Регион
Турските власти ќе го пребаруваат саудискиот конзулат во Истанбул во рамките на истрагата за исчезнатиот новинар

Турското Министерство за надворешни работи денеска објави дека турските власти ќе го пребараат саудискиот конзулат во Истанбул во рамките на истрагата за исчезнатиот саудиски новинар Џамал Кашогија.
Саудиските власти ја информираа Анкара дека се отворени за соработка и ќе дозволат да се пребара зградата на конзулатот, наведоа во нивното соопштение.
Претходно, денеска, „Вашингтон пост“ објави дека според фотографија што тие ја добиле од извори билски до истрагата, новинарот влегол во зградата на саудискиот конзулат во Истанбул, но како што тврдат медиумите, тој никогаш не излегол или барем досега не биле објавени докази дека тој ја напуштил зградата.
Државниот секретар на САД, Мајк Помпео, ја повика владата на Саудиска Арабија за поддршка на темелна истрага за исчезнатиот саудиски новинар и транспарентно објавување на резултатите од истрагата, пренесуваат медиумите.
59-годишниот новинар исчезна за време на посетата на саудискиот конзулат во Истанбул, каде што отиде по документи што му беа потребни за да може да се ожени со својата свршеница, која е од Турција, наведува агенцијата од САД.
Турските власти и неговите пријатели за АП изјавија дека стравуваат оти новинарот бил убиен во конзулатот, а Саудиска Арабија таквите изјави ги карактеризира како неосновани, но како што забележуваат медиумите, никогаш не дала ниту докази дека тој по влегувањето, ја напуштил зградата на конзулатот.
Турскиот претседател, Реџеп Таип Ердоган, вчера повика да се обезбедат докази дека новинарот жив го напуштил конзулатот на Саудиска Арабија во Истанбул. И американскиот претседател, Доналд Трамп, исто така изрази загриженост поради исчезнувањето на саудискиот новинар.
Кашогија ја напушти Саудиска Арабија минатата година бидејќи ги критикува саудиската политика во Јемен и притисокот на критичарите врз властите, истакнува „Ројтерс“ во својот напис.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црв од шест сантиметри отстранет од очниот капак на пациент во БиХ

Црв од шест сантиметри е отстранет од постар пациент, а фотографијата ја објави познат доктор од Бања Лука, Бојан Козомара.
„Вака изгледа црв штотуку отстранет од очниот капак на постар пациент. Постапката ја изврши мојата драга колешка Тамара“, напиша тој на X.
Ovako izgleda crv upravo odstranjen iz kapka pacijenta starije životne dobi.
Zahvat izvršila moia draga kolegica Tamara… pic.twitter.com/6EK3CrhCE3
— Bojan Kozomara (@KozomaraBojan) September 17, 2025
Според него, црвот, најверојатно, потекнува од куче.
„Ќе го помилувате кучето кое има јајца од глисти, а потоа ќе се фатите за окото“, напиша тој во коментар објаснувајќи ја ситуацијата, објавува Nezavisne.com.
Фото: принтскрин
Регион
Татко си го прегазил малолетниот син со автомобил во градината: трагедија во БиХ

Шеснаесетмесечно момче е убиено во Брчко, БиХ, кога било прегазено од автомобил управуван од неговиот татко, потврди полицијата во тој град.
Трагедијата се случила вчера, а полицијата известила дека 30-годишен маж со иницијали Ј.Х. случајно го прегазил детето во градината на семејната куќа во населбата Церик.
„Таткото го донел детето во тешка состојба и врз него била извршена реанимација. Веднаш потоа, полициски службеници излегле на местото на настанот и ги презеле сите мерки и дејствија во нивна надлежност за да ги утврдат сите околности“, изјави портпаролката на полицијата на округот Брчко, Џевида Хукичевиќ.
„Таткото го спуштил детето за да се подготви за работа“
Агенцијата Фена денес ги објави сведоштвата на соседите кои рекле дека таткото го држел детето во раце, а потоа го оставил во градината за да се подготви за работа.
Полицијата добила пријава за трагедијата од локалната амбуланта, каде што веднаш било однесено тешко повреденото момче, но не можело да се спаси.
Соседите рекле дека го познавале Ј.Х. како вреден татко на пет деца кој се грижи за своето семејство работејќи тешка физичка работа.
Фото: принтскрин
Регион
(Фото) Грција пронајде богатство од потонатиот брод „Британик“, сестрински брод на „Титаник“

Грчките власти објавија дека се пронајдени вредни артефакти од остатоците од бродот „ХМХС Британик“, повеќе од еден век откако сестринскиот брод на познатиот „Титаник“, потона во Егејското Море за време на Првата светска војна, објави Би-би-си.
Иако операцијата за вадење беше спроведена во мај, веста беше објавена дури сега, кога Министерството за култура на Грција откри детали за пронајдените предмети. Сложената операција за извлекување ја спроведе тим од 11 професионални нуркачи, а проектот го организираше британскиот историчар Сајмон Милс, основач на Фондацијата „Британик“.
Богатства извлечени од морското дно
Меѓу предметите извлечени на површината се бродското ѕвонче за набљудување, навигациска светилка на левата страна од бродот, двоглед, керамички плочки од турските бањи и разновидна опрема од кабините од прва и втора класа.
Пронајдените артефакти веднаш беа заштитени во контејнери и исчистени од морски организми, по што беа префрлени во лаборатории за подводни антиквитети во Атина, каде што ќе продолжи процесот на нивна конзервација. Вреди да се напомене дека некои предмети идентификувани во оригиналниот план не можеа да се извлечат поради нивната лоша состојба и локација на остатоците од бродот.
По завршувањето на работите, предметите ќе бидат изложени во новиот Национален музеј на подводни антиквитети во Пиреја, како дел од изложбата посветена на Првата светска војна.
„Британик“ беше третиот пароброд од класата Олимпик на компанијата „Вајт Стар Лајн“, покрај познатите „РМС Титаник“ и „РМС Олимпик“. За време на војната, бродот беше преземен од британската морнарица за да служи како болнички брод.
На 16 ноември 1916 година, „Британик“ налета на германска мина во близина на грчкиот остров Кеа и потона за помалку од еден час. Од 1.065 лица на бродот, 30 ги загубија животите кога два чамци за спасување беа вовлечени во пропелерите на бродот, кои сè уште работеа.
фото: принтскрин