Регион
(Фото) Мистериозна сина светлина над Балканот, граѓаните шокирани, што вели вештачката интелигенција дека, всушност, виделе на небото

Многубројни граѓани од Србија, Босна и Херцеговина, Хрватска и од Словенија синоќа на социјалните мрежи масовно споделија фотографии и видеа од необичен феномен на небото – спирално сино светло, кое исчезна толку бргу како што и се појави! Во примарниот недостиг на идеи за тоа што би можело да биде беше прашана и вештачката интелигенција и одговорот се совпадна со теоријата на голем број луѓе.
Појавата во најмала рака предизвика голем интерес кај оние што го забележаа, но и кај оние што ја видоа необичната снимка благодарение на фотографиите на интернет.
View this post on Instagram
Теориите беа многубројни, а немаше недостиг од емоции, почнувајќи од шок, страв, до целосно задоволство. Некои отидоа дотаму што рекоа дека им е чест да бидат присутни на тоа.
Други, пак, не сакаа да останат без решение на мистеријата, па се обратија за помош на вештачката интелигенција.
View this post on Instagram
„Овој феномен на небото се појавува како спирала од светлина, што може да биде резултат на лансирање ракета или сателит. Таквите спирали често се гледаат кога горивото или издувните гасови од ракетните мотори ја рефлектираат сончевата светлина во горниот дел од атмосферата. Слични феномени се забележани по лансирањето на ракетите ‘Спејс икс’ или други вселенски летала. Ако фотографијата е направена неодамна, можно е да е поврзана со едно од поновите лансирања“, се наведува во одговорот.
Nebo nad Ljubljano pravkar. A kdo kaj ve kaj je to, se je sprožil vladni vesoljski program in bodo poleteli v…? pic.twitter.com/LIdYnQCR8l
— Jože Možina (@JozeMozina) March 24, 2025
Ваквото објаснување, дефинитивно, им одговара на некои од граѓаните, кои мислеа дека токму тоа е во прашање.
Имено, според „Бизнис инсајдер“, со оглед на описот и претходните слични појави многу е веројатно дека станува збор за истекување гориво од неодамна лансирана ракета „Спејс икс“ од Флорида. Имено, „Спејс икс“ ја лансира својата ракета „Фалкон 9“, а лансирањето се случи од базата на вселенските сили во Калифорнија. Последното вакво лансирање се случи во саботата кога слични појави беа забележани и на небото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Камион налетал на запрен автомобил, загинаа сестри: тешка сообраќајна несреќа во Загреб

Две лица загинаа, а трето е повредено во тешка сообраќајна несреќа што се случи утрово на обиколницата на Загреб.
Хрватската полиција објави извештај за тешката несреќа во која настрадаа две сестри, а трето лице е повредено.
„Денес во 9 часот наутро, 40-годишен маж управувал камион со загрепски регистарски таблички, а се движел се по автопатот А3 во североисточен правец. При достигнувањето на 39-тиот километар, тој не ја прилагодил брзината на возилото на состојбата и карактеристиките на патот и атмосферските услови за да може навреме да го запре своето возило пред секоја пречка што можел да ја предвиди во специфичните услови.
Во таа прилика, предниот дел од возилото се судрил со задниот дел од патничко возило со дубровнички регистарски таблички управувано од 67-годишна жена, која се движела по десната лента од горенаведениот коловоз во правец североисток, и во моментот на судирот била запрена на горенаведената лента.
Како резултат на судирот, патничкото возило со дубровнички регистарски таблички било фрлено надесно, а неговиот преден дел се судрил со предниот дел од патничко возило со загрепски регистарски таблички управувано од 62-годишен маж, кој се движел по десната лента на автопатот А3 во правец североисток.
Во сообраќајната несреќа загинаа 67-годишниот возач на патничко возило со дубровнички регистарски таблички и 65-годишна сопатничка од возилото, додека 56-годишната сопатничка од истото возило е тешко повредена и ѝ е укажана лекарска помош во Клиничката болница Дубрава“, соопшти Полициската управа во Загреб.
Регион
(Видео) Еколошка катастрофа – нафта истече во Јадранското Море

Големи количини гориво истекоа во Јадранското Море на островот Хвар во Хрватска. Неофицијално, инцидентот се случил кога пукнал резервоар на танк на бензинската пумпа ИНА, објави „Далмација данас“.
Полицијата е на терен и се истражува како се случил инцидентот.
„Утрово, околу 9.30 часот, е примена информација дека во градот Хвар, заливот Крижна Лука, имало загадување со нафта во морето. Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај спроведувањето на постапката за санирање на штетите, ќе се спроведе и постапка за утврдување на сите факти и околности на настанот“, соопшти сплитската полиција.
Регион
Вучиќ оди во Русија на прославата на Денот на победата, ќе се сретне со Путин

Српскиот претседател Александар Вучиќ потврди дека на 9 мај ќе отпатува за Москва, каде ќе присуствува на парадата за Денот на победата и ќе се сретне со рускиот претседател Владимир Путин, јавува Анадолија.
При гостувањето на ТВ Пинк, Вучиќ изјави дека „со гордост ќе ја претставува Србија“ на обележувањето на 80-годишнината од крајот на Втората светска војна.
„Пред осум месеци реков дека ќе одам во Москва. Ќе одам во Москва“, рече Вучиќ.
Тој додаде дека најверојатно сам ќе отпатува во руската престолнина и дека поради тоа „ќе ги прими сите удари на светот, и однадвор и од внатре“.
„Не сакам владата на Ѓуро Мацут да ја плати цената. Сакам тој да има можност правилно да соработува со Европската унија и никој да не го обвинува за ништо. Тешко дека армијата ќе оди, бидејќи би била изложена на притисоци и санкции“, рече Вучиќ.
Тој најави дека со рускиот претседател ќе разговара за новиот гасен аранжман, како и за иднината на Нафтената индустрија на Србија (НИС), која е загрозена од американските санкции поради рускиот сопственички удел.
„Мораме да го потпишеме договорот за гас до 30 мај. Мора да го решиме прашањето за нафтената компанија. Мора да разговараме и за сите други теми“, рече Вучиќ.
Тој ја најави и посетата на еврокомесарката за проширување Марта Кос на Белград на крајот на април и изрази надеж дека ќе има можност да разговара со претставници на Републиканската партија и американското раководство пред да замине за Москва.