Регион
(Видео) Српска министерка ја нападна Хрватска пред Советот за безбедност на ОН

Пред Советот за безбедност на ОН беше доставен полугодишен извештај за работата на Меѓународниот резидуален механизам за кривични судови, тело формирано да ја заврши работата на Меѓународните кривични судови за Руанда и поранешна Југославија. Извештајот го презентираа претседателката на Механизмот Грасиела Гати Сантана и обвинителот Серж Брамерц.
Како што јави ХРТ, судијата Гати Сантана го истакна случајот на Јојиќ и Радета, кој се смета за еден од најсериозните примери на несоработка. И покрај барањата, Србија не ги уапси ниту ги префрли во Хаг обвинетите за заплашување сведоци во постапката против Воислав Шешељ.
Обвинителот Брамерц најави дека случајот против Шешељ наскоро се очекува да биде префрлен во Србија на судење пред националниот суд. Тој, исто така, предупреди дека некои земји продолжуваат да им даваат засолниште на осомничените за воени злосторства за да избегнат гонење. Оваа година, неговата канцеларија прими повеќе од 400 барања за помош од националните судови во гонењето на злосторствата извршени во Руанда и поранешна Југославија.
Членовите на Советот за безбедност, освен Русија, најмногу ја пофалија работата на Механизмот. Меѓутоа, Русија го критикува Механизмот, обвинувајќи го за пристрасност и селективност на штета на Србија и бара негово укинување.
Српската министерка за правда Маја Поповиќ во своето обраќање ги критикуваше Хрватска и Босна и Херцеговина. Таа ја обвини Хрватска дека само ги гони Србите за воени злосторства, додека злосторствата против Србите остануваат неказнети. Таа упати слични обвинувања за Босна и Херцеговина. Таа, исто така, го доведе во прашање именувањето на аеродромот во Загреб по Фрањо Туѓман и додаде дека одговорните за воените злосторства како Насер Ориќ и Анте Готовина се на слобода.
Хрватскиот амбасадор во ОН, Иван Шимоновиќ, остро одговори, посочувајќи ја разликата меѓу Фрањо Туѓман, „кој ја бранеше својата земја од агресорите“, и Слободан Милошевиќ и неговите следбеници, одговорни за агресијата врз Хрватска, БиХ и Косово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.