Контакт

Регион

Прв случај на бразилскиот вид на коронавирус во Словенија

Објавено пред

Во Словенија е потврден првиот случај на бразилскиот вид на коронавирус, изјави денеска шефицата на групата експерти, Матеја Логар.

Таа на прес-конференцијата рече дека првиот случај е потврден во тричлено семејство во Марибор, пренесува порталот 24УР.

Таа додаде дека засега нема податоци дали некој друг се заразил и дека се надева дека нема да има понатамошно ширење.

Логар рече дека пациентот е сместен во болницата во Марибор, додека другите двајца членови на семејството закрепнуваат дома.

Говорејќи за општата состојба во Словенија, таа рече дека ситуацијата не напредува и дека не е можно да се ублажат мерките оваа недела.

Во текот на вчерашниот ден во Словенија, вирусот Ковид-19 е потврден кај 210 од 1.681 тестирано лице, а шест лица починале како резултат на вирусот.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Од утре граѓаните на Србија се вакцинираат без закажување

Објавено пред

Од утре во цела Србија вакцинацијата со вакцината на „Фајзер“ е можна без закажување.

Според најавите, од среда во Белград и Нови Сад и од четврток и петок во цела Србија истото ќе биде можно и со вакцината „спутник В“.

Локалните самоуправи ќе бидат вклучени во акцијата со цел да ги повикаат граѓаните на вакцинација.

Вакцинацијата со вакцината на „Фајзер“ без закажана средба ќе биде можна за домашните државјани и за странците со постојан престој, но не и со регистрација на живеење од неколку дена. Исто така, странците што живеат во Србија ќе можат да се вакцинираат без закажан термин, но не и оние кои дошле само да се вакцинираат.

Прикажи повеќе...

Регион

Двајца вработени во бугарската амбасада во Москва прогласени за персона нон грата

Објавено пред

Двајца вработени во бугарската амбасада во Москва се прогласени за персона нон грата како одговор на протерувањето на руските дипломати од Бугарија, соопшти руското Министерство за надворешни работи, а пренесе агенцијата ТАСС.

„На 20 април, бугарскиот амбасадор Атанас Крастин беше повикан во руското Министерство за надворешни работи каде што му беше вложена нота со која првиот секретар на конзуларната служба на амбасадата, Н. Панајотов, и првиот секретар на трговско-економската служба на амбасадата, Г. Кристозов, се прогласени за персона нон грата. Овие луѓе мора да ја напуштат Русија во рок од 72 часа“, се вели во соопштението.

„Оваа мерка е донесена како одговор на одлуката на Бугарија, донесена без причина во март 2021 година, за прогласување персона нон грата на двајца вработени во руската амбасада во Софија“, додава министерството.

На 23 март бугарското Министерство за надворешни работи прогласи двајца вработени во руската амбасада во Софија за персона нон грата. Руската амбасада тогаш изјави дека одлуката на бугарската страна е неоснована.

Бугарското обвинителство на 19 март соопшти дека шест активни и поранешни вработени во бугарското Министерство за одбрана и во воените разузнавачки агенции се приведени под сомнение дека шпионирале за Русија. Петмина од нив се притворни од страна на воениот трибунал, а еден беше ослободен со кауција бидејќи обвинителите не инсистираа на негово апсење.

Прикажи повеќе...

Регион

Фестивалот Егзит ќе се одржи ова лето – брзи тестови за гостите кои не се вакцинирани или не прележале Ковид-19

Објавено пред

Новосадскиот градоначалник Милош Вучевиќ изјави дека, благодарение на големиот успех на Србија во масовната вакцинација,  фестивалот Егзит има можности да се одржи ова лето.

Долго исчекуваната вест претставува клучна потврда дека големата прослава на 20-годишнината на Егзит ќе биде одржана според планот – од 8 до 11 јули на Петроварадинската тврдина во Нови Сад, со учество на некои од водечките светски ѕвезди, како што се Дејвид Гета, Диџеј Снејк, Тајга, Пол Калкбренер, Нина Кравиц, Борис Брејча, Пол ван Дајк, Соломун, Сепултура и многу други.

„Одржувањето на Егзит ќе биде симбол на победата на Србија над пандемијата“ кажа градоначалникот Вучевиќ, кој е член на Националниот кризен штаб за борба против пандемијата и додаде дека „Егзит е од огромно значење за туризмот и промоцијата на земјата“.

Како што тој објасни, влезот на фестивалот ќе им биде овозможен на сите кои се вакцинирани и на сите кои го прележале коронавирусот. За останатите посетители од земјата и светот ќе бидат овозможени брзи антигенски тестови по многу поволни цени, во посебно организирана зона во непосредна близина на фестивалските капии.

Влезот во Србија уште сега им е веќе дозволен на странците, додека, пак, до јуни се очекува и дека ќе биде целосно укинат задолжителниот ПЦР-тест за влез во земјата. Сите детали поврзани со влезот во земјата и на Фестивалот ќе бидат навремено објавени на официјалниот сајт на Егзит во склад со идните актуелни мерки пропишани од страна на Владата на Република Србија.

„Исклучително сме возбудени поради оваа вест и можноста заедно со публиката од целиот свет, на нашата омилена тврдина да прославиме две децении на Фестивалот, да го славиме животот! Имајќи ги предвид сите тешкотии на кои бевме изложени претходните година дена, веќе сега чувствуваме дека овој ’Биг Бенг’ на позитивна енергија ќе отвори потполно нови димензии на фестивалското искуство и ќе го обележи овогодишниот Егзит како еден од најпосебните. Сепак, мораме да останеме одговорни во наредните месеци и ги повикуваме сите кои имаат можност што поскоро да се вакцинираат, бидејќи здравјето и безбедноста на сите посетители, изведувачи и членови на тимот, се наш приоритет“, изјави Душан Ковачевиќ, основач и директор на  фестивалот Егзит.

