Хрватскиот музичар и пејач Мирослав Шкоро официјално потврди дека се кандидирал за градоначалник на Загреб.

„Претседателот на ‘Татковинско движење’, како и разгранокот на ‘Татковинското движење“ на Град Загреб, д-р Мирослав Шкоро, кој освои 465.704 гласа на претседателските избори во 2019 година и под чие раководство партијата освои 16 места на парламентарните избори во 2020 година, ќе биде кандидат на ‘Татковинското движење’ за градоначалник на град Загреб на претстојните локални избори во мај 2021 година“, велат од партијата.

Тој ќе ја претстави својата кандидатура в сабота, 6 март, на Цветниот плоштад во Загреб.

Загрепската полиција добила дојава дека лице што сака да се убие се наоѓа во зградата во која живее поранешната хрватска претседателка, пренесуваат локалните медиуми.

Две антитерористички единици, тешко вооружени и со кучиња, влегле во зградата, пишува „24 сата.хр“ и додава дека на терен се најмалку 10 возила, односно дека местото е полно со полиција.

Според еден читател, по другите околни згради биле распоредени и снајперисти.

Хрватските медиуми дошле и до сознанија дека поранешната хрватска претседателка во моментот не е во зградата бидејќи волонтира во Петриња, град што изминатиов период беше погоден од серија земјотреси. Во станот не е ни нејзиното семејство.

Пописот на населението најавен за април е одложен, а во зависност од ситуацијата се надеваме дека ќе почне наесен, изјави Дамир Плесац од Централното биро за статистика во емисија на ХРТ.

Пробниот попис почна во 5 жупании и ќе трае од 1 до 15 март во две фази. Во првата луѓето може да бидат попишани преку интернет, а во втората попишувачите ќе излезат на терен, рече Плесац.

Регистарот на населението е важен за Хрватска затоа што само со квалитетни податоци може да се усвојат јавни политики од кои може да се очекуваат ефекти, рече Сања Клемпиќ-Богади, демограф од Институтот за миграција и етнички студии, додавајќи дека пред регистар на населението, потребен е регистар на станбените единици.

Како што рече таа, регистарот на населението е важен поради миграциите, кои се важни за идните планови.

Регистарот на населението не е обврска, туку препорака што дојде од ЕУ и владата работи на тоа, нагласи Мислав Рубиќ од Централниот државен завод за демографија и млади.

„Регистарот на населението ќе го донесе фактот дека ќе имаме реални бројки од година на година и така ќе може поквалитетно да се креираат демографските политики“, рече тој.