Земјотрес со јачина од 4,6 степени според Рихтеровата скала го стресе грчкиот остров Касос, соопшти атинскиот Институт за геодинамика.

Епицентарот на земјотресот бил во морето на 49 километри северозападно од Касос во Егејското Море и 357 југоисточно од Атина.

Засега нема податоци за човечки жртви или материјална штета.

До денес во Србија се вакцинирани 100.511 лица, пишува „Блиц“.

Граѓаните на Србија во моментот може да изберат помеѓу три достапни вакцини – руската „спутник В“, потоа на „Фајзер-Бионтек“ и кинеската на „Синофарм“. А набргу ќе може да изберат помеѓу четири вакцини против коронавирусот бидејќи се очекува пристигнувањето на вакцината развиена од Универзитетот „Оксфорд“ и британско-шведската компанија „Астра зенека“.

Масовната вакцинација во Србија почна пред три дена со вакцинирање припадници на армијата и полицијата на саемот во Белград, каде што беа поставени 11 пункта за вакцинација.

„Многу е важно што повеќе граѓани да се вакцинираат, со цел да се создаде колективен имунитет, да надмине 60 или 70 проценти и на тој начин да се запре оваа сериозна болест“, изјави епидемиологот и член на кризниот штаб, Бранислав Тиодоровиќ, кој исто така прими вакцина.

Во последните 24 часа во Словенија се регистрирани 1.439 нови случаи на коронавирус, а 27 лица починаа, објавено е на специјализираната веб-страница на владата. Вкупно се извршени 11.149 ПЦР и брзи тестови.

Во моментов, активни се 19.008 случаи, што е за 628 помалку од претходниот ден. Во моментов има 1.159 пациенти во болница, од кои 182 се на интензивна нега.

Од почетокот на пандемијата, во Словенија починале 3.248 лица. На крајот на декември во Словенија започна вакцинацијата против коронавирус, а досега се вакцинирани 47.931 лице.