Регион
Словенија инвестира милијарди евра во реконструкција: „Сакаме да спречиме и идни поплави“

Словенечката влада има намера да инвестира околу седум милијарди евра во реконструкција по катастрофалните поплави што ја погодија земјата пред речиси еден месец, изјави во четвртокот премиерот Роберт Голоб во парламентот во Љубљана. Според досегашната проценка, штетата треба да изнесува 4,7 милијарди евра, додаде тој.
Обилните дождови предизвикаа излевање на реките и другите водни тела на почетокот на август, особено во северна и централна Словенија. Поплавите и свлечиштата предизвикаа огромни штети. Селата беа евакуирани, патиштата и пругите беа под вода, стотици мостови беа однесени од порои, многу компании беа уништени.
– Реновирањето нема да биде ограничено само на враќање на претходната состојба, туку целта ќе биде подобра заштита од идни природни непогоди. Сакаме да постигнеме поголема отпорност во случај на вакви настани, рече Голоб.
ЕУ на Словенија и вети 400 милиони евра од солидарниот фонд. Покрај тоа, земјата би можела да повлече пари и од други фондови на ЕУ на кои има право за реконструкција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Косовската полиција: убиени тројца напаѓачи, уапсени пет лица

Косовската полиција соопшти дека во размената на оган загинале тројца напаѓачи, а еден е уапсен.
Дополнително, како што се наведува, уапсени се уште четворица осомничени во атарот на селото Рударе, при што биле пронајдени средства за комуникација кои, како што се тврди, се поврзани со „криминални групи“.
Се додава дека е пронајдено поголемо количество оружје, муниција и разновидна опрема.
Во соопштението се наведува дека безбедносната состојба во атарот на селото Бањска се’ уште е тензична и дека „нападите со огнено оружје врз полициските единици продолжуваат со ист интензитет“, пренесува новинската агенција „Танјуг“.
Регион
Косовска полиција: Еден од напаѓачите е убиен

Косовската полиција денеска соопшти дека, според последните информации, во размената на оган загинал еден од вооружените напаѓачи.
„Одговарајќи на новонастанатата ситуација и околности, косовската полиција затвори за сообраќај два премина на север (Јариње и Брњак) од безбедносни причини и ги повика сите граѓани да ги користат другите сообраќајни точки и да избегнуваат движење во тој регион“, соопшти косовската полиција. .
Како што се наведува во соопштението, состојбата во атарот на селото Бањска се’ уште е тензична, а како што тврди косовската полиција, „криминални групи одвреме-навреме ги напаѓаат полициските единици на терен“.
Косовската полиција наведува дека станува збор за „професионални напаѓачи, маскирани и униформирани во различни униформи, вооружени со тешко оружје, гранати, воени и оклопни возила“ кои користат „разни приватни простори и објекти, вклучително и просторот околу манастирот Бањска, за движење, наоѓање засолниште и позиции за гаѓање на единици на косовската полиција“.
Косовскиот премиер, Албин Курти претходно на социјалните мрежи објави фотографии од напаѓачите и ја обвини Србија.
The murder & violence in the north is being perpetrated by these men—armed & organized professional forces in armored vehicles with no license plates. Let me restate: It is not ordinary Kosova Serb citizens but Serbian-state supported troops perpetrating these terrorist attacks. pic.twitter.com/2ipXu5rgFF
— Albin Kurti (@albinkurti) September 24, 2023
Регион
КФОР: Ја следиме ситуацијата, спремни сме да реагираме доколку има потреба

Мисијата КФОР денеска соопшти дека продолжува внимателно да ја следи ситуацијата во Бањска, како и дека нејзините војници се присутни во областа и се подготвени да одговорат доколку е потребно.
„КФОР продолжува внимателно да ја следи ситуацијата во Бањска, а војниците се присутни во областа и се подготвени да одговорат доколку е потребно“, се вели во соопштението објавено на мрежата Х, поранешен Твитер.
KFOR continues to closely monitor the situation in Banjska, and KFOR troops are present in the area, standing ready to respond if required. pic.twitter.com/aIiDVOAckU
— NATO Kosovo Force – KFOR (@NATO_KFOR) September 24, 2023