Регион
Унгарија бесна на Бугарија: Данокот за транспорт на руски гас е непријателски чин

Унгарскиот шеф на дипломатијата, Петер Сијарто, најавата на Бугарија дека ќе воведе данок за транспорт на руски гас преку нејзина територија ја нарече непријателски чин што ја доведува во прашање европската солидарност и е против европските регулативи кои не дозволуваат воведување даноци и царини меѓу земјите-членки на Европската Унија.
Сијарто на заедничката прес-конференција по разговорот со српската министерка за енергетика Дубравка Ѓедовиќ-Хандановиќ оцени дека Бугарија донела одлуки кои ја загрозуваат безбедноста на снабдувањето со гас на Северна Македонија, Србија и Унгарија, што е неприфатливо.
Никој нема право да го доведува во прашање снабдувањето со енергија на една земја, а Бугарија воведе данок за транзит на руски гас без претходна најава, со што ја загрозува безбедноста на снабдувањето на Северна Македонија, Србија и Унгарија, рече шефот на унгарската дипломатија.
Тој рече дека Унгарија се обратила до Европската комисија и дека денеска со Србија е договорена натамошна координација на следните чекори и заеднички одговор.
„Се надеваме дека европските правила ќе бидат почитувани и во овој случај“, рече Сијарто, заблагодарувајќи и се на Србија „за сојузничкиот пристап“ во однос на соработката за безбедно снабдување со енергија.
Ѓедовиќ Хандановиќ го истакна пријателството и исклучително добрите односи со Унгарија, особено во услови на енергетска криза, кога „важно е да има партнери на кои може да се потпрете“.
Таа посочи дека резервите на гас што ги има Србија во изнајмените магацини во Унгарија се поголеми од лани и со зголемени залихи на домашниот пазар сега достигнуваат околу 680 милиони кубни метри, што е значајно за економијата и граѓаните во пресрет на претстојната зимска сезона.
Унгарија смета на безбедни испораки на гас преку Балканскиот поток преку Србија, а тема на разговор беа можностите за дополнителни капацитети за потребите на Унгарија, рече Ѓедовиќ Хандановиќ.
Според неа, Србија официјално се обратила до Енергетската заедница во врска со данокот воведен од Бугарија и додаде дека „ова прашање е и на масата на Европската комисија“.
Таа очекува гасната интерконекција Србија-Бугарија, преку која гасот ќе стигне до Србија, да профункционира до крајот на ноември.
На средбата се разговараше и за следење на реализацијата на проектот за изградба на нафтоводот Србија-Унгарија, кој ќе обезбеди дополнителна рута за испорака на сурова нафта на српскиот пазар.
„Очекуваме почеток на работите на изградбата на нафтоводот, кој е инвестиција вредна околу 150 милиони евра, во втората половина на 2025 година, а планираниот капацитет е 5,5 милиони тони нафта“, изјави српскиот министер за енергетика. .
Пред два дена во Баку, Ѓедовиќ Хандановиќ потпиша договор за снабдување на Србија со гас од Азербејџан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Опозицијата се судри со обезбедувањето, пратениците запалија факели: хаос во Собранието на Албанија

Во Парламентот на Албанија повторно дојде до судир меѓу опозицијата и собраниското обезбедување, а дел од пратениците запалија и димни ракети.
На денешната седница треба да биде усвоен буџетот за 2024 година, но пратениците на Демократската партија, актуелната која ја поддржува Сали Бериша, најпрвин со своите тела го блокираа пристапот до говорницата, а кога се обидоа тоа да го направат со столчиња, имаше конфликт со собраниското обезбедување, пренесува „Албанска пошта“.
Во пресрет на седницата, шест пратеници беа исклучени од работата на тоа тело на 10 дена поради нередот што го направија на седницата одржана на 4 декември, а меѓу нив е и Бериша, пренесува Балкан веб.
Претседателката на Собранието Љиндита Никола го исклучи од седницата претставникот на Демократската партија бидејќи, како што изјави, фрлал цигари во салата, а потоа ја затвори седницата за јавноста.
Регион
Избоден маж на автобуска станица во Белград

Белградската полиција трага по маж кој во вторникот вечерта на автобуската постојка во Борча го избодел Д.Р. (39).
Според зборовите на избодениот, тој чекал автобус кога напаѓачот му пришол и по кратка дискусија извадил нож и почнал да го боде.
Д.Р. бил примен во Ургентниот центар во тешка состојба.
Констатирани му се повреди по рацете и телото.
Истрагата е во тек.
Нападот се случил на автобуската постојка на патот за Зрењанин, пишува Телеграф.
Регион
Вучиќ: Постои можност Охридскиот договор да стане услов за прием во ЕУ

Претседателот на Србија, Александар Вучиќ изјави дека постои можност Охридскиот договор да стане дел од преговарачкото поглавје 35, а со тоа и услов за прием на Србија во Европската унија.
Сепак, Вучиќ истакна дека јасно кажал што не може да прифати.
„Прво, да видиме што ќе биде, бидејќи не можат да игнорираат нешто за кое разговарале со мене, јас по секоја нивна посета, после самиот Охрид, излегував и јасно кажував што прифаќаме, а што не, бидејќи дури и мојата вербална експлицитна изјава е став на државата и не може да се отфрли“, вели Вучиќ во интервју за НИН.