко решение за проблемите преку дијалог и преговори и ги поддржува сите видови иницијативи во оваа рамка. Тој порача дека Турција е подготвена да ги продолжи преговорите под покровителство на НАТО.
„Подготвени сме да бидеме домаќини на четвртиот состанок. Нека дојдат. Ние сме во право, нема да се двоумиме за да се сретнеме“, рече Акар, а потоа се осврна на активностите на наменскиот брод „Оруч Реис“, кој спроведува мисија на сондажни истражувања на енергетските ресурси во источен Медитеран.
„Во рамките на планот тој ќе се движи напред-назад. Нема збор за откажување од своите права на тоа подрачје“, рече турскиот министер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тепачка во Белград: опозицијата се судри со полицијата
Полицијата повторно ги блокира пратениците од опозицијата, кои се обидуваа да влезат во зградата на парламентот во Белград, па пред зградата избувна стампедо и физичка пресметка.
Пратениците од опозицијата се обидоа да поминат низ таканаречениот чациленд, шаторска населба пред влезот, повикувајќи се на вчерашното ветување на претседателката на парламентот Ана Брнабиќ дека ќе им биде дозволено да го сторат тоа, објавува „Нова.рс“.
Ćacilend upravo pic.twitter.com/XyAbgYkNsn
— Stranka slobode i pravde (@SlobodaIPravda) November 26, 2025
Ескалацијата се случи кога претставниците на Националното движење на Србија, Ѓорѓе Станковиќ, и на Зелено-левичарскиот фронт, Богдан Радовановиќ, се обидоа да го отстранат шаторот поставен на самите скали пред парламентот по што беа нападнати од луѓе од протестниот камп и полицијата.
Ова е втор ден по ред како има инциденти на влезот во парламентот. Вчера, полицијата се судри со претставници на партијата Србија центар (Срце), предводена од Здравко Понош, кои исто така се обидоа да влезат на главниот влез преку т.н. чациленд.
View this post on Instagram
Токму по овој инцидент, пратениците од опозицијата, на средба со претседателката на парламентот, Ана Брнабиќ, побараа оградата околу шаторската населба да се помести за да имаат непречен пристап до своите работни места.
Српскиот претседател Александар Вучиќ вчера на прес-конференција изјави дека ќе има иницијатива во врска со шаторите. Иако не разјасни за што станува збор, неговата изјава сугерира дека кампот набргу би можел да биде отстранет.
фото: принтскрин Икс
Регион
Сијарто: Унгарија ќе ѝ помогне на Србија во снабдувањето со енергенси и ја поддржува нејзината интеграција во ЕУ
Унгарскиот министер за надворешни работи Петер Сијарто во Белград изјави дека Унгарија нема да ја остави Србија без енергенти и дека денес ќе бидат утврдени техничките детали за помошта во снабдувањето. Тој нагласи дека Србија секогаш можела да смета на Унгарија во енергетската соработка.
Сијарто оцени дека и Србија и Унгарија ја плаќаат цената на војната во Украина иако немаат одговорност за конфликтот и повтори дека војната не може да се реши на бојното поле. Тој рече дека двете земји силно се залагаат за усвојување на мировниот план предложен од претседателот на САД, Доналд Трамп.
Унгарскиот министер изјави дека интерес на Европската Унија е Србија што побргу да стане членка и дека одредени земји го блокираат овој процес, а, како што рече, истовремено ја туркаат Украина кон членство.
Тој додаде дека Унгарија ќе ѝ помогне на Србија и економски и енергетски предупредувајќи дека намалувањето на снабдувањето преку гасоводи може да доведе земји во ранлива позиција.
Регион
Хрватска нема да ја купи српската нафтена компанија НИС
Хрватска нема намера да стекнува средства на српската нафтена компанија НИС, изјави вчера за новинарите претседателот на земјата, Зоран Милановиќ.
„Хрватска има поитни проблеми поврзани со енергетската компанија ИНА, а кој и да ја купи НИС… сигурно нема да биде Хрватска“, ја цитира неговата изјава хрватската телевизија ХРТ.
Претходно, хрватскиот министер за економија Анте Шушњар изјави дека Загреб е подготвен да влезе во сопственичката структура на компанијата НИС доколку тоа ги реши нејзините проблеми. Според него, тоа би било во интерес и на Хрватска и на Србија.
Претходно во вторникoт, српскиот претседател Александар Вучиќ објави дека српската рафинерија за нафта НИС (дел од „Газпром нефт“) се префрлила на режим на намалена циркулација поради недостиг на нафта како резултат на санкциите на САД.
Како што е објавено, НИС, која е подружница на „Газпром нефт“, беше вклучена на списокот со санкции на САД на почетокот на 2025 година. Во врска со ова, српскиот претседател Александар Вучиќ изјави дека САД бараат целосно повлекување на рускиот капитал од таму.
Тој потсети дека во 2008 година српската влада ја префрлила контролата врз НИС на „Газпром нефт“ и дека во последните години компанијата придонела за добивање значителни приходи во српскиот буџет, како и за развој на многу проекти.
