Регион
(Видео) Сеизмичката бура кај Санторини ја вознемири Турција, граѓаните споделуваат загрижувачки снимки: „Водата се повлече!“
Цела Грција ја следи сеизмичката бура што во последните денови се случува на Санторини. Со засилувањето на сеизмичката серија, со регистрирани 10-ина потреси на час (најголем број од 12 се забележани во периодот од 2 до 3 часот утринава), голем број жители и посетители на Санторини – оние што не учествуваа во бранот бегство – ја поминаа ноќта во своите автомобили.
Загриженоста поради земјотресите се прошири и во Турција, каде што сеизмолозите бараат од жителите на крајбрежните области, како Бодрум, Мугла и Ајдинио, да внимаваат на можното цунами.
По синоќешната средба во палатата „Максимос“ за земјотресите, на која присуствуваше и премиерот Киријакос Мицотакис, стана јасно дека постои загриженост, но во разумни граници, за можноста од земјотрес со јачина од 6 или повеќе степени според Рихтеровата скала.
„Се испитуваат сите елементи на сеизмичка активност. Досегашните мерки се превентивни. Во секој случај, комисијата за управување со сеизмички ризик ќе биде постојано информирана и постојано ќе заседава. Ги повикувам нашите сограѓани да ги слушаат мерките на експертите и се придржуваме до нив за да можеме да се справиме со моментната состојба. Има будност, превентивни мерки и организација“, изјави Василис Кикилијас по средбата.
Προληπτικά τα μέτρα. Συνεχής ενημέρωση από τους ειδικούς και εγρήγορση
Ολοκληρώθηκε η σύσκεψη υπό τον Πρωθυπουργό. Ενημερώθηκε, όπως και όλοι οι υπόλοιποι παριστάμενοι, από την επιστημονική μας ομάδα. Φυσικά ενημέρωση θα παρέχεται συνεχώς. Εξετάζονται όλα τα στοιχεία της… pic.twitter.com/7IT7hOqJj8
— Vassilis Kikilias (@Vkikilias) February 2, 2025
Локалните власти на некои од островите, како што се Санторини и Аморгос, ги ажурираа своите планови за евакуација на областите во случај на земјотреси и цунами, а побараа рибарите и приватните чамци да останат врзани денеска. На Санторини, Иос и на Аморгос има тимови за итни случаи од спасувачи и лекари, со амбулантни возила и опрема, како дел од постојаната оперативна подготвеност и превентивното зајакнување на механизмите за одговор при итни случаи, пренесува „Прототема“.
„Водата се повлече“
Додека сеизмичката бура, како што некои научници го нарекуваат феноменот, продолжува, на социјалните мрежи кружат видеа, снимени од жители на крајбрежните области на Турција, како што е Измир, известувајќи дека водата се повлекла во последните денови прашувајќи се дали овој феномен е поврзан на сеизмичката активност на Санторини.
Receding waters in Izmir. Scary!#Santorini #SantoriniVolcano #SantoriniEarthquake #Volcano #Earthquake #Kolumbo #Greece #Tsunami 🇬🇷🇬🇷🇬🇷 pic.twitter.com/0jCcSOqQS9
— LeanneSpurs 🇬🇧 (@LeanneSpurs) February 3, 2025
Сеизмологот Акис Целентис во објава на својот фејсбук-профил, меѓу другото, наведува дека „нема потреба од паника бидејќи таа е најголемиот убиец, но потребна е будност – феноменот се влошува“.
„По новите земјотреси што се случија, мислам дека и државата (која работи како што треба) и жителите треба да бидат многу внимателни. Националниот комитет за сеизмички опасности има меѓународно искуство и треба да ги слушнете неговите најави. Најголемата опасност е од цунамито. За жал, близината на подводните раседи во оваа област не дозволува доволно време за пристигнување на предупредувањата од Националниот центар за предупредување за цунами, а временскиот јаз помеѓу предупредувањето и пристигнувањето на цунамито е многу краток. Жителите веднаш да се оддалечат од брегот и да побараат засолниште во повисоките топографски области штом забележат дека водите се повлекуваат“, рече тој.
Научниците се претпазливи во врска со сеизмичката низа и нејзината еволуција. Во изјава за „Прототема“ професорот Костас Папазахос рече дека најлошото сценарио е „да се случи посилен земјотрес со јачина од 6 степени или поголем во регионот“ и посочи дека „тоа е една од најтешките секвенции во грчкиот регион“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Над илјада лица протестираа во Атина против нападите врз Иран
Повеќе од илјада лица маршираа во неделата низ Атина до американската и израелската амбасада во знак на протест против нападите врз Иран. Според полицијата, на протестот учествувале над 1.300 демонстранти.
Протестот бил организиран претежно од поддржувачи на Комунистичката партија на Грција, кои носеле транспаренти со пораки „Рацете подалеку од Иран“ и „Затворете ја базата Суда“. Амбасадите на САД и Израел биле обезбедени со полициски кордони.
Συγκέντρωση στο πάρκο Ελευθερίας και πορεία προς την αμερικανική πρεσβεία πραγματοποίησαν εργατικά σωματεία και φορείς κατά των επιθέσεων των ΗΠΑ και Ισραήλ στο Ιράν.
🎥orange press#ingr #news #αθηνα #iran pic.twitter.com/q5IcH44kzk
— in.gr/news (@in_gr) March 1, 2026
Ден претходно, грчките власти ги засилиле безбедносните мерки во поморската база Суда на островот Крит, која ја користат САД како стратешка точка во источниот Медитеран.
Фото: ЕПА
Регион
Оштетена амбасадата на Србија во Техеран во утринските напади
Во утринското бомбардирање на Техеран е оштетена зградата на Амбасадата на Србија во Иран, дознава српски „Телеграф“.
Според информациите на медиумот, била гаѓана блиската база на Басиж, а од силата на ударот е предизвикана материјална штета и на објектот во кој се наоѓа српската дипломатска мисија.
Во нападот нема повредени меѓу персоналот на амбасадата.
Во тек е нов бран напади на Израел и САД врз воени објекти во Иран, особено во Техеран.
Регион
Спречен шверц на 350 килограми марихуана на албанско-грчката граница
На граничниот премин „Какавија” на албанско-грчката граница, кај Ѓирокастро, спречен е шверц на 350 килограми марихуана, која требала да заврши на грчкиот нарко пазар.
„Денеска околу 6:30 часот, при скенерска проверка на празно возило на излез од царинската испостава Какавија, забележана е двојна шасија, каде што била сместена сомнителна количина на наркотична супстанца „канабис сатива“, соопшти албанската полиција.
Се додава дека царинските службеници го пуштиле возилото на физички преглед, заедно со полициските сили, при што биле откриени 166 пакети од по 2,1 килограма марихуана или вкупно 350 килограми.
Ова е прв случај откриен годинава со толкава количина марихуана на овој премин во јужниот дел на Албанија.

