Регион
(Видео) Се појави снимка од авионот пред да се урне во морето кај Крит

Двајца мажи беа пронајдени мртви и врзани за седиштата на едномоторниот авион што се урна во морето кај Крит во четвртокот вечерта, на само неколку метри од аеродромот.
Пилотот Теодорос Пантос и неговиот патник не успеале да го напуштат леталото пред несреќата, пренесува „Прототема“.
Медиумите објавија видео на кое се гледа авионот пред падот.
Авионот беше пронајден потопен од приватен брод, што учествуваше во истрагата.
„Го најдовме леталото. Патниците биле врзани, не се обиделе да излезат. Имаа модринки. Во ударот, најверојатно, ја изгубиле свеста, па дури и животот“, изјавил спасувачот Павлос Литинакис опишувајќи ги драматичните моменти што се случиле за време на операцијата.
Претседателот на аероклубот „Ханија“, Панајотис Каракис, рече дека не знае зошто пилотот не слетал на аеродромот во Ханија и не се упатил кон Малем, кој не е погоден за ноќни слетувања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.