Регион
(Видео) Лидерот на српската опозиција брутално истепан на улица, заврши во болница: „Крвнички го клоцаа“

Лидерот на српската Партија за слобода и правда, Драган Ѓилас е повреден во тепачка што избила синоќа во Белград откако видел како луѓе лепат плакати против него, соопштија од партијата.
Инаку, низ Белград со денови се појавуваат плакати на кои претставници на опозицијата се претставени како крадци и разбојници. На снимката се гледа дека лицата со кои се судрил Ѓилас стоеле покрај плакат на кој пишувало „Ѓилас крадецот“.
Banditi koji lepe plakate tuku Dragana Đilasa… pic.twitter.com/CFFIOY9naZ
— Stranka slobode i pravde (@SlobodaIPravda) December 19, 2024
Н1 Србија пишува дека подоцна на Ѓилас му била снимена главата поради помали модринки, а му била повредена и ногата. Членот на партијата Ѓорѓе Алексиќ, според Н1, има повеќе хематоми.
Алексиќ рече дека Ѓилас бил „крвнички клоцан“.
Urgentni centar upravo pic.twitter.com/EvAmakgC1i
— Stranka slobode i pravde (@SlobodaIPravda) December 20, 2024
„Легнав преку него, а тие продолжија заедно да не удираат со клоци. На видеото се гледа како луѓето паѓаат од силината на ударот. Тие први нападнаа. Се одбранивме, тоа можете да го видите на видеото“, вели Алексиќ.
Потпретседателката на партијата Мариника Тепиќ објави дека тој и Алексиќ биле удирани со клоци во грбот и задниот дел од главата. Тврди дека нападот го водел Лука Петровиќ, секретарот за инвестиции во градот.
Evo ko je vođa batinaša koji su večeras udarali i šutirali Dragana i Đoleta!
LUKA PETROVIĆ, visoki SNS funkcioner i gradski sekretar za investicije!
Tvoje falange, je li @avucic?!
Šta bi da započneš? Kukavice bedna!
Danju glumiš sveca, a noću šalješ batinaše da razbijaju glave! https://t.co/iO5kXZlrxq pic.twitter.com/47ISmBQ7Jg— Marinika Tepić (@MarinikaTepic) December 20, 2024
Тепиќ го повика и српскиот претседател Александар Вучиќ: „Бедни кукавици! Преку ден глумиш светец, а ноќе праќаш насилници да кршат глави“, објави таа на Икс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.
Регион
Силен земјотрес ја погоди Света Гора, почувствуван на Халкидики и во Солун

Земјотрес со магнитуда од 5,3 степени е регистриран попладнево во морската област на Света Гора.
Според Геодинамичкиот институт и Сеизмолошката станица на Универзитетот „Аристотел“ во Солун, епицентарот на потресот бил на 7 километри западно од Кареја, на длабочина од 12,5 километри.
Како што јавуваат грчките медиуми, силниот земјотрес го потресе целиот регион Халкидики, како и градот Солун. Бил почувствуван и на крајбрежните области на Кавала и Тасос.
Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.