Регион
Без гушкање и бакнување, дозволен е само бакнеж на младенците – Хрватска воведува нови правила за свадби
![](https://makfax.com.mk/wp-content/uploads/2020/07/Svadba.jpg)
Директорот на хрватскиот Институт за јавно здравје, Крунослав Чапак, истакна дека свадбите нема да бидат забранети и откри кои ќе бидат препораките.
„Ќе дадеме нови препораки за организирање свадби, собири во угостителски објекти, кетеринг, хотели и сл. Малку ќе ги заостриме мерките, тоа е тоа. Ќе мора присутните гости да ги водиме по име заедно со нивниот мобилен број. Ќе побараме од организаторите да спречат гушкање и бакнување, што е многу тешко на свадбите, тоа ми е сосема јасно. На младоженецот ќе му биде дозволено да ја бакне невестата. На угостителите ќе им бидат дадени упатства да не ја служат храната на овали, туку индивидуално. Никогаш не зборувавме за забраната, туку за ограничувањето на бројот, но тој останува ист во моментот. И за танцот ќе дадеме неколку препораки. Ние не би го препорачале вовчето. Луѓето потоа брзо дишат и во исто време создаваат капки што може да се пренесат“, рече тој.
Тој исто така откри дали би отишол на свадба во овој момент.
„Лично, во овој момент не би одел на свадба, освен кај некого што ми е многу близок, на пример, мојата ќерка или кај брат ми“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.