Регион
Воениот врв на Црна Гора во потрага по надворешни сојузници против својот народ

По забраната за учество на припадниците на вооружените сили во литиите во знак на протест против Законот за слобода на вероисповедта, воениот врв на Црна Гора е во потрага по надворешни сојузници во борбата за контрола на сопствениот народ, пренесува „Вечерње новости“.
Началникот на Генералштабот на војската на Црна Гора, бригадниот генерал Драгутин Дакиќ, на почетокот од месецов ја посетил командата на КФОР во Приштина, каде што повторно ја обвинил Србија дека стои зад масовните граѓански протести во целата земја.
Дакиќ, според сознанијата на „Вечерње новости“, во разговорот со командантот на КФОР, италијанскиот генерал Микеле Риси, признал дека постои криза, но дека основната идеја зад спорниот закон е црковните имоти подеднакво да ги користат епархиите на СПЦ и на канонски непризнатата Црногорска црква.
Дакиќ во Приштина дошол на чело на делегација, но со Риси се сретнал во четири очи и немало никакво соопштение за јавноста од нивната средба.
Познавачите на безбедносните услови во регионот го толкуваат овој потег на воениот врв на Црна Гора како гест за обезбедување поддршка од НАТО во случај на ескалација на црковната криза.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.