Хрватската претседателка во заминување, Колинда Грабар-Китаровиќ, се премислила и се откажа од намерата да не бара на располагање канцеларија што ќе ја користи по истекот на мандатот на 18 февруари, пренесува „Индекс“.

Хрватскиот портал потсетува дека Грабар-Китаровиќ го почна својот мандат со ветување дека ќе го премести претседателскот кабинет од Пантовчак заради заштеда, а го завршува со најава дека ќе бара канцеларија што ќе ја користи по истекот на мандатот затоа што, како што изјавила за „Нова ТВ“, сака да продолжи да работи на брендирањето на Хрватска и дека за тоа ѝ треба база.

Таа посочила дека не може да седи негде и да не работи ништо, истовремено тврдејќи дека својот наследник Зоран Миланивиќ ниту ќе го критикува, ниту ќе го фали, ниту ќе ја коментира неговата работа.

Според важечките прописи, Грабар-Китаровиќ има право шест месеци да добива надомест во висина на платата, која изнесува 24.376,20 куни (3.276 евра) нето, а потоа уште шест месеци 50 отсто од таа плата.

Како поранешен претседател има пет години право на канцеларија, на двајца државни службеници, личен возач и службено возило, а правото на физичка заштита ќе го има трајно.

Во Грција е регистриран пораст на бројот на тешки случаи на заболени и починати од грип. Според Националната организација за јавно здравство, од октомври до минатата недела биле пријавени 59 случаи на грип, од кои 50 се лекувани на одделенито за интензивна нега.

Само минатата недела 27 од 50 случаи се примени на интензивна нега.

Како што се наведува, 42,4 процента од пациентите во одделението на интензивна нега се разболеле иако биле благовремено вакцинирани против грип.

Во Грција вкупно се пријавени 13 смртни случаи од компликации на оваа болест, од кои седум биле на одделението на интензивна нега.

Исто така, зголемен е бројот на посети на лекари на пациенти со симптоми на грип.

Црногорскиот аналитичар и колумнист Игор Дамјановиќ бил уапсен денеска поради преписка на „Фејсбук“ со извесен Алија Џукиќ, кој против него потоа поднел пријава, наведува порталот „Ин4с“.

Дамјановиќ е познат како координатор на мировното движење „Не во војна, не во НАТО“ и аналитичар кој отворено ја критикува црногорската власт.

По оцената на многу аналитичари во Црна Гора, овој настан е само уште една потврда дека очигледно се воведува како пракса во постапувањето на црногорската полиција вербалниот деликт да го смета за доволна причина за апсење.

„Ваквите вести не се само показател на режимската бруталност, туку, пред сè, на слабоста. Се плашат од слободната мисла. Сега се во незапаметена криза“, вели аналитичарот Бошко Вукичевиќ.

Претходно, никшиќанецот Милија Горановиќ беше казнет со глоба од 500 евра затоа што на својот фејсбук-профил наводно го навредувал директорот на Управата на полицијата на Црна Гора, Веселин Вељовиќ.