Регион
(Фото+видео) Косовската полиција објави снимки од српските напаѓачи
Косовскиот министер за внатрешни работи, Џељаљ Свеќља, на прес-конференција изјави дека целта на нападот во Бањска била анексија на северот од Косово. Според него, во акцијата учествувале 90 напаѓачи. Свеќља рече дека немаат снимка од убиството на Србинот откако тој се предал.
Според Свеќља, подготовките за нападот биле направени во централна Србија, што, како што рече, може да се види од беспилотните летала запленети од групата. Свеќља рече дека на видеоснимките ќе се види не само нападот во Бањска туку и подготовките на групата во тренинг-центрите во Србија на Копаоник, на имотот на Милан Радоичиќ.
„На обуката учествуваа српскиот претседател – Александар Вучиќ, министерот за одбрана – Милош Вучевиќ и началникот на командата на армијата – Милан Мојсиловиќ“, рече Свеќља. Тој додаде дека Вучиќ се обидел да го скрие фактот дека Србија била вмешана во организацијата на нападот.
Косовската полиција синоќа на својот „Фејсбук“ го објави секое видео посебно, а покрај секоја снимка опишува што се гледа на неа.
Во продолжение ви ги пренесуваме сите објавени снимки со описи на косовската полиција
Снимка 1.
„Снимката од 26 август 2023 година, направена на Копаоник, Србија, ги прикажува одморалиштата и хотелот „Греј“ во сопственост на Милан Радоичиќ“.
Снимка 2.
„Снимката е од 2 септември, а е направена на Копаоник, во близина на просторот во сопственост на Милан Радоичиќ. Видеата покажуваат дека облеката се тестира на термални камери. Остатокот од видеото ги прикажува последните вежби на терористичката група на полигонот на српската војска, познат како Пасуљанске ливаде“.
Снимка 3.
„Тука може да се видат моторни возила“, пишува косовската полиција. „На видеото се гледа како се симулира напад и се симулира ранување членови на терористичка група, како и укажување прва помош“, пишува косовската полиција.
Снимка 4.
„Ова видео од 20 септември покажува како групата наидува на отпор и симулира оклопна поддршка“.
Снимка 5.
„Овие фотографии, исто така од 20 септември 2023 година, се продолжение на прелиминарните фотографии, кои покажуваат дека борбеното возило (HUMVEE) застанало. Во првиот ред се гледа дека има инсценација/тепачка меѓу групите. Беше забележан A (HUMVEE) како ја поддржува линијата на фронтот додека борбите поттикнати од групата под (HUMVEE) поддршка разменија оган. Во рамките на оваа воена вежба на терористичката група се набљудуваат и возила (HUMVEE), а се сомнева дека во истата вежба било употребено и едно од возилата што косовската полиција ги заплени во терористичкиот напад на 24 септември 2023 година“.
Покрај видеата, косовската полиција објави и фотографии од запленетото оружје.
„Ова е дел од оружјето што докажува дека ова оружје е произведено во Србија и дека е ново оружје“, пишува косовската полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сергеј Трифуновиќ ја пријавил сопругата за семејно насилство
Сергеј Трифуновиќ ја пријавил сопругата за семејно насилство, јавуваат српските медиуми.
Актерот повикал полиција и рекол дека трпи насилство од сопругата Исидор. Расправијата се случила околу 22 часот во стан во Вождовац, пишува Телеграф. Не многу пред тоа, тој беше виден, со своето куче Мило, на промоцијата на албумот Сајси MC. Но, обвинителот утврдил дека нема елементи на кривичното дело семејно насилство.
Трифуновиќ и неговата сопруга се скарале, а кога тој рекол дека ќе ја остави, таа наводно почнала да му се заканува. Ниту еден од сопружниците не е повреден.
View this post on Instagram
Парот официјално стапи во брак на 16 октомври.
„Би можел да се оженам за тебе секој месец“, напиша тој во описот на една од најавите за свадбата.
