Регион
Курти: Србија ги користи методите на Путин
![](https://makfax.com.mk/wp-content/uploads/2023/02/albin-kurti-napetosti-kosovo-vanrednasjednica-11dec22-aa.jpg)
Косовскиот премиер Аљбин Курти изјави дека Србија, следејќи ги методите на рускиот претседател Владимир Путин, претставува опасност не само за Косово и регионот туку и за граѓаните на Србија, пренесува Радио Слободна Европа.
Вака Курти реагира на апсењето двајца косовски државјани од страна на српските власти, кои ги обвинуваат за воени злосторства извршени врз Србите.
На седницата на косовската влада Курти ја обвини Србија и за „неправедно, намерно и злонамерно апсење косовски граѓани и малтретирање на сопствените граѓани“.
„Србија не е опасност само за нашите граѓани, нашата безбедност, регионалната стабилност на Балканот, таа неодамна докажа дека е опасност и за нејзините граѓани, кои се подготвени да се извинат за српскиот геноцид во Косово. Србија продолжува по патот на методите на Владимир Путин, од заплашување до нехумано мачење на политичките противници“, рече Курти.
Курти ја обвини Србија дека не го почитува договорот во рамките на дијалогот за нормализација на односите, што двете страни го прифатија на крајот на февруари минатата година.
„Во првиот член од договорот се вели дека страните, односно Косово и Србија, меѓусебно ќе развиваат добрососедски односи засновани на еднакви права. Србија, сепак, избира сѐ што е над развојот на добри односи со нас, всушност избира напади врз Косово, како што направи на 24 септември 2023 година во Бањска, а потоа ги заштити сторителите на ова злосторство, предводени од Милан Радоичиќ“, рече Курти.
Косово тврди дека Србија стои зад нападот, што официјален Белград го демантира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.