Регион
Србија ќе го добие најстрогиот закон за безбедност во сообраќајот

До крајот на 2025 година, Србија би можела да го добие најстрогиот Закон за безбедност во сообраќајот досега – со трајно одземање на возила, нулта толеранција на алкохол и алко-брави кои нема да дозволат стартување на возилото без претходно тестирање на возачот, пишува Блиц.
Новиот закон може да донесе дури 18 измени, а некои од нив ќе бидат најстрогите правила за возачи досега воведени во Србија.
Трајно одземање на возило
Една од предложените мерки се однесува на трајно одземање на возилото и трајна забрана за управување со одредени категории возила. Според Славиша Лакиќевиќ, началник на Сообраќајната полиција, трајната забрана доаѓа од фактот што во Србија постои голем број повратници во извршување на најтешки сообраќајни прекршоци. Иако постои мерка за привремено одземање, од февруари 2024 до денес се одземени скоро 400 возила – што покажува дека се потребни построги санкции.
Нулта толеранција на алкохол
Блага алкохолизираност до 0.20 промили нема да се санкционира, туку ќе се изрекуваат предупредувања и евентуално исклучување од сообраќај на 6 до 12 часа. Санкција ќе следува од 0.21 промил.
Построги казни за небезбеден превоз на деца и за пешаци со деца
Минатата година во Србија загинаа 16 деца – сите како патници. Затоа ќе се воведат многу построги казни за оние што ги превезуваат безбедносно неодговорно, особено ако имаат алкохол во крвта.
Камери што ги откриваат сите видови прекршоци
Новите законски измени ќе вклучат и камери со вештачка интелигенција кои ќе детектираат прекршоци како: некористење појаси, користење мобилен телефон, преминување на црвено светло, брзина, истечени регистрации и др. Тие ќе бидат поставени на „црни точки“ – критични делници.
Поголеми парични казни
Се разгледува зголемување на казните, воведување степенувани казни, подобрување на системот со казнени поени – со рана интервенција пред некој да стане „неодговорен возач“.
Строга контрола на премини преку железничка пруга
Законот ќе вклучува и построги мерки за почитување правила на патно-железнички премини поради зголемени смртни случаи на такви места.
Поголема плата – поголема казна
Се разгледува воведување систем каде казните ќе бидат прилагодени на приходите на возачот. Пример: лице со плата од 1.000.000 динари ќе плати многу поголема казна од оној со плата од 50.000 динари.
Прво алкотест, па старт на возилото – алко-брави
Законот може да воведе „алко-брави“ – уреди кои не дозволуваат стартување на моторот ако не се направи алкотест. Европскиот совет ги дефинира како автоматски системи за спречување управување со возило под дејство на алкохол. Во Србија, некои приватни компании веќе користат вакви уреди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Аеродромот во Загреб затворен за сообраќај – мал авион слета надвор од пистата

Аеродромот „Фрањо Туѓман“ во Загреб денеска попладне беше затворен за сообраќај поради инцидент со приватен авион кој се излизгал од пистата, пишува Индекс.
Инцидентот се случил околу 15:21 часот, при слетување на приватен авион од типот Cessna 525.
Леталото проклизнало и завршило на тревната површина покрај пистата.
Според информации од авиокомпанијата, авионот бил празен и во инцидентот нема повредени.
Во моментот се преземаат мерки за отстранување на леталото од пистата, а аеродромот останува затворен до понатамошно известување.
Од Аеродромот „Фрањо Туѓман“ се извинија на патниците за доцнењата на пристигнувачките и поаѓачките летови и најавија дека јавноста ќе биде навремено информирана кога сообраќајот повторно ќе биде воспоставен.
Регион
Локални избори во Заечар и Косјериќ

Денеска во Заечар и Косјериќ се одржуваат редовни локални избори, на кои се избираат советници во општинските совети на овие две локални самоуправи. Гласачките места се отворија утрово во 7:00 часот, а се затворија во 20:00 часот.
Осум изборни листи учествуваат на изборите во Заечар и три во Косјериќ. Изборниот молк ќе трае до затворањето на гласачките места.
Министерот за внатрешни работи на Србија, Ивица Дачиќ, изјави дека нарушувањето на изборите е кривично дело и дека полицијата ќе реагира.
– Полицијата мора да си ја врши својата работа. Во кривичниот законик постои кривично дело попречување на избори. Доколку некој крши гласачки кутии или им попречува на луѓето да гласаат, тоа нема да биде дозволено – рече Дачиќ.
Општина Косјериќ има околу 10.000 жители, а право на глас имаат 8.897 гласачи.
Според податоците на Градската изборна комисија, вкупниот број на гласачи на територијата на Заечар е 47.357.
Прелиминарните резултати се очекуваат вечерва.
Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.