Регион
Бугарија ќе и’ донира на Украина неисправни советски ракети С-300

Бугарскиот парламент денеска одлучи да ѝ донира ракети С-300 од советската ера на Украина, откако претходно го одобри испраќањето оклопни возила, потврдувајќи ја промената во политиката за помош на Киев.
„Станува збор за неисправни ракети земја-воздух С-300 кои Бугарија не може да ги поправи, но може да ги користи украинската армија“, изјави претседателот на Одборот за одбрана, Христо Гаџев, не прецизирајќи го нивниот број.
Според експертите, Украина треба да може да ги оспособи или да ги користи за резервни делови. Бугарија има значителни залихи на оружје и нејзините фабрики работат со полн капацитет од руската инвазија на Украина.
Како членка на ЕУ и НАТО, но историски и културно блиска до Москва, Бугарија со месеци одбиваше да испрати каква било воена помош за Украина, но во јуни ја промени својата политика под влијание на новата проевропска влада. Оттогаш, таа одлучи да и испрати на Украина околу стотина оклопни возила и муниција за лесно оружје од полициските резерви.
Но, политичарите се многу поделени во овој поглед. Новиот текст, кој го предложија три пратенички групи кои имаат 168 пратеници од вкупно 240, предизвика жестока расправа во парламентот, а гласањето се одржа зад затворени врати, што не се памети.
„Одлуката е одобрена и предметот е затворен“, изјави за бугарското радио еден од претставниците на иницијативата, Дељан Пеевски.
Социјалистите рекоа дека го бојкотирале гласањето, нарекувајќи го „национално предавство“.
Бугарскиот претседател Руман Радев, кој жестоко се противи на испраќање воена помош поради страв од ескалација, ги обвини владата и парламентот дека се однесуваат како „донатори на странски армии“ на штета на бугарските вооружени сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Хорор во Србија: ловџии пронајдоа обезглавено тело

Во близина на хиподормот во Велика Плана, група ловџии денеска пронајдоа труп во напредна фаза на распаѓање, јавуваат српските медиуми.
Причината за смртта се уште не е позната. Се работи за засега неидентификувано лице.
Трупот на мажот бил обезглавен.
Телото и главата се на исто место.
Се работи за засега неидентификувано лице. Исто така, се верува дека телото било тука некое време.
Регион
Пронајдено девојчето од Бeлград, потврди мајката

Пронајдена е Сара Петровиќ (17) од Борча, Белград која исчезна вчера околу 13 часот, и последен пат била видена во близина на ресторанот „Франш“ јавуваат српските медиуми. Веста дека е пронајдена за српски „Телеграф“ ја потврдила нејзината мајка.
– Да, пронајдена е, но не знаеме каде била. Работиме да дознаеме – изјави мајката за српскиот медиум.
Регион
Вучиќ: Од 94 милиони евра за гасоводот Србија-Бугарија, 50 милиони се подарок од Европската Унија

Претседателот на Србија, Александар Вучиќ, денеска изјави дека од 94 милиони евра колку што чинат изградбата на гасоводот Србија-Бугарија, односно интерконектор до бугарската граница, речиси 50 милиони евра се подарок од Европската Унија, а уште 25 отсто се најповолните кредити од Европската инвестициска банка.
Вучиќ изјави дека остатокот, околу 20 милиони евра, се финансирани од буџетот на републиката.
Како што истакна, поврзувањето преку интерконекторот со Бугарија ќе обезбеди дополнителен гас за Србија, а преку него ќе може да се закупи и дел од азербејџанскиот гас, како и гасот од Александрополис.
„Ќе има поголема можност за добивање гас од територијата на Бугарија, Грција и други земји. Ова ќе овозможи сигурност во снабдувањето и подобри цени“, рече Вучиќ.
Тој најави дека утре, по пуштањето во употреба на гасниот интерконектор Србија-Бугарија, ќе има демонстрација на можностите на падобранот и специјалните единици, на која ќе присуствуваат и претставници од Бугарија и Азербејџан.