Контакт

Регион

ЕУ: Хрватска ги исполни условите за шенген

Објавено пред

Земјите членки на ЕУ се согласија за текстот на заклучоците со кои се потврдува дека Хрватска ги исполнува сите услови за спроведување на правото на шенген, што го отвора патот за конечна одлука за влез во зоната без контроли на внатрешните граници на Унијата.

Договорениот текст на заклучоците беше формално усвоен од министрите за внатрешни работи на земјите членки без дискусија.

Вчера на состанокот на Комитетот на постојаните претставници, Холандија и Шведска имаа процедурални резерви бидејќи нивните претставници чекаа консултации со соодветните комисии во нивните парламенти, а заклучоците не можеа да се донесат без согласност на сите членови. Зеленото светло пристигна денеска, кога министрите за внатрешни работи се собраа во Брисел и официјално да го потврдат.

„Хрватска ги исполни сите неопходни услови за имплементација на сите делови од шенгенското право“, се вели во текстот на договорените заклучоци. Ова создаде предуслови Советот да донесе одлука во согласност со член 4 (2) од Договорот за пристапување на Хрватска, кој дозволува укинување на контролите на внатрешните граници.

„Во поглед на пристапувањето на Хрватска во шенген земјата е повикана да продолжи доследно да ги спроведува правата и обврските“, се вели во заклучоците.

Овие заклучоци се процедурално неопходен услов за донесување одлука за влез во шенген-зоната и отстранување на граничните контроли на хрватската копнена граница со Словенија и Унгарија, како и на аеродромите и поморските пристаништа.

Конечната одлука за пристапување во шенген би можела да биде донесена за околу шест месеци за време на француското претседателство, а потребна е согласност од сите земји од шенген. Советот треба да побара и мислење од Европскиот парламент, што може, но и не мора да го следи.

Усвоените заклучоци не значат дека одлуката за влез во шенген е загарантирана бидејќи се одлучува едногласно и не може да се исклучи можноста дека некоја од членките ќе ја блокира одлуката. Заклучоците за шенгенската подготвеност за Бугарија и Романија беа донесени уште во 2011 година, а двете земји се надвор од шенген-зоната.

Во самиот текст се наведува дека усвоените заклучоци ги исполнуваат предусловите Советот да може последователно да одлучи дека сите делови од шенгенското право се применуваат во Хрватска.

„Советот може да започне со работа на нацрт-одлуката со цел да се проследи до Европскиот парламент на консултации што е можно поскоро“, се вели во заклучоците.

Пристапот до Шенген бара темелни евалуации за да се процени дали земјата може да преземе одговорност за контрола на надворешните граници во име на други земји, ефективно да соработува со полициските власти на земји-членки на Шенген, со цел да се одржи високо ниво на безбедност по укинувањето на гранични контроли.

На 6 март 2015 година, Хрватска испрати писмо во кое се наведува дека е подготвена да започне со евалуации. Процесот на евалуација започна во јуни 2016 година и беше завршен во мај 2019 година, а Европската комисија на 22 октомври 2019 година потврди дека Хрватска ги исполнува сите технички услови за пристапување во Шенген.

Постапката ја спроведоа тимови експерти од Европската комисија и земјите-членки, кои по извршените инспекции напишаа низа извештаи и препораки за исправање на констатираните недостатоци. Следејќи ги овие препораки, Хрватска разви акциони планови за справување со овие недостатоци. Последниот акционен план за областа на управувањето со надворешните граници беше завршен во февруари 2021 година.

Хрватска го помина најсеопфатниот и детален процес на проценка на нејзината подготвеност за членство во Шенген зоната, со кој досега не се сретнала ниту една земја-членка на ЕУ. Исполни 281 препорака во осум области на правото на шенген, од кои 145 препораки се однесуваат само на областа на контролата на надворешните граници.

Со помош на ЕУ, Хрватска вложи значителни средства во заштитата на границата, која ја чуваат шест и пол илјади полицајци. Долго време е под голем притисок од мигрантите кои се обидуваат да влезат на територијата на ЕУ. Хрватската гранична полиција е обвинета од медиумите и невладините организации за насилно враќање и нехумано постапување со илегалните мигранти.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Нов рекорд во Хрватска – повеќе од 10.000 новозаразени од Ковид-19

Објавено пред

Во последните 24 часа во Хрватска се потврдени 10.427 нови случаи на инфекција со коронавирус, соопшти Националниот штаб за цивилна заштита.