Исидора Мијановиќ и Сергеј Трифуновиќ во мај годинава направија црковна венчавка, а пет месеци подоцна, на 16 октомври, во Белград склопија граѓански брак.
Исидора е 23 години помлада од актерот и се чини дека таа беше единствената која успеа да му го освои срцето доволно за да му ја „украде слободата“, иако години наназад важеше за вечниот ерген на српската јавна сцена. Таа го зеде презимето на сопругот и стана госпоѓа Исидора Трифуновиќ, а последниве месеци не кријат колку се заљубени на социјалните мрежи.
Регион
Педесет килограми кокаин вреден 5 милиони евра се пронајдени во босански камион во Италија
Граѓанин на Босна и Херцеговина (49), е уапсен откако во неговиот камион биле пронајдени дури 50 килограми кокаин чија улична вредност се проценува на пет милиони евра, јавуваат италијанските медиуми.
Полицијата го запрела во општина Регело при рутинска контрола на одмор на автопат, по што решила да го прегледа возилото. Во кабината, зад креветот на возачот, пронашле пет кеси со вкупно 50 килограми супстанца за која подоцна е утврдено дека е кокаин.
Мажот се обидел да сокрие огромно количество дрога во кабината, држејќи ги пакетите што е можно поблиску до себе. Ги сокрил зад креветот на преклоп каде што одмарал меѓу патувањата.
Не им требало долго за да го откријат тешкиот товар: зад возачкиот кревет нашле пет проѕирни пластични пакувања. Секој содржел по десет килограми кокаин. Според полицијата, уличната вредност на запленетиот кокаин е околу пет милиони евра. Возачот од БиХ, по наредба на обвинителот од Фиренца, веднаш бил однесен во затворот Прато, каде што ќе го чека понатамошна правна постапка.
Регион
Шефот на дипломатијата на Босна и Херцеговина: Мора постојано да внимаваме на малигното руско влијание
Босна и Херцеговина мора да биде во постојана готовност поради малигното руско влијание, а наводите за обука на лица што требаше да предизвикаат немири во Молдавија за време на минатонеделниот референдум и претседателските избори треба да бидат темелно истражени, предупреди министерот за надворешни работи на БиХ, Елмедин Конаковиќ.
Молдавската полиција извести дека минатата недела извршила рации во целата земја и уапсила неколку лица под сомнение дека подготвувале немири по инструкции од Русија, кои требало да го попречат референдумот.
Истрагата на молдавската полиција претходно доведе до информации дека Русија вложила значителни ресурси и пари за да не го попречува референдумот и да влијае на претседателските избори, па затоа организирале специјална обука на своја територија, но и во Србија и Босна и Херцеговина. Според собраните информации, таму биле обучувани млади луѓе, кои требало да учествуваат во проруски демонстрации.
Во исто време кога оваа информација беше објавена од Министерството за безбедност на БиХ, на чело со Ненад Нешиќ, коалицискиот партнер на лидерот на босанските Срби, Милорад Додик, имаше експресен демант во кој тие ги обвинија медиумите за ширење неточни информации, „кои апсолутно немаат врска со Босна и Херцеговина“.
Нема потврда за постоењето некои кампови за обука, но ОСА утврди дека пред два месеца во БиХ престојувале странски државјани од Истокот, кои може да се поврзат со обиди за организирање групи, чија цел е да ги нарушат јавните собири.
Потоа, министерот за надворешни работи, Конаковиќ, најави дека лично ќе инсистира на Советот на министрите на БиХ целата работа да се расчисти до крај бидејќи е сигурен дека во неговата земја има луѓе штосе занимаваат со конкретни задачи поврзани со руско влијание, а сега има информации и од ОСА, пренесуваат локални медиуми.
„Ова укажува и повикува на претпазливост, која мора да биде постојана кај нас, кои живееме во Босна и Херцеговина“, рече Конаковиќ.