Регион
Брачен пар на Миконос платиле лесна вечера неверојатни 711 евра
![](https://makfax.com.mk/wp-content/uploads/2023/08/миконос.jpg)
Поради момент на непромисленост, но и грешка при подготвувањето на патувањето, брачен пар од Италија платил дури 711 евра за вечера со четири пијачки на островот.
Ова следува откако еден пар од американската сојузна држава Монтана објави дека платиле дури 870 евра за неколку алкохолни пијалоци на Миконос, популарниот грчки остров повторно се најде во фокусот поради лоша причина.
Овој пат, маж и жена од Италија се вратија дома од Миконос решени преку TripAdvisor и медиумите да му го опишат на целиот свет понижувањето што го доживеале од „измамничкиот“ ресторан DK Oyster.
– Само што видовме на интернет дека се најпознати на Миконос по ограбување клиенти. Тоа беше единствената грешка што ја направивме на инаку убав одмор. Не бевме навреме информирани за нив – напишала жената.
Двајцата дошле прилично наивно во озлогласениот ресторан за да се напијат, да уживаат во музиката и глетката, а попатно да изедат нешто полесно.
– Нарачавме три чаши сок, коктел и мала порција остриги. Кога ја добивме сметката на која пишуваше дека треба да платиме 711 евра, ни се слоши. Само се погледнавме. Сопственикот на тој ресторан е веројатно најголемиот измамник во својот бизнис на сите грчки острови – напишал човекот, а пренесува Њујорк Тајмс.
Сметката била толку голема што парот решил да ја сподели приказната со целиот свет, а потоа навлегуваат во детали во описот на бруката.
– Знаете како започнува нивното мамење? Ве канат на улица бесплатно да седнете на лежалка покрај море. Значи, во споредба со другите, не наплаќаат чадор и пар лежалки. Знаевме дека ќе треба да нарачаме нешто за тоа, но не и дека тоа мора да биде во форма на вечера. На крајот, избравме поскромна верзија на вечера, бидејќи не бевме толку гладни. После тоа стигна сметката – изјави Италијанецот.
На крајот додава дека сакал да повика полиција, но дека морале да го стасаат траектот бидејќи не престојувале на Миконос.
Читателите на TripAdvisor, најпопуларниот сајт за патување искуства на патниците, истакнаа дека инспекцијата ќе мора да стави катанец на ресторанот DK Oyster.
Нема сомнеж дека Италијанците се зезнаа, но само по нивна вина.
Имено, на веб-страницата, во делот на ресторанот DK Oyster, стои дека има само две од пет ѕвезди. Така и пред овој инцидент туристите го опишуваат како измамнички.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.