Ова е најголемиот дневен број на новозаразени од почетокот на пандемијата во Хрватска. Во последните 24 часа починаа 45 лица.

Но, ова се само позитивни резултати кои беа потврдени со PCR тест, резултатите од брзите тестови се уште се чекаат.

Минатата среда, Хрватска регистрираше 9.894 новозаразени, што до тогаш беше рекорден број.

Една недела претходно, на 5 јануари, беа потврдени 8.587 случаи на инфекција.

Прикажи повеќе...

Регион

Први смртни случаи од Омикрон во Црна Гора – починатите не биле вакцинирани

Објавено пред

Два смртни случаи од Омикрон се регистрирани во Црна Гора, изјави директорката на ЦК на Црна Гора, д-р Љиљана Радуловиќ.

Како што рече, станува збор за двајца пациенти кои починале минатата недела. Тие имале околу 70 години и имале претходни срцеви хронични заболувања. И двајцата, посочува, биле невакцинирани.

Сојот Омикрон, посочи таа, е доминантна причина за хоспитализација.

– Од друга страна, анализите утврдија дека 70 отсто од пациентите кои имаат омикрон, а пред седум дена беа животно загрозени, сега се на добар пат кон закрепнување или веќе се на домашно лекување.

Оваа информација ни кажува дека омикрон е поблага варијанта во случај на болничко лекување, отколку делта сојот – рече Радуловиќ, пренесува Телеграф.

Во моментов, од 40 опасни по живот пациенти во КЦЦГ, околу 85% се невакцинирани граѓани.

Прикажи повеќе...

Регион

Односите меѓу Србија и Турција се на највисоко можно ниво, оценија Вучиќ и Ердоган во Анкара

Објавено пред

Српскиот претседател Александар Вучиќ е во еднодневна посета на Анкара, Турција, каде што оствари средба со турскиот претседател, Реџеп Таип Ердоган.

По состанкот, српскиот претседател истакна дека неопходно е двете земји да чекорат напред, а не кон минатото. Оцени дека економската соработка меѓу Србија и Турција е во пораст, а исто е и во другите области.

„Имаме 110 турски компании работат во Србија и тие се важни затоа што работат, меѓу другото, и на мали места“, рече Вучиќ.

Тој додаде дека разговарале за односите меѓу двете земји, мирот, стабилноста, почитувањето на Дејтонскиот договор и, како што рече Вучиќ, многу добро се разбираат по овие прашања.

„Му реков на Ердоган дека Србија го поддржува интегритетот на БиХ и интегритетот на РС во рамките на БиХ. Ќе мора да работиме заедно за да ја вратиме довербата, иако е многу тешко да работиме на тоа, бидејќи дел од медиумите во Србија секогаш гледаат со сомнеж“, рече тој.

Ердоган истакна дека територијалниот интегритет на БиХ е од големо значење и дека заедно со Вучиќ ќе продолжи да ги решава сите проблеми.

Претседателот на Турција го нарече Вучиќ „драг пријател“ и оцени дека односите меѓу двете земји се на високо ниво.

„Нашите односи со Србија се на највисоко можно ниво. Разговаравме за чекорите што треба да ги преземеме во наредниот период. Обемот на нашата трговија, и покрај пандемијата, продолжува да урива рекорди“, рече Ердоган.

Посочи дека Турција ќе направи се за да ги намали тензиите на Балканот и уште еднаш му се заблагодари на својот „драг пријател“ за посетата.

Прикажи повеќе...

Најново

Македонија5 минути

Снег и забрана за товарни возила на дел од патиштата

Утрово поради обилни врнежи од снег, воведена е забрана за тешки товарни возила кај планинскиот премини Стража, патниот правец Деве...

Свет15 минути

Властите во Калифорнија предлагаат тинејџерите да се вакцинираат без согласност од родителите

Калифорнија треба да дозволи вакцинација на деца на возраст од 12 и повеќе години без согласност од родителите, предложи синоќа...

Македонија13 часа

Загина 24-годишна девојка – автомобил ја прегази на пешачки пред Сити мол

Загина 24-годишна девојка откако вечерва беше прегазена на пешачки премин во близина на Сити мол во Скопје. Девојката преминувала улица...

Економија14 часа

ЕСМ ќе управува со БЕГ заради континуирано обезбедување топлинска енергија

Владата донесе одлука за обезбедување дополнителни количини топлинска енергија во услови на кризна состојба во снабдувањето со топлинска енергија. „...

