Регион
Милков не дојде во бугарското Собрание за да зборува за нападот на Пендиков во Охрид

Министерот Милков не дојде на седницата на Народното собрание во Софија, каде што требаше да ги образложи деталите за нападот на македонскиот државјанин Христијан Пендиков во Охрид. Точката што беше најавена како сослушување на службениот министер за надворешни работи, Николај Милков, во врска со уште еден случај на физички напад врз Бугари и бугарски државјани во Република Северна Македонија, е симната од дневен ред на седницата.
Милков на оваа тема вчера зборуваше и пред колегите во Брисел. Како што пренесоа бугарските медиуми, тој побарал солидарност од другите министри за надворешни работи во врска со притисокот над бугарската заедница во Македонија.
Христијан Пендиков е на лекување во Софија отког бугарската влада му организира транспорт со државен авион од Охрид. Му беше извршена операција, а го поести и македонскиот министер за надворешни работи, Бујар Османи.
Истрагата за инцидентот со претепувањето на Пендиков е во тек. Пендиков двапати сменил исказ во полиција за тоа кој му удирал боксови. Пред полицијата првин кажал дека бил претепан од тројца машки лица, а потоа дека го натепало едно лице. Поради промената на исказот, осомничено е само лицето што сега е во притвор, а за другите двајца се собираат информации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Во Сплит казната за одење во костим за капење на улица и пиење алкохол на јавно место е 150 евра

На првиот ден од годинава во Сплит стапи на сила новата одлука за комунален ред во која се пропишани повисоки казни за прекршителите, па може да се очекува летово да нема туристи во костими за капење на улиците, бидејќи доколку бидат фатени по комунален ред ќе им следува казна од 150 евра, известуваат хрватските медиуми.
Истата казна од 150 евра е пропишана и за оние кои пијат алкохол на јавни места, а казната за шетање куче без поводник е согласно одлуката за условите и начинот на чување миленици и изнесува 66,36 евра за физичко лице.
Жителите на Сплит и нивните гости по улиците ќе ги надгледуваат 21 комунален редар, а уште 12 ќе чекаат на повик во зградата на градската управа.
Од август 2020 година, градот Дубровник има слична одлука за комунален ред, а минатата година првите разголени туристи платија општински казни од 1.000 куни.
Новата сплитска одлука за комунален ред е донесена на последната седница на Градскиот совет во 2022 година, а стапи на сила од новата година.
Регион
Хорор во Хрватска: Пациентка со нож избоде познат психијатар

Психијатарот Елвира Коиќ беше повредена во саботата попладне во својата канцеларија во Вировитица кога 37-годишна пациентка ја нападна и ја избоде со нож, пишуваат хрватските медиуми.
Докторката е пренесена во Општата болница Вировитица, каде што е на лекување, а според информациите, нејзиниот живот не е во животна опасност. Пациентката е уапсенa.
Елвира Којиќ е познат психијатар во Хрватска, којa голем дел од својата кариера посветила на работата со хрватските бранители кои страдаат од пострауматско стресно растројство, пренесува „Вечерњи лист“.
Регион
Курти: Не добив соодветни аргументи за формирање за Заедницата на српските општини

Косовскиот премиер Аљбин Курти смета дека европскиот предлог е добра основа за договор со Србија и дека е подготвен да разговара за договорите постигнати во Брисел, но рече дека не добил соодветни аргументи за формирање на Заедницата на српските општини (ЗСО).
Курти рече дека „не смета дека е неопходно да се создаде ЗСО, но оти е подготвен за дискусии за правата на немнозинските заедници“.
Откако го видел француско-германскиот предлог, вели тој, оттогаш преговараат за постигнување договор.