Србија во изминативе неколку месеци оствари големи успеси кога е во прашање масовната вакцинација. Покрај тоа што им овозможи на своите граѓани да бираат помеѓу различните производители на вакцините од целиот свет, Србија е единствената земја која бесплатно вакцинираше и десетици илјади странци од цела Европа.

„Ние ќе им овозможиме на сите наши посетители кои тоа го сакаат да се пријават за вакцинација во Србија, а повеќе информации за тоа ќе објавиме наскоро“, истакна Ковачевиќ.

Егзит е најголемиот музички фестивал во регионов, а како таков веќе 20 години претставува значајна дестинација за голем број македонски посетители и музички изведувачи кои настапуваат во рамки на програмата за над 40 бини на фестивалот Егзит.

Прикажи повеќе...

Најново

Македонија11 минута

Филипче: Капацитетот на производство на Институтот „Торлак“ е милион дози на месечно ниво

Министерот за здравство, Венко Филипче, во рамките на денешната посета на Белград имаше предвидено и посета на Институтот „Торлак“, каде...

Македонија2 часа

Нови 766 заболени и 31 починат од Ковид-19

Во последните 24 часа се направени 3.171 тестирање, а регистрирани се 766 нови случаи на Ковид-19, и тоа во: Скопје...

Македонија3 часа

„Ќе можете ли да ни помогнете?“ – угостителите, игротеките и туристичките агенции на протест побараа финансиска помош

Континуирана финансиска поддршка за спас на туристичко-угостителскиот сектор побараа попладнево на протест угостителите, претставници на ноќните клубови, рестораните за свадби,...

Македонија4 часа

Србите ќе бидат ослободени од плаќање патарини во Македонија поради благодарност за вакцините

Српските граѓани ќе бидат ослободени од плаќање на патарините во Македонија, во знак на благодарност поради донираните вакцини. Ослободувањето ќе...

Свет5 часа

Научникот кој ги поврза „Астразенека“ и згрутчувањето на крвта добивал пари од „Фајзер“

Норвешкиот научник кој ја открил врската помеѓу згрутчувањето на крвта и вакцината „Астразенека“ добивал пет години пари од конкурентската компанија...

Македонија6 часа

Вработени во Агенцијата за вработување нелегално издале пријави за работа на над 80 странци

Единицата за економски и компјутерски криминал при СВР Скопје поднесе кривична пријава против Н.М.(48) од Скопје и В.З.(60) од Скопје,...

Македонија6 часа

Османи во разговор со Кулеба: Даваме недвосмислена поддршка на територијалниот интегритет на Украина

Mинистерот за надворешни работи Бујар Османи, по повод 26-годишнината од воспоставувањето на дипломатски односи меѓу Македонија и Украина, оствари телефонски...

Македонија7 часа

Приватните специјализанти бараат здравствено осигурување и покачување на платата

Решавање на проблемот со здравственото осигурување на приватните специјализанти, покачување на платите, како и платени дежурства, се дел од барањата...

Европа7 часа

Чешка нема да набави „спутник В“ и го исфрла рускиот „Росатом“ од тендерот за нуклеарна централа

Чешката влада објави дека го исклучува рускиот „Росатом“ од тендерот за нуклеарна централа вредна повеќе милијарди евра и се откажа...

Свет9 часа

Научници за носењето маски на отворено: Престојот надвор е многу побезбеден

Пандемијата предизвика позната глетка во многу градови низ светот – луѓе кои шетаат, возат велосипед или седат во парк со...

Македонија10 часа

Македонија во мај добива 119.000 дози, ЕУ ќе испрати 651.000 вакцини за регионот

Австрија потврди дека ЕУ планира да дистрибуира 651.000 дози вакцини на „Фајзер“ и „Бионтек“ против коронавирус во шест земји од...

Македонија21 час

Стигнаа 10.530 дози од „Фајзер“, од среда ќе бидат распределени на пунктовите за вакцинација

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информираат од...

Европа22 часа

Прага бара руската амбасада да го ослободи објектот, на таа локација ќе се прави парк

Властите во Прага бараат руската амбасада во Чешка да го напушти просторот што моментно го зафаќа на површина од пет...

Македонија22 часа

Груевски: Тие си знаат чиј имот замрзнале, но мој сигурно не е

Денес дознав дека деновиве ОЈО објавило дека замрзнале наводен мој имот, односно земјиште и два помали стана што ги бев...

Европа1 ден

Политичките лидери за Суперлигата: Богатите не може да ја присвојат убавината на фудбалот

Дванаесет големи европски фудбалски клубови синоќа објавија дека ќе стартуваат нова Суперлига, затворено натпреварување, во кое ќе играат само најсилните...

Македонија1 ден

35 починати и 135 нови случаи на Ковид-19

Oд Министерството за здравство информираат дека во последните 24 часа се направени 841 тестирањe, а регистрирани се 135 нови случаи...

Македонија1 ден

Рестриктивните мерки продолжуваат и во наредните седум дена, препорача Комисијата за заразни болести

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на...

Македонија1 ден

Џафери тврди дека ги консултирал институциите – заразените пратеници гласале според дополнителен протокол

Претседателот на Собранието, Талат Џафери, на денешната прес-конференција рече дека бил приморан да се потпре на дополнетиот протокол со кој...

Економија1 ден

Угостителите утре излегуваат на протест, бараат спас за секторот

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква...

Македонија1 ден

Филипче: Состојбата со новозаразени е стабилна, бројот на пациенти намален

Министерот за здравство, Венко Филипче, информираше дека имал состанок со директорите на клиниките и на ковид-центрите на кој била направена...

Досие