Моментно, главни косопственици на НИС се „Газпром нефт“ (44,85 %) и властите на Србија (29,87 %).
ДСЗИ нареди вонредно чистење и здравствени прегледи на вработените во училиштето „Димо Хаџи Димов“
Државниот санитарен и здравствен инспекторат освен затворање на кујната во училиштето „Димо Хаџи Димов“ во Влае како потенцијален извор на...
Гаши: Ниедно билатерално прашање не смее да стане пречка на нашиот европски пат
Ниедно билатерално прашање не смее да стане пречка на нашиот европски пат. Ние остануваме подготвени за принципиелен дијалог со сите...
Мицкоски: Нема да има нови ресори, еден човек ќе биде и вицепремиер и министер
Нема да има нови ресори, еден човек ќе биде и вицепремиер и министер за нешто, изјави денеска премиерот Христијан Мицкоски...
Во развиените држави ги среќавам моите најдобри студенти, а на Клинички ме фаќа страв каква услуга ќе добијам, рече Беќаровски
Партизацијата тотално го деградира квалитетот на јавното здравство и затоа итно се потребни системски промени за кои мора посилно да...
Повеќе од 900 жени годинава жртви на семејно насилство: „Оваа бројка е повик за итна акција“
Сега е време да се обединиме и да ја промениме приказната, да ставиме крај на насилството врз жените и девојките....
Словенија ги призна возачките дозволи oд Македонија
Словенија усвои измени на Законот за возачите, со кои им се овозможува на носителите на возачки дозволи издадени во Македонија,...
Се зголемува бројот на напуштени кучиња со активен микрочип
Јавното претпријатие „Лајка“ предупредува на континуиран и загрижувачки тренд на кучиња пронајдени на улица со активен микрочип, односно со јасно...
(Видео) Русија реагира на обелоденетиот телефонски разговор меѓу Виткоф и советникот на Путин
Кремљ се огласи утрово откако во извештај на Блумберг се наведува дека еден од претставниците на американскиот претседател Доналд Трамп...
(Видео) Шокантна сцена во Дубровник: што сѐ исфрли морето на брегот
Шокантни слики доаѓаат од Јадранот, каде што најпознатата плажа во Дубровник, Бање, е оставена покриена со ѓубре откако морето исфрлило...
(Видео) Дали, конечно, е блиску крајот на војната во Украина: остануваат три клучни пречки
Американската администрација оптимистички најавува голем напредок во преговорите за завршување на војната во Украина. Претседателот Трамп го пофали „огромниот напредок“...
(Видео) Новинар: Какви отстапки нуди Русија? Трамп: Ќе престанат да се борат
Американскиот претседател Доналд Трамп е убеден дека Русија, со запирање на својата офанзива, би направила „голема отстапка“ за Украина, што,...
„Донецк и размената на територии“: целиот транскрипт од разговорот меѓу луѓето на Трамп и Путин
Блумберг објави транскрипт од телефонски разговор помеѓу Стив Виткоф, специјалниот претставник на американскиот претседател Доналд Трамп за мировни мисии, и...
Трамп се откажа од ултиматумот за Украина
Американскиот претседател Доналд Трамп вчера се повлече од ултиматумот што ѝ го даде на Украина да го прифати американско-рускиот мировен...
Претседателот на Тајван: Ќе предложам да потрошиме уште 40 милијарди долари за одбрана
Тајван ќе воведе дополнителни 40 милијарди долари за одбрана за да ја нагласи својата решителност да се брани, изјави претседателот...
Кина: Ќе ги потиснеме сите странски обиди за мешање во ситуацијата за Тајван
Кина денес предупреди дека ќе ги „потисне“ сите странски обиди за мешање во ситуацијата околу Тајван, откако Јапонија објави планови...
Објавени транскриптите, Виткоф до човекот на Путин: Знам што е потребно за да се постигне договор
Пратеникот на Трамп, Стив Виткоф, по успехот на мировниот договор за Газа, минатиот месец оствари телефонски разговор со висок функционер...
Владата именува повереници за општините Маврово Ростуше, Гостивар, Центар Жупа и Врапчиште
Владата на денешната седница именува повереници за општините Маврово Ростуше, Гостивар, Центар Жупа и Врапчиште во кои што на локалните...
Украина се согласи на мировен договор со Русија, тврдат САД
Украина се согласи на договор за прекин на војната со Русија, при што остануваат само мали детали, изјави американски функционер...
Уапсени директори и заменик министер за земјоделство: излажале дека недостасуваат пченица и јачмен вредни 780.000 евра
Полицијата денеска уапси пет лица осомничени за злоупотреба на стоковите резерви, излажале дека недостасуваат пченица и јачмен вредни 780.000 евра....
Откажано утрешното рочиште за „Пулс“: Недостасуваат адреси од оштетени и нивни застапници
Утрешното судење за пожарот во дискотеката „Пулс“ во Кочани, во кој загинаа 63 лица и околу 200 се повредени, е...
