Два земјотреси со интензитет од 4,1 и 4,3 степени според Рихтер го погодија грчкиот остров Закинтос, објави грчката агенција АНА.

Потресите се регистрирани во Јонско Море на 45 и 56 километри југозападно од Закинтос.

Пред три дена островот го погодија три земјотреси. АНА потсетува дека на Закинтос се регистрирани неколку последователни потреси по земјотресот со јачина од 6,4 степени според Рихтер што се случи на 26 октомври.

Илјадници Бугари ги блокираа главните улици и граничните премини кон Турција и Грција во знак на протест против поскапувањето на горивата во најсиромашната земја во Европската Унија.

„Анадолија“ објави дека биле блокирани и граничните премини со Романија и со Србија.

Протестите се одржуваат секој викенд во текот на изминатиов месец. Демонстрантите повеќе часа го блокираат сообраќајот на повеќе места на главните автопати.

На автопатот кој води кон границата со Турција полицијата се обидела да ги спречи возачите да го блокираат сообраќајот, но тие го пробиле кордонот.

Протестни собори се одржаа во Софија и во другите поголеми градови, а учесниците и за утре најавија блокади на улиците.

Во Хрватска се одбележува Денот на сеќавање на жртвите од Вуковар, тој ден Хрватите го сметаат падот на тој град. Во „Колона на сеќавање“ присуствуваа државниот врв на Хрватска, Здруженијата на бранители и голем број граѓани.

„Колоната долга пет ипол километри, се одржува секој 18 ноември во знак на сеќавање на влезот на единицата на ЈНА во 1991 година во овој град.

Претседателката на Хрватска, Колинда Грабар Китаровиќ, премиерот Андреј Пленковиќ, членови на владата и илјада граѓани се собраа во дворот на вуковарската болница, од каде тргнаа кон меморијалните гробишта, каде ќе одадат почит на вуковарските жртви.

„Нема прошка, нема амнестија кај воените злосторства. Воените злосторства не застаруваат“ порача Пленковиќ.