Регион
Британски министер: На Албанците да им се забрани да аплицираат за азил

На Албанците треба да им се забрани да аплицираат за азил во Велика Британија, бидејќи доаѓаат од навидум безбедна земја, изјави британскиот министер за емиграција Роберт Џенрик.
Mинистерот смета дека „таквите лица треба да бидат исклучени од правото да бараат азил“, бидејќи предупреди дека сегашното ниво на миграција во Обединетото Кралство е неодржливо, пишуваат британските медиуми.
Џенрик изјави дека Албанците сочинуваат повеќе од една третина од 33.000 мигранти кои дошле во Велика Британија со мали чамци преку Ла Манш во девет месеци од оваа година и нагласи дека тие претставуваат приоритет број еден.
Претходно, британското Министерство за внатрешни работи одби да го коментира извештајот објавен во „Сандеј Тајмс“ дека министрите работат на легислатива што може да им забрани на барателите на азил кои влегуваат по нелегални патишта да се населат во Обединетото Кралство.
Според тие информации, министерката Суела Браверман го повикала премиерот Риши Сунак да ги поддржи плановите да се стави во притвор секој илегален мигрант по пристигнувањето.
Вчера британските медиуми објавија дека речиси 20 отсто од децата мигранти без придружба од Албанија се исчезнати.
До 31 октомври, локалните власти примија 197 албански деца, од кои 39 исчезнале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Европската Унија бара oд Босна и Херцеговина да воведе визи за граѓаните на Русија

Европската Унија бара од Босна и Херцеговина како земја кандидат да воведе визи за граѓаните на Русија, потврдија за порталот „Радиосарајево.ба“ од Делегацијата на Европската Унија во Сараево.
Фердинанд Коениг, портпаролот на Делегацијата на ЕУ во Босна и Херцеговина, истакна дека Делегацијата на ЕУ очекува Босна и Херцеговина да ги почитува надворешната, безбедносната и визната политика на ЕУ.
„Последниот извештај објавен во октомври кажува многу за усогласувањето на надворешната политика“, додава Коениг.
Откако БиХ стана кандидат за членство во Европската Унија, прашањето за усогласување со визната политика на ЕУ доби важност и Делегацијата на ЕУ очекува тоа прашање да се најде на дневен ред.
БиХ има безвизен режим и со Турција, Азербејџан, Бахреин, Кувајт, Катар и со Оман.
Регион
Дачиќ: Ставот на Србија за француско-германскиот предлог е многу јасен и одговорен

Министерот за надворешни работи, Ивица Дачиќ, изјави дека официјалниот став на Србија во однос на француско-германскиот предлог за решавање на косовското прашање е многу јасен и одговорен. Вели дека Србија сака дијалогот да продолжи, да учествува во него и дека за сето тоа треба а сде дискутира врз основа на овој план.
Дачиќ, одговарајќи на новинарски прашања во Белград, рече дека претседателот на Србија, Александар Вучиќ, јасно кажал кои се црвените линии, односно што е неприфатливо за Србија, а тоа е членството на Косово во Обединетите нации.
„Ова е многу важно затоа што имав можност да ја слушнам оценката во Брисел дека Вучиќ се однесувал конструктивно и одговорно за разлика од Приштина и мислам дека е многу важно да се трудиме да ги зачуваме нашите државни и национални интереси, но и да ја зачуваме Србија од разни закани, уцени, можни санкции и сè што може да ја загрози иднината на граѓаните“, рече Дачиќ.
На прашањето што очекува од денешната посета на европратеникот Владимир Билчик на Србија, Дачиќ потсети дека за време на неговата посета на Брисел оваа недела имал можност да разговара со претставници на Европскиот парламент.
Тој изјави дека денешната посета е една од вообичаените посети на претставници на Европскиот парламент, особено на оние што ја следат состојбата во одредена земја.
„Имаме многу спорни точки со нив и Европскиот парламент е институција чии одлуки не се обврзувачки за европските тела, но во секој случај е многу важно да реагираме на сè што не е точно во нивните извештаи, но без разлика на тоа, мислам дека Србија има свој европски пат“, рече Дачиќ.
Тој денеска во Белград присуствуваше на церемонијата по повод одбележувањето на Меѓународниот ден на сеќавањето на холокаустот.
Регион
Таткото на Ѓоковиќ по инцидентот: Денешниот натпревар ќе го следам од дома

Срѓан Ѓоковиќ, таткото на Новак, зборуваше за случувањата на Австралија опен.
По средбата на српскиот тенисер и Андреј Рубљов, тој беше фотографиран во друштво на навивачи што имаа руски симболи, а еден од присутните беше облечен во маица со симболот „З“.
Срѓан излезе со соопштение и најави дека вечерашниот натпревар нема да го следи од трибините.
„Тука сум само за да го поддржам мојот син. Немав намера да предизвикувам такви наслови и немири“, најави Срѓан Ѓоковиќ.
„Бев надвор со навивачите на Новак, како и по секој натпревар кога ги славам неговите победи и се фотографирав со нив. Не ми беше намерата да се вклучам во сето ова. Моето семејство помина низ ужасот на војната и сите ние само сакаме мир. Ќе го гледам натпреварот од дома“, додаде тој.
Срѓан Ѓоковиќ на крајот изјави дека се надева на одличен натпревар и дека како и секогаш – ќе го бодри својот син.
Новак ќе игра со Томи Пол в петок од 9.30 часот.