Градоначалникот на Белград, Александар Шапиќ најави дека јавниот превоз во Белград ќе биде бесплатен за сите од 1 јануари 2025 година, пренесува „Н1 Србија“.

„Од 1 јануари 2025 година целиот јавен превоз во Белград ќе биде бесплатен. Тоа значи дека веќе никој нема да мора да плаќа билет. Нема веќе месечни, годишни или попуст билети. Со оваа социјална мерка Белград станува единствениот град во Европа со повеќе од половина милион население којшто има бесплатен превоз“, рече Шапиќ на прес-конференција.

„До крајот на 2025 година на улиците нема да има автобус постар од две години, а дури и оние кои се стари две или две и пол години ќе бидат само тие што ги купивме на крајот на 2022 година“, рече Шапиќ.

Тој додаде дека првиот од 25. трамваи што ги купи Градот од турската компанија Бозанкаја ќе почне да пристигнува следната година.

„И до крајот на 2027 година си поставивме задача да обезбедиме средства за сите тролејбуси, тоа се 100 тролејбуси и овие други 100 трамваи или 120 трамваи и да ги купиме. Ќе видиме дали ќе биде преку јавно-приватно партнерства, ако нешто ќе направиме.

„Треба да го обезбедиме тоа што е најважно да добиеме нови возила што е можно побрзо на најприфатлив начин“, рече тој.

Постојката за градски автобуси денеска утрото падна на Булевар Европа во Нови Сад, а нема повредени, јавуваат локални медиуми.

Како што објави локалниот портал „021“, повикувајќи фотографии од очевидци, целосно паднала постојката со настрешницата на кружниот тек на раскрсницата Булевар Европа.

FOTO Palo autobusko stajalište na Bulevaru Evrope: Ekspresno uklonjeni ostaci https://t.co/lnLPIsfnRg

— Radio 021 (@Radio021) December 18, 2024

На подот се гледаат големо количество стакло и други остатоци од настрешницата, стои во написите.

Остатоците од постојката беа брзо отстранети, конструкцијата беше откорната од бетонот, додека парчиња стакло беа расфрлени околу постојката.

Во грчкиот град Солун, на 30 ноември официјално беше отворено новото метро, ​​кое се наоѓа во непосредна близина на археолошки локалитети од византиската и римската ера. Најавено беше дека патниците пред да се качат во возот ќе поминат низ подземен музеј со археолошки артефакти, што би го направило овој проект единствен во светот. Но, тоа не се случи – патниците не го видоа подземниот музеј, бидејќи мораа да минат низ тунелите на метрото поради технички дефект.

„Беа потребни две децении за да функционира и само две недели да се расипе“, стои во описот на видеото кое веќе стана вирално, пренесе хрватскиот весник „Јутарњи лист“.

За време на изградбата на метрото, која почна во 2006 година, работниците открија бројни вредни археолошки артефакти, вклучително и пазар од византиската ера и римски гробишта.

 

View this post on Instagram

 

A post shared by 🇬🇷 Grčka Info 🇬🇷 (@grckainfo)

Овие откритија ја забавија работата на проектот и поттикнаа дискусии за тоа како да се продолжи со изградбата со зачувување на богатото археолошко наследство. Решението е пронајдено во спој на модерно и историско – патниците треба да уживаат во артефактите пред да се качат во возот.

„Ова е можност Солун да стане втор Рим кога станува збор за антиквитети“, велат археолозите.

Грчкиот премиер Киријакос Мицотакис, за време на посетата на метрото минатиот петок, истакна дека ова е веројатно единствен случај во светот – комбинација на метро и музеј.

Изградбата на солунското метро траеше речиси две децении, делумно поради финансиските тешкотии за време на грчката должничка криза во 2009-2018 година.

Изградено е на длабочина до 31 метар, што е подлабоко од првично планираното, така што археолошките локалитети би останале зачувани над тунелот.

Според изготвувачите на проектот, таквиот пристап обезбеди уникатна комбинација на модерен транспортен систем и историско наследство, што би можело да го направи Солун посебен на глобално ниво.