Свет15 часа

Бајден со нова закана кон Путин: Русија ќе плати висока цена

Американскиот претседател Бајден рече дека јасно му кажал на рускиот претседател Владимир Путин дека секое движење на руските воени сили...

Свет15 часа

Шведска ги менува препораките – лицата со слаби симптоми на настинка не мора ни да се тестираат

Под силен притисок од ширењето на омикрон и зголемениот број на заразени и здрави, но изолирани, кои почнаа да ги...

Македонија17 часа

Нови 13 починати и 1.172 новозаразени со Ковид-19

Министерството за здравство информира, согласно податоците од Институтот за јавно здравје дека во последните 24 часа: Направени се 4.021 тестови,...

Македонија18 часа

(Видео) Катица Јанева сака лично да ги следи судењата во кои Камчев ѝ бара да му врати дел од милионот

Експецијалната јавна обвинителка, Катица Јанева, има желба и самата да присуствува на судењата против неа, Бојан Јовановски-Боки 13, Зоран Милески-Кичеец,...

Македонија20 часа

Камчев не сака Кичеец да му врати дел од милионот, парите ги бара од Јанева, Боки-13 и државата

Бизнисменот Орце Камчев нема да бара од Зоран Милевски-Кичеец, осуден во случајот „Рекет“, да му врати дел од 1,5 милион...

Свет20 часа

Си-ен-ен: Папата Бенедикт XVI знаел за злоупотребата на деца во Црквата

Папата Бенедикт Шеснаесетти знаел за свештеници што злоупотребиле деца додека тој бил надбискуп во Минхен од 1977 до 1981 година,...

Македонија21 час

Бектеши: Нема да се намалува топлината на парното

Министерот за економија, Крешник Бектеши, тврди дека нема да се скратат часовите во кои скопјани ќе добиваат топлинска енергија. Од...

Македонија21 час

Радев: Има позитивни сигнали од посетата на Кирил Петков во Скопје, но да не ги заборавиме главните прашања

Секој чекор што ја продлабочува нашата врска мора да биде поддржан, изјави бугарскиот претседател Румен Радев, прашан за посетата на...

Свет23 часа

Москва одговори на заканите на Бајден: Санкциите повеќе ќе ја погодат Америка отколку Русија

Забраната на руските банки да користат долари повеќе ќе ѝ нанесе удар на Америка отколку на Русија бидејќи големите светски сили,...

Свет23 часа

(Видео) Еколошка катастрофа во Перу – по ерупцијата во Тонга, дошло до силно излевање нафта

Властите во Перу соопштија дека излевањето нафта кај брегот на земјата предизвикало еколошка катастрофа. Имено, од рафинеријата „Ла Пампила“ протекоа...

Спорт23 часа

Ѓоковиќ ќе ја тужи Австралија за 3.800.000 евра

Најдобриот светски тенисер, Новак Ѓоковиќ, ќе ја тужи Владата на Австралија. Ѓоковиќ. во неделата, беше депортиран од Австралија. Федералниот суд...

Европа24 часа

Британскиот министер за здравство: 20.000 луѓе годишно умираат и од грип, па не ја затвораме земјата

Британија мора да научи да живее со Ковид-19 бидејќи болеста може да остане меѓу нас засекогаш, рече британскиот министер за...

Македонија2 дена

Регистрирани 2.051 нов случај на коронавирус, починаа 14 лица

Во последните 24 часа направени се 6.353 тестови, а регистриран е 2.051 нов случај на Ковид-19: Скопје – 1.027, Битола...

Македонија2 дена

„Спијте мирно, нема да ни го земат Банско“, рече Борисов по посетата на Петков

Поранешниот бугарски премиер Бојко Борисов рече дека по вчерашната посета на бугарскиот премиер Кирил Петков на Скопје спиел мирно, бидејќи...

Македонија2 дена

Петков по посетата во Скопје: Постигнавме огромен успех

Вчерашната посета на Скопје беше огромен успех, изјави бугарскиот премиер Кирил Петков пред новинарите во Народното собрание. „Од една страна...

Македонија2 дена

Горан Николовски го фати светиот крст во Скопје

Светиот крст кој беше положен во водите на реката Вардар во Скопје, годинава заврши во рацете на Горан Николовски. Точно...

Досие